¹ Gematsia pepua ajibibaja nahasa, tüpa reinü Amon jawata, pekowüta pejjünato rey pajja petüpajjae. ² David sivá najamatabü: " Nakuijirrü itajuitsia najü taita jjuto bijioba taejawa hanún pejjünato nahas tsipaji pajjami nejamatabü yawenona". nejjata David ito roba petavi nejjatsi bitsó pewü najabü jjainae yéniva pajjami. David piajivi palia Amonita mónae piaja irrabelia tae otopopalia Hanún najamá tejema tsajjü bijitsia. ³ Jané baitsi rey pejji pitorrobivi piaja nakuata júme yanijiobatsi Hanún: " jjamü ma najamatabü jumai tsimü jjania jai tsaena tajjami David piasivanü na jamatabü jámü neto itorroba piajivi tane jamatemá jjuabi nejja najamatabü jámu? ? belia catsitó robitsipa pekató tae nejja. ? ⁴ Baja ra jjuajitsia Hanún taikae ejjana David pitorrobivi, büjjuná upiná jjuna pijinenia pejewa jjiyaba, wéjuma kajjiuka penajjatabi jawanü pepato werreka kuijináe petabu wito jawa berreka baja rá pakuenia itorrobalia naitaventa. ⁵ Pakùjinae jjaniawaetsia David tsipaebatsi, jivita najume rubalia petsipaebi nejja tsipaji bitsò bijiobi rajutatsi bitsò aurra tsèna pònae. rey jumaitsilia, " Jerico jawata abajjü pajinavá parramelia ata ü pane büjjuná juvi javabelia baja ra jjua kuijina pápa tsianame". ⁶ Pakuijinae Amonita mónae nayá pütane peto nanekointsi jawa David, nejjata Hanún amonitas mónae yajava pematamotsi nejja waja bitsaü mojji ( carruajes ) arameos monae piajava, jivi caballo jjainavi Aram pijivi, Maaca Soba beje. ⁷ Baja ra ponubeje tsikopata beje pematatsi jjae arameo mónae (32.000) pamóbeje rey Maaca piaja jivi yájava, tsimajjü pona yakapata medeba jawata. amonita mónae nakae tuata najeta rubena kae bitssütota piaja tomara werrena petsi majjü ponaevi. ⁸ pakuijináe David nayá júme tane petsimajjü ponae jawatsi piaja waja bitsaü, nejjata joab itorrobahia kopia pilia. ⁹ Amon piajivi naitajütsia poná rena ná yaveno náe tseko naejitsia imojjoyo tomara wekua abajjü ponae nejewa pakuijinae abajjü reye monae petsi majjü ponaevitsi tajü nakuaya núbena. ¹⁰ Pakuijinae Joab tane pewajünáe ewetsi jawatsi tsipayi nakorrobotsia núbena pewajünae werrena pepü karrutsivi, Israelevi ü piapajja yóvi kaetuata tsekonajitsia arameo mónae. ¹¹ Itsa bitsaüto, tó kopata Abisai juyapijinü siya nakorrobota piaja wajabitsaü Amon pekaponaevi. ¹² Joab jumaitsi : " itsa arameo niamoneyaba ponaena, nejjata jjamü, Abisai neyá wenonae name. Itsa peneta Amon piaja wajabitsaü kámoneyaba ponaëna nejjata jjanü, juya kaya wenonae tseko naenatsi baja ra pakuenia sivá najume tanebeje. ¹³ Siivá apajjayó mürre tsita nakuijiru itasane jjuá siva najamatabü jjaina" ¹⁴ Baja ra pakuenia Joab peyajawa ponae waja bitsaü werrebabé najetárrubena arameo monae, nejjata kobejjae rüküpekatsi Isrelevi . ¹⁵ Pakuijinae Amón piaja wajabitsaü táne arameo monae pekobe rüküpeka Joab baja kuyunavatsi pejuya pijinü Abisai, barrü naita wenelia piaja tomarrabelia. nejja Joab kanavia barrena Amón piajivi kaparrena Jerusalén jawa berrena. ¹⁶ Pakuijinae Arameo monae parrena nayapütane piamoyabi cuenetsi Israel, itorrobalia Sofac Hadad Ezer piaja wajabitsaünü Eufrate jawavelia. ¹⁷ Pakuijináe tsipaebatsi David, kaetuata dajjita piajivi bé kae bitsaüto épa nikaba Jordan yakapata piaja wajabitsaü. tsata Kae bitsaüto kana kuijitsia barrü tsekona arameo monae namata entsia tsekona beje. ¹⁸ Arameo monae kobe jjae rüküpekatsi Israél pepua beyajjuabi David (1000) pa araemos nübeje wajabitsaü mota penaje tarrubenaevi (40.000) pawaja bitsaünü beje petajjuota pena wajabitsaü tsivi. Beyajjuaba Sofac ata, wajabitsaü pito robinü. ¹⁹ De pakaijinae dajjita reimonae jumetane pejamatabü jupa bibivi Hadad Ezer tane piamoneyabi kunetsi Isrel, baja ra pamonae nakana wiaba jjaiwaetsia tó nakuebijitsia David. Baja rá jjüa kuijjinae baja ápo yawenonaé Amón pijivi.