¹ Namutapa kwa Phoebe mukurwetu, ghuye mukareli wangereka mu Cenchrea, ² mposhi mumutambure mwa Hompa. Ruwanenu vino mughukaro wakupongoka vantu va Karunga , ntani mupenu kehe mbatero anahepa kukwenu, morwa ghuye akalire muvateli wamunene kuvayingi ntani kwanaghumwande nka. ³ Mororenu Priscilla ntani na Aquila, varuwani vaghunyande mwa Kristus Jesus, ⁴ vavo kwatapire maparu ghavo morwa rwande. Nakutapa mpandu kukwavo, ntani kapishi ametupu, nani ngoli Ngereka nadintje dava pagani. ⁵ Mororenupo Ngereka odo dina karo mumandi ghavo. Mororenupo Epaenetus muholi wande, Shiyimwa shakuhova mu Asia mwa Kristus. ⁶ Mororenupo Maria, ogho aruwanino ghunene kwenu. ⁷ Mororenupo Andronicus ntani Junias, vaghuni vande ntani nkwati vaghunyande. vavo vayivikwa kuva Apostoli, ntani vakalire mwa Kristus kumeho yande. ⁸ Mororenupo Ampliatus, muharwa mwa Hompa. ⁹ Mororenupo Urbanus, muruwani ghunyetu mwa Kristus, ntani Stachys, washihoro. ¹⁰ Mororenupo Apelles, atoghororwa mwa Kristus. Mororenupo valipata lya Aristobulus. ¹¹ Mororenupo Herodion, mughunyande. Mororenupo valipata lya Narcissus ovo vakaro mwa Hompa. ¹² Mororenupo Tryphaena ntani Tryphosa, ovo varuwano ghunene mwa Hompa. Mororenupo Persis mugholi, ogho aruwano ghunene mwa Hompa. ¹³ Mororenupo Rufus, mutoghoroli mwa Hompa, ntani navawina ntani navanane. ¹⁴ Mororenupo Asyncritus, Phlegon, Hermes, Patrobas, Hermas, ntani vaunyetu ovo vanakaro kumwe navo. ¹⁵ Mororenupo Philologus ntani Julias, Nereus ntani mughunyendi wamukamali, ntani Olympasa, ntani navantje vantu vakupongoka va Karunga ovo vanakaro navo. ¹⁶ Kumororenu naghupongoki. Mapongero naghantje gha Kristus ghana mumororapo. ¹⁷ Namukanderere, vaunyande, mukughayara ovo vanakuyito likugaghunuko ntani vipundukito. Vavo kunakupitakana kumarongo ogho mwakuronga. Tundenuko kukwavo. ¹⁸ Vantu vakufana yira mbovo kapi vakareranga Hompa wetu Kristus, ngoli mapumba ghana ghumwavo. mughushenete ntani muvighamba vyakudira ushiri vavo vapukita dimutjima davantu vakudira undjoni. ¹⁹ Mughulimburukwi ghoye shakara shihonena kwakeghe ghuno. Nahafa, kukoye, nampili ngoli nahoro ghukare ghunavangara kuvininke vyaviwa, ntani ghukuhupeko kuvininke vyaviwa. ²⁰ Karunga wa mpora kwamyona Satana kumapadi ghoye. Ghuyerere wa Hompa wetu Jesus Kristus ghukare nanwe. ²¹ Timothy, muruwani ghunyande, moro yoye, ntani Lucius, Jason, ntani Sosipater, mughunyande. ²² Ame, Tertius, nakutjango mbapira yino, moro yenu mwa Hompa. ²³ Gaius, mutambuli wande ntani na Ngereka nadintje, moro yenu. Erastus, ghuntungi wa mushitata, moro yenu, na Quartus mughunya wamukafumu. ²⁴ ''Ghuyerere wa Hompa wetu Jesus Kristus ghukare nanwe namuvantje. Amen''. ²⁵ Weno kwandjegho wakuvhura kumurenka muyimane kutwara mu mbudi yayiwa ntani namumarongo gha Jesus Kristus, kutwara mulihoramo olyo lya horamo mumwaka dadingi, ²⁶ ngoli weno vanavishorora ntani na kuvitura paghukenu kupitira mumatjangwa ghaghu porofete kuvirongo navintje, kupitira mwa Karunga wa liparu, mukuyita ghulimburukwi wa mulipuro. ²⁷ Kwa Karunga waghukonentu, mwa Jesus Kristus, ghuyerere kwanaruntje. Amen.