¹ Gaɗa kasən, ja dəma kəmar wam bai, ja dlam kuraram iiɗa dlamən gara kalkal ndaivə naja ruja dakau ii Atania dugo. ² Ja wana Timoti, yagana ja na baci wana ja ii Səku kə wazək Masipu, gaɗa ɗagwaita na jəba ami kun ii kunu barik jirewa kun. ³ Ja dlamu kasau gaɗa nən wan da kuna kun da kalwa bai ii kunu bone təku. Gaɗa kun na aɗa kun kwa zəgadu nda ɗauri ja gaɗak sau. ⁴ Jirewa, sartu mi jaa ɗa gayi na kun, ja ramu dikun ja damtuk sa bone ii kəmangu, Kasən ke dlaɓən gara, kakə mi kwa zəgau. ⁵ Gaɗa kasən, na dəmu dlama kəmar wambi tən, se na wanai gaɗa na zəgi na awayau barik jirewa kun. Dawanange baci jarapta jaraptə na kun, bone ja dlaɓən gara kə vatku. ⁶ Amman Timoty kateu dari kun se dani dija labarr karak ii aɗa barik jirewa kun na ntau. Aci rami ja ma kwa kuraram bəlan ii aɗaja, kuru kwa pərdai lawan ja ka ki me ja pərdai lawan kun. ⁷ Gaɗa kasau, yaganaucin, ja ba na dagwaita dari kun gaɗa barik jirewa kun, ii kunu mak awayu gəshi na sa bone ja. ⁸ Gusku tənu wana aro, kwarɗə nakun bəlan ii kunu Məgənyi nən. ⁹ Wate zaɗa godeta tawan jaye dlame Səku gaɗa kun, gaɗa pərɗai wara jana atu ii kəma Səku gaɗa kun? ¹⁰ Dəvid na afa ja dlame kun magita tlapar gaɗa jaiki daa kun, ja bari kun be mi kwa buku ii kunu barik jirewa kun. ¹¹ Səku Afəkwa na aɗa gəri da dlaɓa , na Məgənyawa Yeso, dampə ja iiɗak dəvu ii nye rikun. ¹² Məgənyi da səkuna kun tlapar ii kunu ntu kun ii yaganaucin na ndawa mak, kakə mi ja dlami kun. ¹³ Aci da ɗauzata gəshakun, gaɗa kwa dlaɓə go bi nanga go aipu ke iirik Səku Afəkwa, lakwtuk ni Yeso Məgənyi na mak ndiwa wara go aipu.