¹ Kaku gonong serang gonong, ing halu nama daping karajang p'ela mimugu ganang. ² Tamadi p'ela pinang ajimi toma moling hise emang hula agaluali ae Kristus gahukung gomi. ³ Agani ibase nama joa bola gebma gagunang u,anibase kagagia ni bana, gang gavak anga ga ali. ⁴ Ma e mang ajimi ikarajang anga miama toga uling. Anga hise, ang bisa avak anga bale gauling miama nama ebeng migauling senghise mia nama ebeng mi mega. ⁵ Ang gelalang, nama ananu gatamadi anga gemba usasa. ANG IL NUA ANGABA UKARAJANG 6 Alangba Lahatala gahur nua dalnua anga dapa gang bisa ilnua anga miama nama ajimi gitubing namaba ae nama ajar jia. ⁷ Ake nama gala leko. Ganang Lahatalahka nama gala mamulal gana ang gagelang nama alalangba il olu nening angaba gang tei angaba nang olu. ⁸ Namaba gomi kalilah mi tei muding gamau ugalvali oras anu mise mipera geng lebe e gamau ugaluali gomimi. angani ibase, namaba tei muding ae Roh nua gomimi anga oras anumigang olu di gapetal anga ae Roh gegjia mi. ⁹ Pink karajang nua gene ake moleng ganang. oli anga ping olu pinka p'iabak miama nama genang ganang. ¹⁰ Ang gagelang ping oras nua anga dapa, mae ping nua angaba gene miama keluarga ba ae iman persaja gomimi. PAULUS GASURAT GAUMATE ¹¹ Ulinghi huruf p'al angaba tatabani nang tulis miama menang nengba natang galohang. ¹² Gingga nua adi mia nama gatubing giomi tabi puni nama paksa ging sunat. oli ging il anga gene namaka gijajahing gahinggang Kristus gasalib gomi. ¹³ Ging ba nama ging sunat anga kataurat gamau ugaluali ganaga ging gimau gene bola ging sunat ang gagelanghi ging nama sunat anga ubagang sebola nama ging tajaning. ¹⁴ Paulus gola nangka perna narak tajaning ganaga kalau ae pimang Lahatala gasalib gomi oli, Yesus Kristus. Gasalib mi. ¹⁵ Nama sunat oli sunat banaga geng gamang garatise nanening minua anga ubagang sebola nama il gene haba. ¹⁶ nama ajimi bola aturan, adi galamal ae angami anga suka nap'era oli Lahatala ganua hela ning tang Israel ae Israel ga Lahatalah gomimi. ¹⁷ Angani, nama abengka neng gene il ugahala ganang ilkaranu ganang gene adi emang hula Yesus gie nomimi. ¹⁸ Kaku gonong serang gonong, Tuhan Yesus Lahatala ganua miama ilahama ae Roh mi. Tabi.