¹ Inza she zyamile kufuma kuvwandilo- zye twivuye, zye twazyenyizye naminso gitu, zye twinzile twazyenyelezya ninyove- zyitu zyinzile zyalema- kuyanana nizwi lya vulanzi. ² Havili, uvulanzi uvwene vwe vuhamanyiha, na twavwenyizye nukuvusimishizya. Tukulumbiila kuti imwe uvulanzi nvwashima, vwe vwali nu Tata, navwe vumanyisile kuliswe. ³ Zye twenyizye nukwivwa zye tukuzikumusya havili kwimwe, uvupoka vwitu vuli nu Tata nu mwana wakwe, uYesu Chilisiti. ⁴ Havili, tukuvasimbila zinizi imwe ukuti uuseshelo lwitu luvanje lwakwizula. ⁵ Ili lwe lipangwi lye twivuye kufuma kuwuyo nalye tukulumbilila kwimwe: uMulungu luhozyi, namumwakwe mutali ishisi nashimo. ⁶ Inga tukuyanga ukuti tuli nuvupoka nawope loli tukujenda mushisi, tukuluma ilenga navwe tutakuvomba uvwanalyoli. ⁷ Loli inga tukujenda muluhozyo inza she ali muluhozyo, tulinuvupoka uno nuwamwavo, pe nivanda lya Yesu umwana wakwe likutuzelufya iswe kumbivi zyonti. ⁸ Inga tukuyanga ukuti tutali nimbivi tukuyihopeha tweka, nuvwa nalyoli vutali mwiswe. ⁹ Loli inga tukuyilata imbivi zyitu, uwene musuvaliwa na mugolosu ukutuhovoshela iswe imbivi zyitu akutuzelufya iswe ku vusita vugolosu vwonti. ¹⁰ Inga tukuyanga ukuti tutatazile amalandu iswe, pe tukumuviha ukuva muluma ilenga, pe nizwi lyakwe litali mumwitu.