¹ Tize tige me ane ani tizi. inki uye mazi ukolimo ma cukuno unaje udenge Asere mazin nu ukolimo ukatuma ka riri. ² Barki anime, ya cukuno gbas una je ma cukuno imum uzatu uboo. ma cukuno unu uneh u inde, ma cukuno unu meki unice, unu iriba isheu, unu kabsa utize, unu kabsa agenu, ma cukuno mada ke ma dungari. ³ Kati ma cukuno unu sisa ubere, una matara, ahira agino ma cukuno unu nasa iriba, unu hem in anu, daki unu nyara ikirfi ba. ⁴ Ma cukuno unu tarsa in akura ame me memerum, ahana am eme wa cukuno anu kunna ume tize nan unyinza ume tinanu. ⁵ Abanna inki daki unu ma rusa utarsa in akura ameme ba, aneni madi rusi ucenti akura Asere? ⁶ Kati ma cukuno unu uso ukaba utize ti Asere ba, barki kati ma bo inu vengizi unice, kati ma rizi anyimo usanda uweki utize tige sa weki unu uburi ugino me. ⁷ Ma cukuno unu iriba iriri ahira ande sa wa tawe tize ti Asere, barki kati ma ribe anyimo amu'i nani ma ribe a nibarda ni unu uburi. ⁸ Ane ani ma Dikinoni wa cukuno anu abenki, azo ana tize kani kareba, daki ya wuna ure wa cukuno anu siza ubere banyani wa cukuno unu inta pash. ⁹ Wa cukuno anu inta masaa makadura nan nuhem ukadura nan nu ubassa abanga are-re. ¹⁰ Memerum ini atubi ubezi uwe, abini me watubi kaduma barki ini mum ibi bugum. ¹¹ Ane ani ane wa cukuno anu tarsa ina nu, daki ya wuna uree wa cukuno ana bi bukum ba, abanna me anu umeki acce nan nu urusa u inta akura anyimo akondi ya imum. ¹² Ya cukuno ma Dikinoni ma cukuno ana ne wa inde-inde, warusi u tarsa ina hana aweme nan tikura ti weme. ¹³ Abanna me ande sa wa wuza katuma ka re-re wakem utonno ure-re dangas anyimouhem ukatuma ka sere sa karaa anyimo Ugomo Asere Yeso. ¹⁴ Inzin nu nyatike wa ti mum tigino me, unu inko iriba indi e ahira aweme daki unu dadangino ba. ¹⁵ Abanna inki māde, in zin nu nyetike uwen barki urusi una be sa udi tarsi intimum tiweme anyimo akura Asere, udenge Asere ivai, nitin nan unu benki ukadura. ¹⁶ Da matara marani mazo amu bezi u tarsa Asere aru u kadura kani kazi gbardang. "Ma bezi nicce numeme anyimo anipum, bibe ba suso me, ahana akadura ka sere wa iri me, akiti me ahira anu zatu tarsa Asere, a hem im me anyimo unee, abine ani aziti me me uhana a zesere anyimo ani nonzo.