¹ Atino' di merdekaan, Kristus so tanok merdeka honin fe toh dume, haai inu tarofe tefang e. ² u a lepang! Nari Paulus ira mateng ahal i sunat ho o nok bit, sobo honin hee i Kristus hoe oatinok bit neneam. ³ Honin fe na foil narabit minuta name ba sunat ono bitho, sari ho Hukum taurat e ata'ain. ⁴ Ukarasang e onok ahol med anok Hukum Taurat o a salah atain, honin hee i fetang ho sabaang, fedek Kristus horo haltafoil lol ho' ho' mi meng. ⁵ Roh bolang alai horo iman udume, pibarpi na onok hok maeh ho adam ⁶ Honin yesus Kristus om mi ho, bersunat em bersunat nene o ara ham aai, honin fe iman udume karasang med ukarang horo o nok ara. ⁷ Iteeng hok faeh ho no'am, ano soi e hap honin fe ie nanok atai nene? ⁸ Aden orupa honin ho, mang fedek sa i olofe honin nene ⁹ Ragi apitek sobo adonan tofang ho latel ¹⁰ Nari ho named udume puin Lahtal om mi honin e haai name otanut beng atain e, honin sobo ano honin horofe i nok taburang honin he'e i hukung. ¹¹ Honin horo diailbar tenangel bar, fedek nadai sunat bit lame eh, mi taro ani fe dai ne bit eh? honin he'e foi ufit med salib arahah saluid am ¹² Na u mateng honin e ano so i hou hee mengebiri so bo'fe araham ¹³ Diail bar tenang elbar, iri ho i olofe honin e merdeka om mi, honin haai kemerdekaan ho puin anok sel no' honin e fetang hir om mi honin sobo sari u karang fa sara ham med name beng diaraham ukarang esah. ¹⁴ Honin am fe Hukum Taurat sobarpi anok mateng fetang om mi, iri ba name no nunho sesah sari ukarang orupa so bo' ukarang eh honi. ¹⁵ Honinfe haai i eh iri uj honin e naung ha ai i mine. TANUT ROH BOLANG HO HIR TAMAR AR SALAHAIN ¹⁶ Honin de naubang fetang ho Roh bolang om mi, honin e na o sah panen e, hir tamar atain e. ¹⁷ Tanut sah hir tamar salahain to mong tanut Roh bolang araham, tanut Roh bolang salahain toi mong tanut hir tamar araham, ma alo ho sara salahain, homine piha ai tanut sah ho atain e ¹⁸ Honin sobo Roh bolang ara ira, honin hee iri ho e Hukum taurat efar nene. ¹⁹ Karasang med hir tamar soabuk am, doit seksual, name ebit, om ariing. ²⁰ Naah, engpana, nang ebit, taburang, ombune. ari iting fail, sesara hamfeutanut, om salahain, tafal tabite, honin ho panen e. ²¹ Om sataain, araka na tabur, mura rame honin fe naunia, daiehta honin hee na ira mateng am, amo so nahonin panen hee Lahtal obang bolang leam sah. ²² Honon fe Roh bolang opir horo bar name ukarang apanok, illuling, som tahang bala amone, nanok panen. ²³ Alol ata'in, kaai lamang, pinok utanut, honin am hee maden e alahain nene am. ²⁴ Sopiba Yesus Kristus anok se am ho osah ho med Salib tameng am, med tanut sah hodi. ²⁵ Honin fe pi fetang Roh bolang om mi ho hee no' balame Roh bolang ataain ²⁶ Haai pitabune e, tom hoit , tanut sahe.