¹ Basekulu,pelekani ku bazga icho ncha nchiwemi na chakunyoloka.Mumanyange kuti namwe muli na sekulu winu ku chanya. ² Pitilizgani nachitatata mupemphelo.Bani maso pa ichi na mukuwonga. ³ Mutilombelenge na ise wuwo, kuti Chiuta wajule chijalo cha mazgo,kuphalazga vya muchindindi cha unenesko cha Kristu.Pa chifukwa ichi ndine wakukakika. ⁴ Mulombenge kuti pala nkhuphalazga nighayikenge pakweru mazgo na umo nkhwenera kuchitila. ⁵ Yendaninge muvinjeru kwa abo mbakuwalo,musebezeskenge makola nyengo ya mwabi uwo mwasanga. ⁶ Ntheula mazgo ghinu nyengo zose ghabenge na uchizi.Ntheula ghabe ghakusazgi- kana na muchele,mwakuti imwe mumanye umo mungazgolelana yumoza na munyake. ⁷ Nge mpha vinthu vyakukhwaskana na ine Tayikikasi wamumanjiskaninge imwe.Nimubali wakutemweka,mutebeti wakugomezgeka,ndipo nimuzga munyithu mwa Fumu. ⁸ Nkhamutuma kwa imwe pa ichi,kuti mumanyenge,vya za ise,ndiposo kuti wa chiskenge mitima yinu.**Mabuku ghakaleko ghanyake ghakuti,nkhamukuluma kwa imwe pa ichi kuti iye wakwanera kumanya vya za imwe,nakuti wakwenera kuchiska mitima yinu**. ⁹ Nkhamutuma pamoza na Onesimu,wakugomezgeka na wakutemweka mubali,uyo nyumoza wa imwe.Bamuphalileninge vyose ivyo vyachitika kuno. ¹⁰ Aristariko,kayide munyake,wakumutauzgani,na Mariko,muvyala wa Baranaba(mwamweneuyo mukapokelela malangulo;Usange wiza kwa imwe,mupokeleleani), ¹¹ Kweniso na Yesu uyo wakuchemeka Yusuto.Aba bekha bakukotoleka mba tebeti banyane lusko kwa ine. ¹² Epafura wakumutauzgani imwe.Njumoza wa imwe ndipo ni muzga wa Kristu Yesu.Iye nyengo zose wakulimba-limbala imwe mu pemphelo,kuti imwe panji munga yimilila mwakufikapo na chigomezgo cha kufikapo mu khumbilo lose la Chiuta. ¹³ Pakuti ine nkhupeleka ukaboni za iye,kuti wakumusebezelani na nkhongono,kwa ibo bali mu Lawodekeya, na ibo bali mu Herapalisi. ¹⁴ Luka dokotola wakutemweka na Damasi bakumutauzgani. ¹⁵ Batauzgani ba bali mu Lawodekeya, na Nimufa,na mpingo uwo wuli munyumba yake. ¹⁶ Pala kalata iyi ya bazgika pakuti pinu,mukayibazgeso mu mpingo waku Lawodekeya,ndipo muwoneso kuti mwabazga kalata kufuma ku Lawodekeya. ¹⁷ Mumuphalile Arikipasi kuti,"Yikapo mtima pa nchito iyo wukapokela kwa Fumu,mwakuti iwe wuwufiske." ¹⁸ Matauzgo agha nga uko lane Paulo.Kumbukani ma unyolo ghane .Ntheula uchizi wubenge namwe.