¹ Paul, mu apostle- kapisi mu apostle gho vantu ndi mutumwa gho vantu, ene ngoli kupitira mwa Jesus Christus na Karunga se, Owo amurambwita kumfa- ² ntani vakuru novamunya kumwe name, kunkirse ya Galatia: ³ Sihoro kukwenu no mpora ya Karunga setu no hompa Jesus Christus, ⁴ Ovo alitapiro mwene kundjo detu mposi ngavhure kutuyohora kuwodona mwaka kutwara mumpangero ya karungase, ⁵ lifumadeko kukwendi naruntje nonaruntje. Amen. ⁶ Ame natetuka kukoye mukupiruka ukayende wangu wangu kukwendi akukuwo musihoro sa Christus .Ame natetuka asive unapirukire kumarongwa gho kukusuva suvu, ⁷ kapisi walye murongwa umwe, Ene ngoli mpovali vantu vana kuyitopo udito ntani vana sana kudjonaura marongwa gha Christusa. ⁸ Ene ngoli nampili twe ndi va engeli vamuwiru vayivite kukoye mbudi yoyiwa yahanasi ndjoyo twayivita kukoye, ngavarenka vamufinge. ⁹ yira momu tupu twa hovo kughamba, weno kuna kuvighamba nka, ''sene umwe ayivita kukoye marongo '' hanasi owo watambura, ngava renka wamufire.'' ¹⁰ Weno ngoli me kunakupapara mauwa kuvantu ndi kwa Karunga? Ame kuna kupapara mukuhafita vantu ndi?Ame kapisi mutumwa wa Christusa. ¹¹ Nasanave uyive, vakuru vande novauni vande, ¹² asi marongo mukuyuvita kapisi marongo gha vantu. Kapi naviwana kwakehe muntu, ndi walye vavi ndonge. mulivango, muliyohoro lya Jesus Christus kukwande. ¹³ Wayuvha liparu lyande lyokare muva Juda, asi weni kani hepekanga gereka yaKarunga kupita kanena ntani na setekilireko mukuyi djonaura. ¹⁴ Ame kwayeruka mu Juda kupitakana singi sova vomwaka dande, kutunda kuvantu vaumwande. Ngoli nakalire nasihoro soninene kumpo yavavava. ¹⁵ Ene ngoli Karunga, wo antuliro me nokungaununa musira savanane, ntani owo nokuwome munkenda yendi, ¹⁶ kwahafita mukuneyeda monendi kukwande, mposi ame kuvhura ngani muwuditire mukatji kova Gentiles, kapi navhulire tupu mpopo kugwane kera no nyama ndi no honde. ¹⁷ Kapi nayendire ku Jerusalem kovo vakaliro va apostle kumeho yande. Mulivega, Aniyendi ku Arabia ntani ani kavyuka ku Damascus. ¹⁸ Kunyima yo mwaka ntatu anyendi ku Jerusalem muku kayiva Cephas ntani anikatunga naye mayuva murongo nomatano. ¹⁹ Ene ngoli kapi namonine va apostoli vo kuhupako kuwupako Jame, munya Hompa. ²⁰ Kovi natjanga koye, Ame kuna kuguvalita kumeho ya Karunga asi kapi nakumukonga. ²¹ Aniyendi kusirongo sa Syria na Cilicia. ²² Kapi vandjivire kusipara vo mungereka ya Judea mwa Christusa. ²³ Vavo kwaviyuvire tupu omu vaghambire, '' Murume owo atu hepikiro weno kuna kuyivita mbudi yoyiwa lipurero olyo asanine kudjonaura.'' ²⁴ Avafumadeke Karunga mukonda yande.