¹ Kuruku ya mayuva matano, Ananiyasi mupristeli wamunene, kumwe na matimbi, na munaveta ghumwe walidina Teturusias ava yendi kumwe. Vano vakafumu kwashimbire vaka rapote ² Paurusi anayimana kumeho ya nguuru, Teturusi a tameke kumurundira nakughamba kwa nguuru, ''Mukonda yoye ove atwe tunakara mumpora yayiwa, ntani ogho ukonentu ghoye wayita liwapeko mushirongo shetu, ³ makura navintje vino kuviipandwira na kutambura navintjeya ovyo warughana, mpandu shiri yayinene Felix. ⁴ Kapi nashana nikuhepekere shirugho shoye, Ame kuna kukukanderera koye mu nkenda yoye mu kutuyuva atwe nawa-nawa. ⁵ Atwe tuna wana ghuno mukafumu mukukara ghulina ghumwe ogho ayititangopo navantje vaYuda mukehe vininke vya mu Udjuni mudima kuva pristeli ovo vapiliro kuva kwatitako. ⁶ Ghuye ashetekelireko muku kondjita anyateke ntembeli, makura atwe atumukwata. ⁷ Ano ngoli Lisa, munamberewa ayire nakuyamughupa mumaghoko ghetu ku nkondo nakurawira ovo vamurundira vaye koye. ⁸ Ruvede va pulire Paurusi kuhamena kumaghudito naghantje, ngaukara nalikurongo lyakuhamena kuvininke navintje ovyo tuna kumu rundira.'' ⁹ VaYuda navo vakupakelire mukurundira, nakughamba ashi olyo lirapoto mughuhunga linakara. ¹⁰ Ano ngoli shirugho osho nguuru atwenyidire Paurusi mukughamba, Paurusi alimburura, ''Ame naviyuva ashi mwaka dadiyingi muna pangura na dino dimuhoko, ntani ame nahafa mukufaturura naghumwande ku kwenu. ¹¹ Anwe kuvhura kukuronga pa naumwenu pa hana kughupa shirugho sha mayuva murongo namurongo namayuva maviri ntjene ame kuna kukanduka ni karaperere mu Yerusalema. ¹² Shirogho osho vaka ngwanine muntembeli, ame kapi natangulire nakehe uno, ntani ame kapi na sha ngumwine mbunga, ndipo mu Sinagoge, ndipo munkurumbara. ¹³ Vavo kapi vavineghedire ku koye kulirundiro vavo kuna kuntura nikare unkore name. ¹⁴ Mara ame kuna kutongonona vino kukoye, ashi mukutwara mundjira oyo vayita lihanguro, mundjira yimwe tupu ame na tambura Karunga wetu wa kumeho. Ame navipura navintjeya ovyo kukwama na veta ntani navyo vatjangire va Porofote. ¹⁵ Ame nakara nalihuguvaro lya kukufano mwa Karunga yira ndjeghu mukafumu, ashi ngakukara livhumbuko lya tunavantje vapuli navanandjo. ¹⁶ Makura ame kehepano kukambadara mukurenkera ashi kapishi nikuyuve udona kumeho ya Karunga ntani navarwana vakukukarera. ¹⁷ Weno kuruku rwa mwaka dadiyingi,mpo nayire niya tape ndjambo mu shirongo shande, ntani nakuyakarerapo ndjambo. ¹⁸ Shirugho osho navirughana ovyo, muYuda ghumwe wa mu shirongo sha Asiya aya ngwanine me munda kunaku wapayika shilika shalikenito mu ntembeli kaposhi walye mu mbunga ndipo mundjoronngani. ¹⁹ Vano vakafumu kwawapelire mukukara kumeho yoye weno nakukurundira, nangeshi vavo vanakara navininke. ²⁰ Ndipo, ghuno mukafumu umwe tupu ana hepa kughamba vya vidona ovyo vana wana mu mwande shirugho osho ame nayimana kumeho ya mpititi ya vaYuda. ²¹ Nkwandi vya kuhamena kuvininke ovyo na yighilire pandje shirugho osho nayimanine pa katji kavo, 'vyakuhamena kulivhumbuko lyavafe mbyo nayimanene mumpanguro kumeho yenu namuntji.'' ²² Makura Felix, ogho va varekilire vya kuhamena vya ndjira, arundurura ovyo ayuvhire. Ghuye aghamba ashi, shirugho osho Lisiyas murauli a ghurumuka mu Yerusalema, ame kunitokora osho shirapota shenu. ²³ '''Makura avamurawiri nava kavita ashi Paurusa ana hepa ntani kukamutura munda ya dorongo yayinene, ano ngoli mukurenkera ashi vamwe vawane limanguruko mukurenka ashi pavaholi ovo vavatera mukuya karera kovyo ana hepa. ²⁴ Kuruku ya mayuva Felisi aka vyuka na Durusila namukamali wendi ghuye kwakalire muYuda, ntani amutumine kwa Paurusi ntani akayuva mumwendi vya kuhamena kulipuliro lya Yesusa Kristusa. ²⁵ Ano ngoli shirugho ntjosho Paurusi kapuraghere kumwe naye vya kuhamena ghuhungami kukukunga naghumoye nakukara mupanguli Felisi aya kara naghoma nakughamba ashi kayende tundapo mpopano shirugho osho ame nakara naruvede kunyima ya shirugho ame ngani kutumina koye. ²⁶ Pashirugho ntjosho ghuye kwakalire nalipuliro kwa Paurusi kwatapa maliva kwendi makura ghuye amutumini nakughamba naye. ²⁷ Ano ngoli shirugho osho mwaka mbiri dinakapita Posiyus Festusi ayakara nguUru munyima ya Felis ano ngoli Felisi ashanine kuhamena kuva Yuda makura Paurusi mpo amushuvire mumango.