¹ Israel i stap long Shitim, na ol man i stat long wokim pasin pamuk wantaim ol meri bilong ples Moab, ² ol lain Moab i singautim ol manmeri ikam long lotu na mekim ofa igo long ol god bilong ol. Olsem na ol manmeri i kaikai na brukim skru long ol god bilong ol Moab. ³ Ol man bilong Israel i bung wantaim ol na lotium Bal god bilong Peor, na belhat bilong God Yawe kamap antap long ol lain Israel. ⁴ God Yawe i tokim Moses, ''Kilim olgeta hetman bilong ol manmeri na hangamapim ol long ai bilong mi long putim ol i kamap ples kilia long san lait, olsem na bai dispela bikpela belhat bilong mi bai i pinis long ol Israel.'' ⁵ Olsem nau Moses i tokim olgeta hetman bilong ol lain Israel,'' Yu wanwan i mas kilim i dai ol lain manmeri bilong yu husait i bung wantaim ol lain bilong lotuim Bal god bilong Peor.'' ⁶ Orait wanpela man Israel i kam na kisim wantaim em namel long ol lain femili bilong em wanpela meri bilong ples Midian. Dispela i bin kamap long ai bilong Moses na olgeta manmeri bilong Israel, taim ol i bin krai long dua bilong haus sel bilong bung. ⁷ Taim Phinehas pikinini bilong Eleasar husait i pikinini bilong pris Aron, i lukim dispela, em kirap namel long ol manmeri na i kisim spia long han bilong em. ⁸ Em i bihainim dispela man Israel igo insait long haus sel na sutim spia igo insait long bel bilong tupela, tupela wantaim man Israel na dispela meri. Olsem na dispela belhat we God Yawe i bin salim antap long ol lain Israel i pinis. ⁹ Ol dispela lain husait i dai long bikpela belhat bilong God Yawe, namba bilong ol i olsem 24 000 manmeri olgeta. ¹⁰ God Yawe i toktok long Moses na i tok, ¹¹ ''Phinehas pikinini bilong Eleasar husait i piknini bilong pris Aron, i tanim belhat bilong ol manmeri biong Isreal long wonem em i bin wokim kamap wonem samting mi tingim long en namel long ol. Olsem na mi ino bagarapim ol manmeri bilong Israel insait long bikpela belhat bilong mi. ¹² Olsem na mekim dispela tok , 'God Yawe i tok,'' Lukim, Mi givim igo long Phinehas nau tok promis bilong bel isis. ¹³ Long em wantaim ol lain tumbuna bihain long em, dispela bai i kamap wanpela strongpela tok promis we bai i stap oltaim oltaim insait long wok pris bilong ol long wonem em i bin mekim ol samting mi lakim , Mi God bilong em. Em i bin mekim wonem samting we mi yet inap wokim long ol manmeri bilong Israel.''''' ¹⁴ Nau nem bilong dispela man Israel husait ol i bin kilim wantaim dispela Midian meri em i Simri pikkinini bilong Salu, wanpela bikman bilong ol lain tumbuna femili namel long ol Simeon. ¹⁵ Nem bilong dispela meri Midian we ol i bin kilim long en i Kosbi em pikinini meri bilong Sur, husait i bin i stap het man bilong ol lain na femili insait long Midian. ¹⁶ Olsem na God Yawe i toktok long Moses na itok, ¹⁷ '' Wokim ol Midian olsem birua bilong yupela na bagarapim na kilim ol, ¹⁸ long wonem ol i mekim yupela kamap olsem birua long giaman bilong ol. Long Peor tasol ol i kisim yupela igo insait long pasin tudak long we i bin kamap na long wonem samting i bin kamap long sista bilong ol Kosip, pikinini meri bilong het man insait long Midian, husait we ol i bin kilim long dispela dei we lo manmeri ino bin sindaun gut long hevi bilong Peor.''