¹ Ipaulu, onyo egha ni Ikiristi Ijesu, keleke owhe onohozhe Itimoti, nechi ubeuno na Iphelemoni, ochamomha nuwhichi ² Keleke oguomha zhoakhayha. kele na Apphia owheomha onozha, kelena Archippusi oguomha zho ukhono, kele na Ishoshi ni rinozho zho ukpo whe. ³ Azhofe elijewho kele kuriah ubo Oyiokhose Iyha kele ki Oyhane Ijesu Ikiristi. ⁴ Keshe keshe mhe zhabo no Oyiokose, nyia mhela gue enene whe zho iwhinahi enhe, ⁵ ubo khumiyho nyi uyheyhomukhe lori zho Oyhane Ijesu o keleki ugunda nuyhane zho ibo nefuema ezhakpa. ⁶ Mhe zhalo Oyiokose ke utalazhemuyheyho muwhe uhigbakhayha, uheyane omolomo ugunhole eguezhapa niyhemi mayhane zho egua Ikiristi. ⁷ Ubo khumhe yhane omolomo etanah kele kafozhe egua ubohungudamuwhe, ubo khegua ibo Oyiokose nefuema eyhe efozhe mewhe, owhe. ⁸ Ubohuneo, mheyhane ahun zho Ikiristi mhehakhnau khuni emia oyheni khuri, ⁹ Kunekune, ubohugunda, mhe khuna huzalo zho mhemhe, Ipaulu, oriozakpa, keleki onyo egha ni Ikiristi Ijesu anana. ¹⁰ Mhi vhinai hiu nyi egue omomhe Onesi musi elacha, onyo mhibia eshe mheha she egah. ¹¹ Ayhane eshe nikoyhanulo gbee, ama, anana okiri onyo afozubo nuwhanha kumhemhe. ¹² Mhe khele chemiazoni naiwha, onyo no yhemegua han. ¹³ Abonaki miehe gazhoni oleshi chimhe, orumu ligbakanyan uyhomunuyhemi sowhao. ¹⁴ Ama mhẹ dakumho ri egue chai eyhane wha. Mhe da khe eriyhemi awha egbewha egbe ama higbe ekegua wha zhi. ¹⁵ Ohirikubohuo nah zhani gbewha ehan shie kaala nezhe joo, uboku whekhili yhoni kiemia pere pere. ¹⁶ Okhokeri ushala, ama oyheyhemi vhene ushala, owhe omohozhẹ naduguoni. Ori onyo ugunada namuvha, ama nuwhawha vhene, chai egua khele ne onoyhane. ¹⁷ Ikiwhake kozhimu zhu onyo egbewha, whe yhoni maegbe nyin whalela yhenmu maegbe. ¹⁸ Ikho yanẹ nyin ola zhobane nake orubah emiajoo, whaha vhinaimu. ¹⁹ Mhemhe, Ipaulu, ubomhẹ mhe hachie egueno: Mhia riekhiema. Akhumie fiasia nyin uloo wha uri whichi zhomo! ²⁰ Oyhono, owhe omhe, agugua ru mhe mie ulo whe unuyhemi, ubohoyhane pa. Na mhe afozhegua chaegua Ikiristi. ²¹ Mhẹ yhanẹ gheina nyyin mhe chie uyhomu no, khikhẹ whẹ ri vhene nyin mhela vhina. ²² Akẹlẹhabao, agugua, wha zhazhe egukpo nekwhema khehemu, mhe yhene ukhahẹ khi Oyiokose oliyho iwhinahi ẹwha, okili chiemia zhimu nawha. ²³ Epaphrasi, owhomhe zho egba ni Ikiristi Ijesu, owhe awhehewha. ²⁴ Iyho kẹlẹ ki Imarku, Ariatar-chusi, Idemas, kẹlẹ ki Iluku, onyo mhe kwhagbakaya. ²⁵ Oyhane Ijesu Ikiristi oleru, azhofẹ oni arue eho wha li hena.