¹ Moisësë chiminin piquëran, Sinioro piyapinën, Cosoi Nun huinin Siniorori nontërin, Moisësë hua'an catahuarinso', itapon: ² "Moisësë, piyapinëhuë, nani chiminin. Napoaton, huaniquë, iso' cortanai Pëntontamaquë, quëma inaran ya'ipi piyapiro'sa piyapinëhuëpitarëquë', carinquëma no'pa' quëtaranquëmaquë, piyapinëhuëpita Isërairo'sa. ³ Carinquëma' quëtëranquëma' anaya anaya ya'huëramaquë no'pa i'natëramaquë. Quëma mini quëtëranquën, Moisësë quihuitërahuëso' pochin. ⁴ Inotëro' quëra huarë' Tanan naniconinquëhuarë, pa'pi aquë' pancai i'i Efrates, ya'ipi hitataro'sa no'panëna'quë huarë' marë Mediterráneo, pi'i ya'coninquë huarë', inaquë huarë' no'panën nisarin. ⁵ Co inso tëranta' nanitarinhuë' notëtëranquë ehinifinquënso' ya'ipi tahuërinanpiranquë. Ca ya'huarahuë Moisësërëco' yaoraopochin. Co pataranquëhuë co nani antaranquënhuë. ⁶ Chininquën cancantëquë. Iso' ninano' quëmari catahuapon no'pa ya'huëtaona cari quihuitërahuëso' iraca' shimashonëma quëtaranquëma itërahuëso'. ⁷ Chiniquën cancantëquë. Noya yonquiquë' ya'ipi piyapinëhuë Moisësë camaitërinso natëcamarë. Ama naniantëquësohuë natanaso'pita' co ahuënanquëra co inchinan quëra tëranta peshunaranhuë, intohuatëranta pa'patan minsëtonapi nisaran. ⁸ Sha'huirápon nani tahuëri iso' pënëto quiricanënquëran. Ina yonquiráquë, tahuërirë chachin tashirë' chachin, natëcamaquë ya'ipi inaquë nishitërinso' nicaponahuë capa cancantaran minsëtonapi nisaran. ⁹ ¿Co'na inapochin camairanquëhuë? ¡Chiniquën niquë chiniquën cancantëquë! Ama tëhuaquësohuë. Ama co nanitërahuë tëquësohuë. Quëma Sinioronën chachin quëmaquë ya'huarin in tohuatëranta' pa'piranhuë." ¹⁰ Ina quëran, Cosoiri ninano' hua'ano'sa camairin: ¹¹ "Paatoma'ninanoquë ya'huapiso'pita sha'huitoco': Cosharo' ni'ina' ompoatonta', cara tahuëri quëran cortanai pëntotarama', yacenarama'maso' marë', inaquëran hua'anëntarama no'pa Yosë chachin quëtarinquëmaso' hua'anentomiatacaso' marë." ¹² Ropinitaro'sa, catitaro'sa patomachi Manasés piyapinënpita Cosoiri itërin: ¹³ "Yonquiráco' Moisësë nanan, Sinioro piyapinën, camaihuachina itërin: Sinioronëma Yosë chachin na'sha chiniropi quëtarinquëma ina chachin Iso no'pa quëtararinquëma. ¹⁴ Sa'amapita, huinamapita ohuacanëmapita quëparitapona Moisësë no'pa quëtërimaquë cortanai A'quëtë. Nicaponahuë chinëquëno'sa'so' iyahuarinëquën pasapi canpitarinta catahuarama', ¹⁵ omporo'sona iyahuarinpita Yosëri achinataquëhuarë, ompopinsona canpitanta ina quëtërinquëma pochin. Nicaponahuë, inahuata hua'anëntapona no'pa, Sinioro tata Yosë quëtërinquëmaso'. Napoaponahuë canpitaso' no'panëmaquë chachin ayamantarama hua'anëtacaso' marë. Moisësë Yosë piyapinëni, no'pa quëtërinquëmaso' cortanai aquëtëran, pi'i pi'pirin partiran." ¹⁶ Cosoi a'panitona itopi: "ya'ipi camairan coiso' noya nicapoi, infohuatëranto a'pahuatacoi, pa'sarai. ¹⁷ Na'tëaraiquën mini ompopinsona quiyari Moisësë natëraipochin. Isoichin Sinioro Tata Yosë quëmaquë ya'hua'in, Moisësërë' yahuëriso' pochin. ¹⁸ Isotëranta camaitëranso' co natëhuachin quëhuë' chiminacaso' ya'huerin. Chiniquën ni'quë' chiniquën cancantëquë."