²⁵ Yaganaucin a dlamina magita gaɗa ja. ²⁶ An dima yaganaucin na ndak iman. ²⁷ Na jaya kun gaɗa Məgənyi kwa karata sakwtu tuku i yaganaucin mak. ²⁸ Herr Məgənyi wa Yeso Masihu da dlabi na kun. ¹ Amman iiɗak sartu na zaman, yaganaucin, kun na jəktu nda tarnyi kun be wan bai. ² Kun na aɗa kun kwa zəgadu gafa ni Məgənyi a dlaɓa kakə ni akər ii kunuk dəvid. ³ Akshi ramma, "salam na mbasu kalapiya nən," se ɓaana da nai go tasena ii aɗakshi, a dlaɓan gara kakə dləra kə ama mi aɗa kufu. Akshi a dlaɓa na duvu katə bai ko rap. ⁴ Amman kun, yaganaucin, ai kwa kunu aiwa aɗa bai harr yuwan gu da tase kun go zəgaya kakə nik akər. ⁵ Atəro kun mak kutli ɓiidla na kutli afa. Wa kutli dəvid bai kə ɗaa aiwa ke bai. ⁶ Gaɗa kasən, wa dlama yuwan bai kakə mi ndawa jəgab a dlamau. Ii sərin sən, wa mpa ankal na kərəmtak təka. ⁷ Atəro ndak dlama yuwan aa dlamau dəvid, ndak kuyo ke aa dlamau dəviɗ cam. ⁸ Gaɗa wa ndak afa, wa dlama mbasu ii kərəmtak təka wa ɗawi salke ki iiman dəba aadla kə ntau, na tabbas jakuwak zha ke rra wa ii kəmangu. ⁹ Atəro Səku ɗawu wa ii shitan bai, amman wa bə rra darik Məgənyi Yeso Masipu. ¹⁰ Aci ne wara mutu gaɗa wa, gaɗa ko wana aaro ko wa gamtak, wa dlaɓi iiɗa gayi na a ci. ¹¹ Gaɗa kasən a ɗauzatina aɗa kun kwa ləmi aɗa kun ke, kakə mi fatawanke kwaa dlamau. ¹² Jaa rame kun, yaganaucin, a shalina na ndak ngənpu ii wita kun na marmamin ii kunu Məgənyi wara a gabɗa kun ke. ¹³ Zam jaa rame kun kwa saksakcakshi tlapar ii kunu ntau gaɗa zada wanakshi. A dlamina mbasu kəlappiya ii wita kun. ¹⁴ Jaa dlame kun gabaɗ, yaganaucin: a 'yuwina aguɗ ndawa mi a kəmu rama bai, a ɗagwaitina nda gəzhi gamtak, a banatina ndawa wara na awayu bai, a dlamina kanadi na tike. ¹⁵ Ankaltina nən wan da nguma kəmangar na kəmangar bai, gaɗa kasən, ata kəma na maka be mi bəlan ii tike na tike. ¹⁶ A dlamina pərɗai fatawanke. ¹⁷ Kwa kunɗa dlamak magita bai. ¹⁸ Ii kunu be tawanke a sambarkatina. Atəro sutku bik ntu Səku ii kunu Yeso Məgənyi gaɗa kun. ¹⁹ Kwa kakta wana Nənuwa Səku bai. ²⁰ Kwa muwa ramak nabaucin bai. ²¹ A kaktlina be tawanke. A jibina be wara bəlan. ²² A gwapina nakun darik genawa be wara gaɓshu. ²³ Səku baci salam da dlaɓa na kun ndawa wara go aipu. Nənuwa kun mak, na aaro kun, na təka kun da dlaɓi go aibu gaɗa ni Məgənyi Yeso Masipu. ²⁴ Baci ɗaura kun ro baci jirewa, aci zam aa dlama du. ²⁵ Yaganaucin, a dlamina magita gaɗa ja cam. ²⁶ A ndimina yaganaucin ndak iman na matlkatlka mi go aipu. ²⁷ Naa nəɓka kun na Mǝgǝnyi kwa karati sakwtu tuku ii yaganaucin mak. ²⁸ Herr Mǝgǝnya wa Yeso Masipu da dlaɓa na kun.