¹ Abaay ernu, i name ba i ahou atiting eh ho, panen puin sipi om ano no' fe'de i ahol ho, i ri di i abaay ara Bang Bolang mi. Naba Fe Pi Akala. ² Om ano' dume, ari u bu'ang Ani u tarain, niri di niri u a ome, honin e Lahtal se'ar during ni e're'eng. ³ Om during, honin e Lahtal Ay o panen o aten ho pi med ano tei. Sano mateng pa bolang pi o tino u bang, horo ei ba na u hukung ho. ⁴ A ome naraham honin e na naba ve hubang ho lel, honin e pi o tino u bang. ⁵ Name luling mi, name o u dume haay ho ubeng val sel il ho med sipi en ara mateng. ⁶ O mateng pa ho esah u karang ve puin ano rupa ano mahen haay ano na mangtanay e, so bo, name u alepang name om during name apano honin e sipi di mang ta'ta'ain. Paulus Mahen Tahou So Tenang E'l bar En. ⁷ Tikhikus Paulus o tenang e'l sipi Paulus o sura puin sam mong name ba Kolose mi med Efesus mi ho aramateng, fede, pi di a'il sam puin baleta ham-ham Lahtal u baleta. ⁸ Lahtal o vom pa' o mateng pa' ano lame sam i bung homi hee o asala alol, honin he sa iom ano dume. ⁹ Ma' sa Onesimus ara ho sari ho name ahow-ahow e sobo Paulus ano i'lam ved ho sa i'ra ham-ham baleta sari ho di i beng naba soh ho mi ma eh he e sipi u i'ra mateng am. ¹⁰ No tenang el Aristarkhus, nara sapiri bang mi di, il'luling ara mahen tahou med Markus ba Barnabas o ay ho di en, asel sari horo ba iri di o u tub med. sa ho lap ho eh am'ba a'ri u bad. ¹¹ Yesus ho name o lofe Yustus, sari ho di pi tenang e'l bang bolang o baleta o name nu so. Sipi horo sunat o lelang bar ho o name. honi ham ve sipi horo bad herang med nen ho. ¹² Epafras, hodi so pi o di a'il, sa Lahtal Ay ataain, o tino u bang sa hada mahen tahou med en sa a ome taraham honin he dume toh Lahtal ataain. ¹³ Na i ramateng sa karasang malou ma' na u tub u maring med i en, taroni ve sa malo mate med i'ri, Laodikia hi'nu med Hierapolis hi'nu araham. ¹⁴ Dokter Lukas med Demas di hada mahen tahou med i en. ¹⁵ Ada mahen tahou med no tenang e'l bar ba mong Laodikia mi, Nimfa med reala o bang om mi. ¹⁶ Honin am fe, sura ho' ta'an sipi ara u'tang, reala Laodikia mi ho di a'ramateng. ¹⁷ Arkhipus di aramateng,"honin e sa so karasang baleta ba sipi Lahtal abung med ho ano lame." ¹⁸ Nari horo Paulus, na natang fe puin ada mahen hul. ney doic di uma. Lahtal o tovang lu'ung ho so i'ri ta.