¹ God Yawe i toktok long Moses na Aron.Em i tok, ² ''Dispela em i strongpela tok, wanpela lo we mi i givim long yu, Tokim ol pipol bilong Israel olsem ol i mas karim i kam long yu wanpela ret pela youngpela kau i nogat sik o bagarap long en na em ino bin kalabus bilong wok. ³ Givim dispela youngpela kau long pris Eleasar. Em imas kisim igo autsait long kemp, na wanpela man mas kilim long pes bilong em. ⁴ Pris Eleasar i mas kisim sampela bulut bilong dispela youngpela kau long pinga bilong em na tromei liklik liklik 7 pela taim long wetim ai bilong haus sel bilong bum. ⁵ Narapela pris mas kukim dispela youngpela kau long ai bilong em. Em imas kukim ol samting i haitim en,mit,na ol bulut bilong en wantaim pekpek bilong en. ⁶ Pris i mas kisim diwai cedar, hisop, na retpela wol rop, na tromai olgeta yet igo insait long namel long youngpela kau taim paia i kukim yet. ⁷ Na em i wasim kolos bilong em na em mas waswas long wara, na em iken kam insait long haus sel tasol em bai stap doti igo inap long abinun i kam. ⁸ Dispela man usait i kukim youngpela kau i mas wasim kolos bilong em na waswas long wara. Em bai i stap doti inap long abinun ikam. ⁹ Wapela man usait i klin i mas bungim ol das bilong dispela youngpela kau na putim long klin pela hap autsait long kemp. Lukautim ol dispela das istap long wonem em bilong ol lain manmeri bilong Israel. Ol bai bunim na tanim wantaim wara bilong klinim ol yet long sin, long wonem dispela das ol i kisim long sin ofa. ¹⁰ Usait man i bungim das bilong youngpela kau mas wasim kolos bilong em. Em bai i stap doti igo inap long abinun ikam. Dispela em bai kamap strongpela lo bilong ol manmeri bilong Israel na ol narapela lain usait i stap wantaim ol. ¹¹ Usait i holim skin bilong olgeta dai man em bai stap doti inap long 7 pela deis. ¹² Dispela kain man klinim em yet long dei namba 3 na long dei namba 7. Long dispela em bai i kamap klin. Tasol sapos em i no mekim em yet i kamap klin long dei namba 3, olrait em bai no inap kamap klin long dei namaba 7. ¹³ Usait man i holim bodi bilong dai man, bodi bilong man we em i dai pinis long en, na ino klinim em yet- dispela man i bagaraim haus sel lotu bilong God Yawe. Dispela man i mas stap long we long Israel long wonem wara bilong rausim pasin doti ino bin wetim em liklik liklik. Em bai stap doti, na doti bilong em bai i stap antap long em. ¹⁴ Dispela em i lo long wonem sapos wanpela man i dai insait long haus sel. Olgeta lain manmeri usait igo insait long haus sel na olgeta usait i stap insait bipo long haus sel bai i kamap doti inap long 7 pela deis. ¹⁵ Olgeta kontena we i op na i nogat lid i karamapim ol i kamap doti tu. ¹⁶ Wankain tasol, ol usait i stap autsait long haus sel na usait i holim skin bilong man usait ol i bin kilim wantaim bainat, na ol arapela dai man, bun bilong man o matmat-dispela man bai i kamap doti inap long 7 pela deis. ¹⁷ Mekim dispela long man i doti. Kisim sampela das bilong sin ofa we ol i bin kukim long en na tanim wantaim klin pela wara insait long pot. ¹⁸ Ol lain usait i klin i mas kisim hisop, putim igo insait long wara, na wetim liklik liklik antap long haus sel,antap long olgeta kontena insait long haus sel, antap long ol lain usait i bin stap long hap, na antap long ol usait i holim bun, usait ol i kilim, usait i dai, o matmat. ¹⁹ Long dei namba 3 na long dei namba 7, klinpela man imas wetim liklik liklik dispela doti man. Long dei namba 7 dispela doti man imas klinim em yet. Em i mas wasim kolos bilong em na waswas long wara. Long abinun em bai kamap klin. ²⁰ Tasol usait man i stap doti, na usait i les long klimim em yet - dispela man bai stap long we long olgeta manmeri, long wonem em i nau bagarapim ples holi bilong God Yawe. Dispela wara bilong klinim doti man ol i no wetim liklik liklik antap long em yet,na em bai stap doti yet. ²¹ DIspela bai i lo bilong nau na bihain long ol dispela kain hevi. Usait man i wetim liklik liklik wara bilong klinim ol doti man imas wasim kolos bilong em. Na man usait i holim wara bilong klinim doti man bai i doti inap long abinun i kam. ²² Wonem samting dispela man i holim bai i kamap doti. Na man usait i holim dispela samting bai i kamap doti igo inap long abinun.''