¹ Yuda, umusha wakwa Yesu Kristu kabili munyina wakwa Yakobo, kuli abo abaitwa, abatemwikwa muli Lesa Shifwe, kabili abasungilwa kuli Yesu Kristu: ² Uluse no mutende ne citemwiko cilunduluke kuli mwebo. ³ Mwe batemwikwa, ilyo nali nkocita amaka uku lemba kuli mwebo palwe pusukilo lyaishibikwa, nebo nalikwete ukulemba kuli mwebo ku kukoselesha mwebo ukuibikilishapo ukulwisha mu mufuma cumi pa icitetekelo icapelwe umupwilapo pali bonse abantu bamushilo abakwa Lesa. ⁴ Pantu abantu bamo balifyuka mu nkama pali mwebo. Aba bantu abaishibikikwa kukusekwa. Aba bantu abataishiba Lesa abo aba alula ukusenaminwa kwakwa Lesa mu bulalelale, kabili abakana cibinda wesu kabili Shikulu, Yesu Kristu. ⁵ Nomba nkokabila ukumwibikisha mwebo-nangu mwali cishibishe-ukwebati Shikulu alipuswishe abantu uku bafumya mu calo ca Eguptu, lelo panuma alionawile abo abatasumine. ⁶ Kabili, bamalaika aba shasungile ififulo fyabo ifya ku bombelamo, lelo balishile incende shabo ishayana ukwikalamo - Lesa ali basungile mu minyololo sha muyayaya, mu mfimfi, ku kupingulwa pa bushiku bukalamba. ⁷ Eco kabili Sodoma na Gomorrah ne misumba ya shinguluka baliipele abene ku bulalelale na ku milimo ya fyeshiku. Baba kubati cilangililo ca abo abakocula ukukandwa kwa muyayaya. ⁸ Lelo mu musango umo wine, aba bakalota nabo balikubembukila imibili yabo . Balakaana amaka yabutungulushi, kabili ba lapontela ababukata. ⁹ Lelo na Mikaele malaika mukalamba, ulo alikulaka na kasebanya no kutalikishaninankwe palwa mubili wakwa Mose, tafwaile ukuleta ubupingushi ubukali pali ena,lelo atile, "Shikulu nakukande!" ¹⁰ Lelo aba bantu basalula nefyo tabaishiba; nefyo tabaishiba mukufyalwa, kubati ni nama shishitontokanya, ifi efintu fibonaula. ¹¹ Akalanda kuli bena! Pantu baendela munshila yakwa Caini kabili baliikobeke mukuluba kwakwa Balamu nge cakubekwamo.Balyonaike mubulwi bwakwa Kora. ¹² Aba bantu balwani mu mitebeto yenu iya citemwiko, bakolya na mwebo ukwakubula akatina - bakacema abailishafye abene beka. Kwaliba amakumbi ya kubula imfula aya pitwa no mwela; imiti ya mu mupepo, iya bula ifitwalo - iyafwa umiku ibili, iya tungwilwa. ¹³ Muli amabimbi aya kali muli bemba, ayalekuikolonganika ku fya nsoni; intanda ishilubanta, uko shibwinga wa imfifi yapwililika yasungilwa umuyayaya. ¹⁴ Enoki, uwakulenga cine lubali ukufuma pali Adamu, aliseseme pali bena, ukulanda ati, Moneni "Shikulu akoisa na amakana na makana yaba mushilo bwakwe. ¹⁵ Akoisa ku kucita ubupingishi kuli bonse. Akoisa ku kushinina bonse abatali abena Lesa mu milimo yabo yonse iyo bacita munshila ishakulubana, na pali fyonse amashiwi ayabi ayalanda abatali abena Lesa ababembu balanda pali ena." ¹⁶ Aba ni bakebaula, abakuilishanya, uku konkelela imbela shabo ishakubipa.Utunwa twabo tubilikisha ifya mataki, bakowaminisha bambi kufyakunonkelamo. ¹⁷ Lelo mwebo, mwebatemwikwa, mwibukishe amashiwi ayo aya landilwe kukale ku batumwa bakwa Shikulu Yesu Kristu. ¹⁸ Balilandile kuli mwebo, "Mu nshita ya kulekelesha kukaba abakumipumya abakonkelela ifya lukumbwa lwabo ifyakubulamo Lesa." ¹⁹ Nyaba bene abemya ukupatulukana; baisulamo ubwina fyalo kabili tabakwata mupashi. ²⁰ Lelo mwebo, mwebatemwikwa, ikulileni mwebene mu icicetekelo cenu ica mushilo, kabili pepeni mu mupashi wa mushilo. ²¹ Ibakeni mwebene mu citemwiko ca kwa Lesa, no ukulolela uluse lwakwa Shikulu Yesu Kristu ubo bumuletela umweo wa muyayaya. ²² Mube no luse kuli abo abatwishika. ²³ Pususheni bambi mu kubasompola ukufuma mu mulilo; Kuli bambi langeni uluse na katina, no kupata umwingila uwa kankaikwa nefya bu mubili. ²⁴ Nomba kuli umo uyo uulingile ukukufumya mukuipununa no kulenga webo ukuiminina mu bukata ukwabula akalema namu nsansa isha cilamo. ²⁵ Kuli eka Lesa umupusushi wenu ukupitila muli Yesu Kristu shikulwifwe, kube ubukata, ubukalamba, nolupaka, amaka, inshita shonse. nomba, no muyayaya. Amen.