¹ Ebia, we yhuzo na ẹnibia wa zo egua Oyhanẹ. ² Kozi iyha ko olo zo, ẹno ki ogba no nẹnaru (ẹnẹ yhano echeehebao), ³ ''Uboki oyhemi nawa, whahẹ heni pẹlẹ ẹkẹ ugbono''. ⁴ Wawa iyha, we kika so ẹbia ufa. Eyhano, waha uyhehe ẹnẹ ẹkhazẹ oyhanẹ kozẹ ẹja. ⁵ Eshala, we yhuzọ lẹna ẹgahzẹ wa zọ egua egbe, ẹnẹ ekozizọ ke okpelele, cha egua ne riatah. We yhuzọ nẹja nyi wa lila yhuzọ ni Ikiristi. ⁶ Weli yhuzọ aki ilo ẹghazẹ owakpa, ubọku wahẹ ha egua ẹja nemi. Eyhano, we yhuzọ nyi ẹshala Ikiristi, ẹnẹ ria nyi ẹla yhame zi ilo Oyhokose kabe egua. ⁷ Hẹ egua zhakpa li gbakaya, nyi ki Oyhanẹ ugbena, iki ugbi khama, ⁸ uboku manẹzẹ, eyhemi ẹnẹ onyo kori, onyhe ẹzọ ni ubo Oyhanẹ, ko ri ushala ola ri onyo ziza nẹgboni. ⁹ Egazhẹ, we ri nyi gun ẹnẹ ria lẹzọ ẹshala ọ. we kika vazẹ juzua. Wa zana ki ọnyọ nọ ri ọgazẹ nawa kenigbeja ozi afa Oyhokose, nọ Oyhokose oyhanẹ uguda nọ onyojo vẹnẹ onyojo ¹⁰ Eyhima, ẹguẹ zhakpa, wa kpukpazọ ẹgua Oyhanẹ kẹlẹ ku ukhakha mẹ ẹkpukpa mọni ẹnẹgẹdẹ. ¹¹ Hẹ isua-ẹlahun mẹ whọ Oyhokose sọ, ubọki ku hanabọ pifhi zọ ekozi ẹvhẹtẹsa ẹwẹ eshu. ¹² Ubọkẹ ukhọnọ mu ma, upifhi zọ ẹgbẹ na azhẹ, ama nọ, ibọ nẹme, ibọ nahalẹ ubọ na, kẹ ẹkpukpa ne mazọ ubi anana, kẹlẹ na ekpukpa mẹ ẹhobẹ nizi okhunokhu. ¹³ Ubọhunẹọ, wa hi isua ẹlahun mẹ zhakpo Oyhokose sọ, ubọ ku wa hanabọ ziza kẹhẹ ohunako ọnọ bẹ, ubọkẹ ẹshẹ weki ri ẹguẹ zhapo vo, wehi zhiza gbayhi. ¹⁴ We zhizha gbayi nẹ, wa ha atah zuehezọ ikolo ẹwa, wakẹlẹ hugba ikhulu ufuema gagazẹ awhu nawa, ¹⁵ wakẹlẹ gagazẹ ẹna wa, ẹnẹ ẹmuza nẹchazọ awẹ uyhomunuyhemi uwẹ uviah. ¹⁶ Zọ ikhama ẹguẹ kuguẹ, whulu eyheyho mua, nyi emia naha yhehemi kua, ẹnẹ uhanabo eyhehe, ufoli ẹsa ni owha ọnyọ ọbẹ a. ¹⁷ Kẹlẹ za ewhu fuea kẹlẹkẹ ukhazẹ uwhẹ Ẹhọ, nuziza na akola Oyhokose. cha egua Ẹhọ, li vhinai, ulẹ dilo Oyhokose ẹshẹ kẹshẹ. ¹⁸ Ubọhunọ, lẹ mẹma kẹ egia-pẹlẹ kẹshẹ kẹshẹ nyi la dilo Oyhokose na ibọ Oyhokose ezakpa nẹfuẹma. ¹⁹ Wa dilo Oyhokose lẹ na mu, ubọki Oyhokose ọhẹ ha akọlani zọ munu wẹ. We vhinai ku mẹ hẹ yhanẹ ahun wẹ ẹguẹ atah na vhẹtẹ awẹ uyhomunuyhemi. ²⁰ Uyhomunuyhemi unọ miziza na, azẹhẹ ẹwẹlẹgẹ whilu muzọ, ubọku mẹzẹhabọ yhanahun wẹ, nyi iyhemi kumẹlawẹ. ²¹ Itychicus, ọwhẹ ọnọhọzẹ nadugu ọni, kẹlẹkẹ awẹ ẹria, ọmọ ẹyhima Oyhanẹ, ọlẹ whẹhẹ ẹguẹ zakpa, ubọ ku wa hẹnẹzẹ nyi mela hena. ²² Ubọhu ugunọ mẹha voni zọ waọ, ubọ ki wa hẹnẹzẹ nyi magbẹ, ubọ ilọ hẹ fozẹ waegua. ²³ Uviah na ẹwhẹma ẹnọ họzẹ, kẹlẹ kuuguda nẹ eyhieyho cha ubọ Oyhokose iyha kẹlẹkẹ Oyhanẹ Ijesu Ikiristi. ²⁴ Azhọfẹ ne ria na kokonyo, nọ dugun ọnọ Oyhanẹma, Ijesu Ikiristi cha uguda nuku yhanẹ asikẹ.