¹ Kati ugbarika ucokoro ba, nyinza me tize gusi acoo uyoo uwe, nyinza inyani tize gusi anuhenu. ² Nyinza awari aneh kasi an ka'ino uwe, mabura kasi anuhenu uwe alau. ³ Nyinza akoro tinanu, akoro akadura. ⁴ Abanna me ukoro sa mazin in ahana nyani anu uyarang, tonno wa tubu unyimza uti nanu anyimo anikura niweme, tonno wa garsa anu aweme, barki Asere ma kunna urinta unime. ⁵ Abanna akoro ukadure samazin isisi ime. Ma inki iriba ime me ahira Asere, konde umaya ma patti nice nume me unu wuza u nikuri nan biringara niye nan uwui. ⁶ Abanna, uneh unu nyara u ticukum ti urunta mamu wono, a ma daza in ivai. ⁷ Kisa ni timumum tige me barki wa cukuno sarki imum u zati u cara uniza. ⁸ Abanna in daki unu ma rusa wuza anu ahenu ume ire mum ige sa patti we ba, ana kura ame me sa wazi, ma nyari me kadure, imbari anu zatu u tarsa Asere nan me. ⁹ Ceki abati vana u eh ukoro de sa daki ma biki tiwe akure utarsi ba uneh unu inde. ¹⁰ A rusi me inka tuma kare-re, nyani ma mahirii a hana a meme memereni, ma ku cukuno unu kabsa agenu, nyani unu kpijo uti buna tanu tarsa Asere, myini macukuno ubenki ande sa apatti we, ma inki iriba ahira ako ya katuma kare-re. ¹¹ Abanna ahira akoro be sa wada unu uhira, kati soki we anyimo anigo na koro, barki inki warizo anyimo a gmei maje manipum mage besa mazin inishina nan nu Ugomo asere wa nyari wa wuzi anya. ¹² Unu ugino uni wa oro acce awe me ujoro barki vete utirza utize tu tuba. ¹³ Ma me we iriba iku gbara, wazi nu kese ati kura tikura, azo agi ticukuno ti kugbara tini casba, abanna wa cukuno ana bi bukum, ana nyet, ana nye-nyet, wazinu ubo imum be sa daki ya wuna ba. ¹⁴ Barki ani me in nyara akoro ana hira wa wuzi anya, ya yozo ahana, wa benki akura, barki kati anya unu uburu ahira ubit uru uwuza imum izenze. ¹⁵ Barki aye wamu hurnewe wa tarsa unu uburu. ¹⁶ Inki ure uneh unu uhem in kadura mazin ina okoro, ceki ma benki we, barki kati anya udenge wanu tarsa utize ta sere ubanki akoro akadura. ¹⁷ Acokoro be sa wazin intigomo ti re-re wa kem unonziko uhana kare, kusi ande be sa wazin inka tuma in na gogbura are-re nan nubezizi. ¹⁸ Abanna u inko utize waguna, "Kati u impi kapadari anyo ugniya sa kazin nu sutuka immare," de sa ma wuza kaduma anyame ikirfi ime. ¹⁹ Kati ukabi anyari ahira ucokoro inki yani unu ira cukuno waru hana wataru. ²⁰ Ugbarka ana madini aje kodevi bati ukasu me ukunna biyyau. ²¹ Ma wuna we barki Asere, nan Ugomo Asere Yeso, nan ana kudura ka sere sa azaukawe tarsa timummu kati ugursa ahira nan nu be usassas. ²² Kati uwuu dibe u tara uwe tari, kati uhaki anyimo a madini ma uwe, inta nicce nuwe mamerum. ²³ Kati ure aje ina sa gmei, abanna me abanna, anya anime saa gmei cinglin barki apuru awemezome ahuma ba. ²⁴ Madini ma aye maraa amasaa, wa wuza ishina anyimo u inko utize, abanna me aye wa madini mawe me matarsa we. ²⁵ Ani mani, kare katuma kare-re kaweme ka matarsa we. Ani mani, kare katuma kare-re kaweme ka raa amasaa, abanna mare mada mazo me nihunzi ba.