1 Paulus, Silwanus, Timotius med jemaat Tesalonika, Lahtal Tuhan Yesus Kristus om mi, o esah ukarang, illuling nik ham med irita. 2 Ni mahen nok, afoh mid atel mid mi Lahtal araham med iri ho so barpi iraham ni iri ua o me ong, ni aome om mi, 3 niri ho umaeh ibuj nok ipak bala iola iadimang, esah ukarang iom tahang, iudumeho ara Tuhan Yesus Kristus om mi pimang Lahtal eng adang ho mi oleh. 4 Dial tenang el bar pimang Lahtal so iri ukarang, sa ilet med. 5 Fe'de ni surak bolang ho u ira mateng, ehoni sobo mateng solo nene, Roh bolang o kufak fe puin, udume afeng-afeng ho i ahol name ba ara inai fetang eh ho araham. 6 Tuhan emed niri ho ni o mateng o lurung ho ubang ima ehsa ukarang air nu alai, honin sobo iom senang ipang nok fe'de sari ho Roh bolang mi hok. 7 Name om abul tofang mong Makedonia, Akhaya mi ho i panen iaten sipi ahol alol panen. 8 Lahtal o fom pak mateng pak ho iu bang, haai mong Makedonia, Akhaya, solo mi nene sobo, mong bang airnu palik airnu mi, honinfe ni ehok ira mateng nene am fe'de iu dume Lahtal araham ho kufaam. 9 Minaba eife iri ubang mi naba eife inio lofe, mi naba eife nini bor, palik mate eiho ni med, minot ni meng nini nidimang toh ni Lahtal olap ma, o karesang o panen fe'de Lahtal horofe fetang ho oasel. 10 Lahtal Ai tong sorga mi hel, min safetang namemin tofang ho o anai ho mi, sari horo Yesus Kristus sa illuling nok ham samed ten ho ong palik ta, tang sorga mi di honi, honinfe mapi ada nang sa hel e ham.