¹ Pakuti nkhukhumba imwe kuti munyange za kulimba-limba kukulu uko nkhaba nako pa imwe,kwa ibo ba pa Lawodekeya,na kuba nandi nandi abo bandawonepo chisko chane mu thupi. ² Ine nkhutebeta mwakuti mitima yabo yibe yakuchiskika pa kwiza pamoza mu chitemwa na mu usambazi wose wa chigomezgo chakuluska cha kapulikiskilo,mu umanyi,wa chisisi cha wunenesko wa Chiuta,ndiko kuti Kristu. ³ Mwa iye usambazi wose wavinjeru na umanyi vilibisama. ⁴ Nkhuowoya ichi mwakuti pabevye nayumo wamusovyani imwe na mayowoyelo ghaku nyengelela. ⁵ Nangawulu nili namwe yayi imwe mu thupi,kweni nili namwe mu mzimu.Nkhukondwela nakuona ndondomeko yinu yiweni na nakhongono na chipulikano chinu mwa Kristu. ⁶ Nge niwumo mukamupokelela Kristu Fumu,yendaninge mwa iye. ⁷ Jinthani misisi mwa iye,zengekani pa iye,bani bakukhazikika mu chipulikano nge ni umo mukasambizgikila,na kuzula mu kuwonga. ⁸ Woneseskani kuti palije na yumo waku mukolani imwe na visambizgo vya banthu vyaka waka na wupusikizgi wambula kanthu,kulingana na mwambo ya banthu,kulingani zgika na machitilo gha chalo,ndipo kwa kulingana na Kristu chala. ⁹ Pakuti mwa iye kufikapo kose kwa Uchiuta kukukhala mukabilo ka thupi. ¹⁰ Imwe muli kuzuzgika mwa iye,uyo ni mutu pa nkhongono yili yose na mazaza. ¹¹ Mwa iye, imwe namwe mukakotoleka na ukotoli uwo wukachitika nabanthu chala mwaku wuskako kwa thupi la wunthu,kweni wuwukotoli wa Kristu. ¹² Mukabikika pamoza naye mu ubatizo,ndipo mwa iye mukawuskika kupitila mu chipulikano mu nkhongono za Chiuta uyo wakamuzuska ku bakufwa. ¹³ Apo imwe mukaba bakufwa mu majuvyo ghinu ndipo mukuwula kukotoleka kwa mathupi ghinu,wakamupangani imwe bamoyo pamoza naye na kutigowokela ise tose ku majuvyo ghithu, **malemebekelo ghanyake ghakale chomeme ghakusambilikanga kuti,na kumugowokelani imwe majuvyo ghinu ghose.** ¹⁴ Wali kuwuskapo chakulembeka chamundandanda wa vya ngongole ivyo vikalembekela ise na malango ghake.Wali kuchiwuskapo pa kuchikhoma pa mphinjika. ¹⁵ Iye wakapoka nkhongono na mazaza na kupanga chilengeska pakweru kwa ibo,pakuba wakuwonda pa ibo kupitila pa mphinjika. ¹⁶ Ntheula, pabavye na yumo wakumuyeluzgani imwe mu vyakula panji mu va kumwa,panji za vya zuba la mphwando, panji chiphikilo cha mwezi upya,panji vya mazuba gha kusopelapo. ¹⁷ Ivi ni vizgezge vya vinthu ivyo vikwiza,kweni chenecho ni Kristu. ¹⁸ Pabevye na yumoza uyo wamupusikeni imwe wamaonekelo gha kujiyuyula na kusopa kwa ba ngelokuti bamuyeluzgeni imwe pa chawanangwa chinu.Munthu wanthena wakunjilamu vinthu ivo wali kuona ndipo wakujikuzga na kaghanaghanilo thupi lake. ¹⁹ Wakukolelela chala mutu.Nkhufumila kumutu uko thupi lose majoyini wose na mizipe yikusebeza na kukolelezgana pamoza ;yikukulana kakulilo kakupiwa na Chiuta. ²⁰ Usange mukafwa pamoza na Kristu ku vinthu vya mu chalo,chifukwa wuli mukunkhala nga mba mu chalo. ²¹ "Ungakolanga, nesi kulaba,nesi khwaska"? ²² Vose ivi vinthu vimalenge na nchito,kulingana na mundandanda na visambizgo va banthu. ²³ Agha malamulo ghali na vinjelu va wusopi-sopi wakujipangila bekha na kujiyuyula na kulisuzga-suzga thupi,kweni thupi lili na nchito chala kulimbana na makhumbilo ghake.