¹ Nomba imwe bashimapepo, ici cipope kuli imwe. ² "Nga imwe tamwa komfwe, kabili nga tamwakacibike pa mutima wenu ku kupela umucinshi kwi shina lyandi," efya landa Yawe wa mabumba ati, "elo ine nkatuma icitipu pali imwe, na ine nkatipa amapalo yenu. Icine cine, ine nalibatipa, pantu tamulebika icipope candi pa mutima wenu. ³ Moneni, ine ndi nokwebaula abamubufyashi bobe, kabili ine nkasansa amafi ya ngombe pa finso fyenu, amafi ya ngombe ukufuma ku fya nshikunkulu fyenu, na ena akamufumyako no kumusenda. ⁴ Imwe muli nokwishiba ukuti nine natumine ici pope kuli imwe, no kuti icipangano candi cingakonkanyapo ku kuba na Lebi," Efya landa yawe wa mabumba. ⁵ Icipangano candi na ena calo mweo no mutende na ine nkapela kuli ena; ine nalipele akatima kuli ena, kabili aliwakatina kuli ine, na ena aliminine mukupapuka pe shina lyandi. ⁶ Ukutangilila kwa cishinka kwali mukanwa kakwe, kabili tapali ubufi bwa lesangwa pa milomo yakwe. Ena alyendele pamo na ine mu mutende na mu bulungami no kupilibula abengi ukufuma ku membu. ⁷ Pantu imilomo ya bashimapepo yafwile ukusunga amano na bantu bafwile ukufwaisha ukulangililwa ukufuma ku kanwa kakwe, pantu ena ni kabilo wakwa Yawe wa mabumba. ⁸ Lelo imwe na mupilibuka ukufuma ku nshila ya cishinka. Imwe mwa lilenga abengi ukulaipununa no mucinshi ku mafunde. Imwe namobaual ne cipangano cakwa Lebi," efya landa Yawe wa mabumba. ⁹ "Eico ine nakabili, 'ine nindenga imwe abamilandu kabili ababwelela panshi pacinso ca bantu bonse, pantu imwe tamwasungile inshila shandi, lelo kabinge mwalilangishe umucishanani ilyo mulangilila amafunde." ¹⁰ Bushe takwaba shifwe umo bonse? Bushe te Lesa umo uwatubumbile ifwe? Cinshi twabela ababula icicetekelo cila muntu pali munyina wakwe, ukalasuulilapo ne cipangano ca fikolwe fyesu? ¹¹ Yuda aba uwa bula icicetekelo. Ne cintu icabunani balicita mu Israeli na mu Yerusalemu. Pantu Yuda alikowesha ne cifulo camushilo cakwa Yawe ico ena atemwisha, no kupa umwanakashi uwa ka Lesa kabena fyalo. ¹² Yawe engaputulako ukufuma ku matenti yakwa Yakobo umuntu uyo uucita ifi, uyo uwa shilimuka na uyo uwasuka, nangufye ena aleleta umutulo kuli Yawe wa mabumba. ¹³ Naimwe bene mulacita ici: imwe mulafimba icipailo cakwa Yawe ne minsoshi, nokulila no kula shinshimuka pantu ena alileka ukupilibukila ku mitulo nangu ukuisumina ne palo ukufuma ku maboko yenu. ¹⁴ Lelo imwe mulanda ati, "cinshi ena tasukila?" Pantu Yawe ali ni kambone pakati kaiwe no mukashi wa mubulumendo bobe, pali uyo iwe waba uwa bula icishinka, nangu ena ali umwina mobe kabili umukashi obe uwa cilayo. ¹⁵ Bushe ena tabalengele bena umo, pamo iciputulwa ca mupashi wakwe? Elo cinshi ena abalengele umo? Pantu ena alekabila abana ukufuma kuli Lesa. Eico icingilileni mwebene mu mupashe wenu, kabili mwilaba ababula icishinka ku bakashi abamubulumendo bwenu. ¹⁶ Pantu ine nalipata ukulekana, "efya landa Yawe, Lesa wakwa Israeli, "Kabili umo uyo uifimbaifya kufwala fyakwe no lubuli, "efya;anda Yawe wa mabumba. Eico muleicingilila mwebene mu mupashi wenu kabili mwilaba ababula icishinka." ¹⁷ Imwe mulasakamika Yawe na mashiwi yenu. Lelo imwe mulanda ati, "Bushe ifwe tamusakamika shani ena? Pa kulalanda ati, "bonse abo abacita ifyabipa basuma mu menso yakwa Yawe, kabili alabekelwa muli bena," nangu ati "ali kwi Lesa wa mulinganya?"