22 TRAE AFUERA... "Bayapjotalia kaponare pa bebi pejone nija boo jaba belia, nejjata bajjaitsi pe jemakuenatsiataneme bajara ponü jaba belia." 23 Bajara ponü, bo pejjainainü, pitsapa wayapjo pamonae jaba belia jumeitsi pamonae jabalia, "Ajibi, taja matapijivi, abaju kae epatoyo, ¡Apa itsimure pebisia kuene! mapaaa jivitonü juntanjü taja bo jawata, ¡Putsa pebisia kuene paejjaname! 24 Taema, taja tajjunatayo penajaba yajaba pia juyaba ponü jota nuka. Bejutabajü bajjü akonojjae. Kenetsia tae ejjanante pajjamü pa itsimure pa povaa jabata dajjita kuenia pa jitsipame. ¡Beitsi jane putsa pa itsimu pebisiakuiri mapa jivitonü!" 25 Beitsi pa jivi apa jumetame nejjata bajara pa jivitonú baetaba pija juyawa pamonae jukatsi wayopja pamonae baetaba powa, kebetsiataenetsi ejjanatsi jemakuenatsiatane yajaba powajawa dajjita merevi, yananiana pamonae kopata. 26 Yananiana powa tsina jopa baupa boo jawata jota pija pe evetsinü nuka, powa eka jota tsina matakabi jawa. 27 Pe ewetsinü na matakota bajayoto baupata pija bota jawata pona pija namuto. Ponü tane pija juyawa rukeika jota baupa jawata, pija pekabeta pejone wüpa jawata. 28 Jevitanü jumeitsi: "Nanotapunare. ponatsi."Beitsi apo jume kanaviata. Ponü baura pija burrojawata, pebinü najjataba pe ponoenejja pija boo jaba belia. 29 Depa kujinae levitanü pata pija bota jababelia, ponü pita kusiapa, nejjata baetaba ukubabia powaa belia tupaa ukubabia, pa najjua kabe najjua pekabe yajawa pa topa, itoroba pa topa dajjita Israel jawa. 30 Dajjita tane ma jjuaje jumeitsitsi: "Pekobekowü ajibijabanu itsi pe natae depakujinae Israel pija tomara pitsapa Egipto nakua wekua matapania ajena konojjae. ¡Najamatabujjeinare! ¡Nanejumeitsi mure de itsintsanetsi!"