¹ Neng bogagiani, oras navening gomi adi naval nidat gonong dokakiri gengka nama gagahing angake teng gajoang banaga gagomimi anga gangba il karanu ae anga geg. ² Geng anga ae gaparenta gaubukang oli E gomi utabura anga ae dumang sampe oras ba ae gimang utautu anga gomimi. ³ Miga mota pingdi, oras ping dokakiri, pingdi roh pela ginong ping p'ana geg ugaluali. ⁴ Ani ibase, Oras vid gakanap ping sampe, Lahatala gaval geng gahing, ba nama ngajali ae nama hial mi adu oli ngaji ae Taurat Gahukung mi, ⁵ Mia gingba ae Taurat Gahukung dumang anga gatilal ani hise gang ping dapa piheli mia gaval gene. ⁶ Gagomimi anga angaba Naval gidat garoh panatu ae nomimi, angaba iagang, "Abba, Bapa." ⁷ jadi, ingka nama gagahing vala gene banaga, ibase val. Kalu ingadiba val, Lahatala ingmia gap'asaka gene ae Kristus miadu. AKE ING IAVAKMIA PALIKA P'AL GAROH ROH GENANG GANANG ⁸ Tulang anga, oras ingka Lahatala geli bado, ing anga namo ing gaghing geg ae gongba kagantantu Lahatala minade bana. ⁹ Ani ibase, vede adi, gamitula ing Lahatala geli banaga lebe menua Lahatala ging kanal jema, tataba hise ing oli bola yomi bale magala ing p'ana palika p'al gaeang p'ela gonong ba mole gagung ganaga? ake ing bola nama bale inggagahing geg? ¹⁰ Vid-vid, uru-uru, taganang, vid aribut anga tung-tungse, ing ga sambajang geni! ¹¹ Nang Harep'ang akeba nakarajang nataruang hela nang gene jema mia idang anga mang jadi parasuma. ¹² Nang bagang senang mia adang, kaka gonong serang gonong musti neng gajoanghi gagomimi oli nengdi ae mangrede ing gajoang. Ingka gahala mia nadang bana. ¹³ Ing geli gaholomang anga nang Injil adi mia iljala tutuk gagomimi ake na ketang ae moleng gomimi. ¹⁴ Ae gomimi anga naboga moleng adimia hava gavagi nadang, ing ake nahula oli natomba ganang oli gadang. Oli gaebeng anga, ing neng tarima anga mang vede neng adi Lahatala gamalaikat, mang vede leko-leko sebola neng adiba Yesus kristus anga! ¹⁵ Barakaba ing urasa anga adise ing ukapaing tatabani? Gagomimi anga, ipana tulang va jenia anga nang nua ihahama adimi ubagang, kalu bisa se nang eng karali anga deko oli miama menengdi in ugaluali. ¹⁶ Anise oras adi neng mia ipalong gene gelabani nang hur dal molo adimia alatutuk.? ¹⁷ Nama gonong anga eang dapa, ani ibase gumi angaka molo banaga. Ging bola isoru p'ana gileta mikakubal sehula mianumise ging kuli giola. ¹⁸ Tabinua kalu bola oras taganang ing kalaka il-il anga ukarajang p'ana nua gadang, oli kabola nang misarakase nendi ae ilatopuni. ¹⁹ Naval gonong, mia idang, nang oli navak galolang mianu magala ketang anga nang toni udagili sampe Kristus eang. ²⁰ Nang bagang senangi nang bisa iyala topuni vede oli namang adi gabuala gagomimi naakal mia idangdi p'ohing. HAGAR OLI SARA MIA SONTO GAVAGI ²¹ Tutuk mia nadang, hoi ingba boka malekang ap'etal Taurat Gahukung dumang, getabaniba ingka Taurat Gahukung uhalela banaga? ²² Surat gomimi anga ae tulis, boma Abraham gaval amu alo anu anga hialba gigahing vala angaba ugajahi, oli anu magala anga ae hia mardeka mi adu. ²³ Ani ibase v 24 Nening ba ing gie gauling adi mia gasuang gafagi se gagomimi anga hial adi alo gasuang alo ae gapalaki gomi angami. Anu anga palaki toe Sinai adualmi oli val budak gonong ugajali. Gengba Hagar. ²⁵ Adingse, HAgar anga gaubagang sebola Sinai Adual Arab palika mi, Yerusalem adi gajoang karna val gonong ma geng gala ap'etal miama nama ga manusia gene. ²⁶ Ani ibase, Yerusalem toe gatela ana nama hial mardeka, oli gengka piva. ²⁷ Anga gagelang ae gasuratmi tulis, " Sukanavera hai enga hialba kaval gala bana, kaajali bana. aman galelung oli kodo kipal, hoi ingba kaajali ketang urasa banaga. Getabani, namahial galoakang gaval lebe kadoku kalu ping mia namaba ganaingu angmia umega." ²⁸ Kaku gonong serang gonong ing adi mang rede valba nama mia upalaki jema angaba Ishak. ²⁹ Oras anga gelang valba ngajali taboga p'al genggaga valba ugajali ae Roh, gumi anga gajajahing vede jadi gie oras adimi. ³⁰ Angani ibase, nening ba Surat Lamohalang miubagang ? "Nama hialba gagahing geg anga gaval gala gitiari, gomimi anga geng ba nama gajajahing gaval angka il gonong ae anga gengka dapa bana ajimi mia gengba nama hial mardeka gaval angaba dapa." ³¹ Ang gagelang, kaku gonong-serang gonong, pingka nama gagahing gaval bana, ibase al nama hial mardeka.