¹ Na ol pikinini meri bilong Zelopehat kam long Moses. Ol i bilong Manase famili, Josep em papa bilong Manase, Manase em papa bilong Maki, na Maki em papa bilong Gileat, na Gileat em papa bilong Hepe, na Hepe em papa bilong Zelopehat. Nem bilong ol pikinini meri, em Mala, Noa, Hokla, Milka na Tisa ² Ol i kam sanap long ai bilong Moses, pris Eleasa, ol lida na ol mameri long dua go insait long haus sel bilong miting ³ Ol i tok, "Papa bilong mipela i dai long rot, ples nogat man long em. Em i no bin stap wantaim Kora na ol manmeri i tok baksait long God Yawe. Em dai nating long asua bilong sin bilong em yet. Em nogat ol pikinini man. ⁴ Bilong wanem yupela rausim nem bilong papa bilong mipela long famili lain, long wanem em nogat ol pikinini man, a. Givim mipla graun bilong famali lain bilong papa" ⁵ Olsem na Moses tokim God Yawe ol hevi wari bilong ol pikinini meri bilong Selopehat ⁶ God Yawe toktok long Moses na tok, ⁷ "Wanem ol pikinini meri bilong Selopehat tok em tru. Yupela mas skelim ol hap graun samting bilong ol lain papa bilong ol igo long ol, yu mas lukim gut ol pikinini mas kisim ol samting bilong papa bilong ol. ⁸ Yu mas toktok long ol manmer bilong Israeli na tok, " Sapos wanpela man i dai na em nogat pikinini man long kisim ol samting bilong papa, orait givim i go long pikinini meri bilong em. ⁹ Sapos em nogat pikinini meri, orait givim i go long ol brata bilong em. ¹⁰ Sapos em nogat ol brata, orait givim ol i go long ol brata bilong papa bilong em. ¹¹ Sapos papa em nogat ol brata, orait givim i go long wanpela insait long famili stap olsem brata, na ol samting bai stap oltaim olsem bilong em tasol. Dispela bai stap olsem lo bilong ol manmeri bilong Israel, olsem God Yawe tokim mi long em" ¹² God Yawe tokim Moses, "Go antap long maunten Abarim na lukim ol graun mi bin givim long manmeri bilong Israel. ¹³ Taim yu lukim pinis, bihain yu tu, mas bungim ol lain famili bilong yu, olsem brata bilong yu Aron, ¹⁴ Dispela samting bai i kamap long yutupela long wanem yutupela i no wanbel long ol tok bilong mi long ples nating Zin, Taim wara kam aut long ston yutupela kros yet na i no givim ona na biknem long mi long ai bilong olgeta manmeri bilong Israel". Dispela ol wara bilong Meriba bilong Kades long ples Zin. ¹⁵ Nau Moses toktok long God Yawe na tok. ¹⁶ Yu ken, God Yawe, God, yu save givim ol spirit bilong yu long ol manmeri, makim wanpela maus man long go pas long ol manmeri, ¹⁷ man husat i ken kisim ol i go aut na kisim ol kam in, na man husat bai bringim ol go autsait na bringim ol kam insait olsem wasman bilong sipsip. Ol manmeri bilong yu i noken paul na go nabaut nabaut olsem ol sipsip nogat wasman", ¹⁸ God Yawe tokim Moses," Kisim Josua pikinini bilong Nun, man spirit bilong mi stap long em, putim han bilong yu antap long em. ¹⁹ Putim em long ai bilong pris Eleas na long ai bilong olgeta manmeri na yu givim toktok long em long ol wok bilong em. olgeta mas lukim na harim. long wanem em bai i go pas na ol bai i bihainim em. ²⁰ Yu mas givim sampela pawa bilong yu long em. Ol manmeri bilong Israel i ken lukim, harim na bihainim tok bilong em. ²¹ Em bai go pas long pris Eleasa na kisim ol toksave na tingting bilong Bikpela long Urim. Na bihain toksave long em. Em bai givim tok na ol manmeri bai go aut na kam insait, em yet wantaim olgeta manmeri bilong Israel bai mekim olsem." ²² Olsem na Moses mekim ol samting God Yawe i tokim em long mekim. Em kisim Josus kam na putim em long ai bilong pris Eleasa, na long ai bilong olgeta manmeri bilong israel. ²³ Em putim tupela han antap long em na tokim em long go pas na kisim ol manmeri i go olsem God Yawe bin tokim em long mekim.