¹⁵ Manoa jumeitsi tujjanennü pija Angelnü: "Pejjaniakuenia be kaepatoya ekare, ne rajure bajjukae matakabianu beje pa tajayabinejja pejana cabrito nüyo jjamü nejja. ¹⁶ Tujjanenü pija Angelnü jumeitsi Manoa jababelia: Ekae atanütsipae nija pejjaejava apo kato jjae tsipaetsi. Beitsi pa kajayabimü kae ofrendajava petajuejaba, rajure pe tujjanenü. "(Manoa apayaputae ponü rajatujjanenü pija Angelnü.) ¹⁷ Manoa jumeitsi tujjanenü pija Angelnü: "¿Depanewünumu, pakaijitsipatsi nejja depakujinae nejume jjaniajamü?¡! ¹⁸ Tujjanenü pija Angelnü jumeitsi: "¿Dejjua towunu neyanijobame? ¡Pejjaniajabayo!" ¹⁹ Nejjata Manoa baetaba cabrito nüyo yajaba ofrenda pejjutojji rajuta iboto pematatsunü tu jjanenü jababelia. Ponü itsi pejjania kuenia paepota Manoa pijawa taenuka beje. ²⁰ Pakujinae isooto juna altar betsina iitabojjo jaba belias tujjanenü pija Angelnü juna isooto altal jabata. Manoa pija java beje taenuka pe itsi jaba pematabakabuta nuka peitabarata ira boka. ²¹ Tujjanenü pija Angelnü apa naitajuta tsika ikatsia Manoa o pijawa ata. Nejjata Manoa yaputane bajara ponü tujjanenü pija Angelnü. ²² Manoa jumeitsi pijawa javabelia: "¡Jjaniajamutsane pa tüüpaneikatsi, juatsia pa taninjii Dioso nü!" ²³ Beitsi jane pijawaa jumeitsi: "Tujjanenü jitsipa pa neya beyajuabinejja, Ponü apa baetabatsipae petajue ofrenda ata pejjütojji ofrendajava paraju tonju. Ponü apa ne itajutatsipae dajjita mapa pekobekowü, mapa wai ata jjaineta rajuta itsakuenejja pa jumetanenejja itsajawa pekobekowü." ²⁴ Namatajjainaeya petiriwa ejjana penakuetonüyo, vunuruta Sansón. Pejewajjinüyo witsaba tujjanenü bendiciebatsi. ²⁵ Tujjanenü pija Espiritu naitajuta tajjujjuaba ponu jabelia Majané Dan java, Zora Estaol javata.