¹ Na bik ɗauzata ɗagai i kunu masipu nin, in na bik jǝba ami dari intu kwina gǝri in na mantu kwina dagai dari Nǝnuwa Sǝku, in na kǝmu kanjino. ² Aniyi na kuno ga dari kuraram gayi, kun na ntu zada gayi, kwaɗa gayi i kunu Nǝnuwa Sǝku kun na manufa gayi. ³ Kwa dlama be na intu aɗa ko Marǝm aɗa bai. I sǝrum sunu tike dami yaganagǝri ɗika na aci. ⁴ Nǝn tawanke da ma jiktu gǝri rugǝri bai, amman da ankalci na kǝ yaganagǝri. ⁵ A mina hal kǝ Masipu Yeso. ⁶ Mi dlam mbasu i kunu gǝnawa Sǝku, Amman ma mbasu gǝri kalkal na Sǝku be mi a ci a jǝbau bai. ⁷ I sǝrǝm sunu, ma aɗa gǝri be ɗagibai. Dami gǝnawa gabayi. Dan da pakai i kunu gǝnawa nǝn. ⁸ A ci sinna aɗa gǝri da dlaɓ baci ladab har i nye mutu, mutu kǝ dum dlǝga. ⁹ Gaɗa kasunu Kakasǝku da bari ci marǝm saksakta. Bari ci dlǝgun mi a dǝsku na dlǝgun tawanke. ¹⁰ Dlam sunu gaɗa i kunu dlǝgun Yeso kufu tawanke, gutka i kǝma gǝri, kufu kǝ kunu dǝsku na kǝ ɗa na kǝ diɗa ɗa. ¹¹ Dlam sunu gaɗa marnyi tawanke da ram ma Yeso Masipu Mǝgǝngyi, i nye saksakta Kakasǝku Afǝk. ¹² Gaɗa kasu ndak ntu ganai, ka ki mi kwa ladaɓ ba ma se na riwu ruga bai balle gususku na riwu bai, a dlamina wana ra kun na kalau na impi ankal. ¹³ Gaɗa Kakasǝku ne a wana i kuna kun, gaɗa kwa dlam be mi aci ancu zam kwa dlam wana mi bǝlan i kǝma gǝri. ¹⁴ Kwa dlama tamke kwa dlama ngurngur na gamɗaya bai. ¹⁵ Gaɗa kwa dlaɓa na bi gada bai ndak jirewa, kutli Sǝku mi go aipu. I zaman tuku mi ndawa gaɗɓadlak na gadlumatak mi kun dambasu ka ɓayan kǝ petilla I duniya tukum. ¹⁶ kwa jǝb na rama aro na awayau har gaga pakayi Mǝgǝnyi Yeso Masihu gaɗa na bi dalil saksakta I sartugu na zǝgidu na dlam wana vatku na fama vatku bai. ¹⁷ Ko da da yayiga ka bari kǝ sanam na kuma hidima bar jirwa kun, na dlam kuno, na sukuna kuno wam i ɗa gayi na kun gǝd. ¹⁸ kun ke dlam bǝlan kwa dlam arawai gǝshi, kwa tambayu na kuno. ¹⁹ Ina niya I kunu masihu yeso na Dabe kun Timothy ƙǝrat gaɗa nabi ɗauzata na labarr kun da rigǝri. ²⁰ Gaɗa ina nǝn ɗagai bai mi halja ji kalkal na kǝ ri, mi a kǝmu kanjino kun na jirewa ka aci. ²¹ Dukshi tike a wana kima gǝri, Amman kǝ Masihu bai. ²² Amman ai kwa zǝgana daraja Timotawus, ka ki mi we dlam wana Herr ka wǝn na Afǝk gǝri. ²³ A cune Nancy na wane sci, in naika yadda wana ga a rakan nin. ²⁴ Na ardatinga har na Mǝgǝnyi, iyu na aɗaga ngum na ni go sukwakwiya. ²⁵ Amman naika jibǝgara na wane kun Abafaroditas yagana ga, manga wana ga manga fama ga mi kwa wane aci da dlama wana. ²⁶ Acuu kun rank at a har jiktingǝri gaɗa kwa kǝma ma aci ngabai. ²⁷ Lalle acuu dlam rashi kǝlappiya ka da mǝci, Amman kakasku kǝmana kanjino gǝri, acuu rugǝri bai, har iyu ngum, gaɗa na dlama dlǝmǝd arro iɗa dlǝmǝd arro bai. ²⁸ Gaɗa kasu na dlam niya wana gǝri, gaɗa kwa dlam kuno lawan gǝri, iyu ke dlǝmǝd arro ga da puluci. ²⁹ Gaɗa kasunu a gǝni naci na gǝshi arawai rankata gaɗa Mǝgǝnyi, kwa dlam ladab I jiri ndangu. ³⁰ Gaɗa gaza rab da mǝcingǝri gaɗa wana Masihu, ɗibdi na arro gǝri gaɗa da dlamikun wana I riga.