¹ Gaɗa kasunu yaganaucin ndak intuga, mi nancu na aryapu ga i ɗa dǝvu tuku arɗa na kun tǝrr i kunu mǝgǝnyiga mi nancu. ² Na wila Afodiya, na wila Sintiki, wa dlama mbasu gǝshi gayi i kunu mǝgǝnyi. ³ Ci manga guzapuna, na wila ci, a lati amatin tuku. Gaɗa dlam wana na iyu i bar labar herr Sǝku har na kilimas na gagǝshin mangitu wana ga, mi dlǝgun shi da tarna i kunu kakadu aro. ⁴ Adlamina kuno i kunu mǝgǝnyi fatawanke zam na ramma a dlamina kuno. ⁵ Aivina ndawa daki kanadakun, mǝgǝngyi a dantu na ni. ⁶ Kwa jiktabai i da be tawanke. I sǝrəm sunu, i kunu be tawanke na magita na wila kun da dlaɓa ga zəgayak i ri Sǝku. ⁷ Salam mi nuti na zəgaya gǝd, a rota na gǝshakun na kuraram i kunu Masihu Yeso. ⁸ I dadəgəri be tawanke yaganaucin ga, be tawanke mi na jirewa, be tawanke mi na martapa, be tawanke mina adalta, be tawnke mi go aipu, be tawanke mina ntuta, be tawanke mi bəlan, na be ɗagai mi bəlan rankata nin, na be ɗagai kə saksakta nin, a dlamina kuraram i aɗakshi. ⁹ Jandu tuku mi kwa gugzhi mi kwa gǝnu mi kwa kǝrimtu mi kwai kau da riga a dlamina jandu tuku. Kakasǝku ba ci salam da dlaɓa na kun. ¹⁰ Na dlam kuno tlapar i kunu mǝgǝnyi gaɗa məgurum kun sukuningara i ɗa ga. Wa ci yaye kun na məgurum i ɗaga, amman kwa ba lokwatu banata ga bai. ¹¹ Narame kun sau gaɗa ma na kunu jǝktu bai. Gaɗa na gugzina mbasu na vəji gǝshi i kunu be tawanke. ¹² Na zəgana mbasu i kunu tluwa na bumtu. Da dǝvu tawanke i kunu be tawanke na gugzu na asər kə mbasu maya na wayu, na gugzi na mabsu kunu bərəd na tluwa. ¹³ Na dəmuna dlam be tawanke darigeri baci ɗauzata ga. ¹⁴ Duk na kasunu, kwa dlam bəlan i kunu sak bone ga. ¹⁵ Kun ndak Filibiyaucin kwa zəgadu tunda səkur wagərma herr Sǝku, lakwtu mi naive Makadoniya go coci mi banatayu da ri bari na genyi se kun rukun. ¹⁶ Ko i lakwtu mi iyu na Tassalonika, kwa wana bana kə ngumu jəktu ga ɗəkana zǝgǝr gayi. ¹⁷ Gaɗa na maki banatabai ro. I surəm sunu, na make kun be mi sukuna kun, da sukunyi i ɗak sukuna. ¹⁸ Na gǝnna be gawa mi kwa wanew da ami Abaforatus, karak ka atirshan kə sanam mi Suku ancu. ¹⁹ Kakasuku ga a niya na jəkta kun dari bərədgǝri i kunu saksakta i kunu Masihu Yeso. ²⁰ Gədlib i suku Afǝkwa baci kǝrma har dumaro. Amin. ²¹ A ndumina tike baci ɗǝga i kunu Masihu Yeso. Gǝd yaganaucin mi a ɗa ɗagai na iyu a ndǝma kun. ²² Ndak ɗəga ri tuku a ndǝma, tumba ndak wǝnduwa Kaisar bai. ²³ Herr Mǝgǝnyi Yeso Masihu da dlaɓi I ɗakun.