¹ Elo malaika uwaletila kuli ne apilibukile noku njimya kubati muntu baimya ukufuma mu tulo. ² Alandile kuli ne, ''findo wa mona?'' Nalandile, ''Namona ica kutekapo inyali ica kupangwa na golide weka weka, ne cinwino pa mulu waciko. Cali kwete inyali cine lubali naba tonge cine lubali aba munyali pa mulu wa cila nyali. ³ Ne fimuti fya miolife fibili fili pali co, cimo lubali lwa kukulyo kwa cinwino kabili icibiye naco lubali lwa kuli cipiko.'' ⁴ Eco nalilandile nakambi kuli malaika uwatile kuli ne. Nalandile, ''Bushe mwe shikulu wandi, fiko pilibula indo ifi fintu?'' ⁵ Malaika uwali kutila kuli ne alyasukile noku landa kuli ne, ''Bushe tawishibile ifyo ifi fintu fiko pilibula?'' Nalandile, ''Iyoo shikulu wandi.'' ⁶ Eco alilandile kuli ne, ''Ili shiwi lyakwa Yahweh kuli Zerubbabel: Tekubulamba nangula kumaka, lelo niku mupashi wandi, efyo yahweh wamilalo alanda. ⁷ Findo uli, we lupili lukalamba? Pa cinso cakwa Zerubbabel ukaba cinika, kabili akaleta ilibwe lya pa mulu ku kupunda 'ukusenaminwa! Ukusenaminwa pali yoo!'' ⁸ Ishiwi lyakwa Yahweh lyalishile kuli ne, ukulanda, ⁹ '' Amaboko yakwa Zerubbabel yalimya umufula wa ii ing'anda kabili na maboko yakwe yaka pwilishisha.'' Elo mukeshiba ukuti yahweh wamilalo alintuma kuli mwe. ¹⁰ Nani wasusha ubushiku bwa tuntu twakucepa? Aba bantu baka sekelela kabili baka mona ilibwe lyaku kulilako mukuboko kwakwa Zerubbabel. (ishi inyali cine lubali menso yakwa Yahweh ayalonda isonde lyonse.) ¹¹ Elo nalipwishe malaika, ''Bushe findo ifi fimuti ifya miolife fibili ifiminine kuli cipiko na ku kulyo kwa ca kubikapo inyali?'' ¹² Nakambi nali mwipwishe, ''Bushe ngei imisambo ya miolife ili mu mbali ya mipaipi ibili iikwete amafuta ya golide aya kopongoloka ukufuma muli sho?'' ¹³ Elo alilandile kuli ne, ''Bushe tawishibile ifyo ifi fili?'' nalilandile, ''iyoo, shikulu wandi.'' ¹⁴ Eico alilandile, ''Aba baana baume ba mafuta ya muolife wakulelema abeminine pa cinso cakwa Lesa we sonde lyonse.''