¹ Kha shegerih tih khu shonn dokh tah mako, yehleh kalagh wattuh khan fulei kan gbuta turari weh yehleh yuhgbou. ² Yehleh kalangh weh pandi yehnanih Jifeh khu fulei. ³ Yehleh kalangh lih yah kubbih amma yehleh an wel shiknoh mungburemu yeso tah kuhbin. ⁴ Tah kisheyeh yehleh kalangh rashe weh yuhgheyuh tommon, kummun linyah pelou khalangh pettuh inn shelih tih tal-lag yuh kan sholomin peh tih shikyuh. ⁵ Daga shelepyeh kingho shehwoh, kalangh gbol khujuh tih illih, yehleh kalang mahyuh shelep yeh tah, "Mah lungkhin nih meh tih pir bannuh piri shileh ann rai tah tal-lah mir weh murou?" ⁶ Shakkhi ekkhe tih pisheyem, shakkhi illou! meh tunu kha weh shakkhi tekkhemed tun weh meh doh tih Galili. ⁷ Tah, tah miko lah linyah tah shillah linyah ann dingh loshoh, man yehleh kpalenih, amma tih khu shonn gbunum shakkhi tah sasho illenih. ⁸ Shelepyeh kalangh tunuh paronih yoh'u, ⁹ Kalangh yehleh wohshuruh khu fullei kalangh tewun paroyeh tih gbumoh kan dok yeh kan tih shorih linyah piph. ¹⁰ Mah maryamu magadaliya Joana, maryamu Nahnoh yakubu, kan shurih shelep weh yehle doi kalangh tewu wisheyeh tih shibba annshuranih ¹¹ Amma shibba anshuranyeh ah sharun manni wei tih khu paro shelep yeh. ¹² Duk haka Bitus kalangh shellanih kalang dann fok kubbih, tin lebuh dohnih tin bannoh yah kubbih, kalangh wei gawann mayafi shiknihj pir dokh, Bitrus kalangh khotehnih minnah, tin yuh mamaki wei farou. ¹³ Amma hinyah pelou tah tal-lahyuh kha palanghirei warruh khu illi weh yihyih kha emmaug wewh forou kilometer nyah forominih khan urushalima. ¹⁴ Yehleh yuh deppo khan shabiryuh tih khu piph wehsheh weh farou. ¹⁵ Bayan weh yehleh dehpo khan yuh mahayah kha shabir yuh, yeso khalangh wattuh piryuh, kalangh yeh shakkhi konnah kan shunuh. ¹⁶ Amma shakkhi ah wosho yehleh ganerima. ¹⁷ Yeso kalang maiyah tah "mah wennih weh meh pelouyeh tih pir fewannih weh dihyin tah wattu yeh?" yelleh kalangh illanih kan kpanan yahbongh. ¹⁸ Dokh tih tal-layuh shommonih kilyobas kalangh ann shenih tah "mannih khah pennuh weh farou tih urshalima tih tal-lah shonnyen? ¹⁹ Yeso kalang munjuh amsa tah "mah we hih farou? yehleh kalangh tennih weh farou khan yeso lau nazareth yeh, weh shakkhi mungbure an kpaghah, khan bangh shik khan tah dohnoh yamba khan linya piph. ²⁰ Kha weh an kpaggha muh khan an khupinrh muh shokkho mah kpalenih, inn lohghenih tih khu voroh muro. ²¹ Amma mun khan lihyan ya bongh tah shakkhi tah wattuh yuh ceto tih linyah Israila. Kisheyeh, mah shorih nih benje, teiyeh farou lha shona pelou weh khoh khou. ²² Kuma benjel shelep khu ilmuh shommuh tah tommon yabongh, weh har yehleh wargon khu fullenih kan shegerih. ²³ Weh yehleh ah wenn shiknin, yehleh pengilla tin tewih tah yehleh shunnah toh munbre annshuran weh tekkho tah shakkhi kan rai. ²⁴ Shorih linyah weh munn doi kalangh warruh tok kubuh, kalangh wei weh daidai khiygha weh shelepyeh tekkhou. Amma yehleh ah weh shiknim. ²⁵ Yeso kalangh tewyuh tah " yah meh linyah dil khui mir ann shakka tih khu wei weh an kpagha tekkhou!. ²⁶ Mannih ar yuh wallah mungbre yeh sheh shiran wihshem, mann lih yah mulkinim? ²⁷ Yeso kalangh illah yuhyuh paro gane kan shakkhi tun tihkhu lakaci noh me Musa har zuwa anshuranih kan tih kan wehtah littafi munn kpangh. ²⁸ Daga yehleh nemmah kauye weh yehleh menji warrannith amma yeso kalangh yui kha khiygha shunn tah karo mellei. ²⁹ Amma, yehleh showmih tah "mah shakkhi dihyan tih piryuh lunghkhu shunnih yuh;a kuma yah pirih kekho dil. Yeso kalangh lihrun kalangh dihyantih piryuh. ³⁰ Dihyo tah weh yehleh tih pir shuh weh shakkhin shattu jukdanyuk, tehloh yahteh inn munjuh. ³¹ Alloyuh kallangh aurahnih, yehleh kalangh peh-nehnih, shakkhi kalangh illoh pehtenih tih piryuh. ³² Yehleh kalangh dungho poaro kha shabir yuh tah" nih yabongh muh khameh ah kpanuh tih shikmuh kha dohmum, weh shakkhi tekkhe muh tih kho khon, weh shakkhi awgemun yah littafi mai sarki? ³³ Tih lokaci rei riph yuh kalangh illoh sharu urshalima. Yehleh khalangh weh shik kpummon khgan dokhgyeh gawanich tah doh shabir khan shorih linya weh yehleh dihyih doi. ³⁴ Tah khulli lau munghbure illigenih kuma shakhi nunou khunih tih siman. ³⁵ Yeheleh khalangh tewah weh farinan tih khokho khan yadda weh yehleh gannon yeso lokaci weh shakkhi pir buadileh yun juk danyuk. ³⁶ Daga kpadan fok paroyuh, yeso kha dohnib kalang shellanih tih tal-lahyuh khalangh tewyuh tah, "mah salama dihya khan neh. ³⁷ Amma shehusoh mungbure kalangh kewyun, khiygha weh yehleh wehgon limmih. ³⁸ so kalangh tewyuh "mah lungkhurih meh dangeou kisheyeh? mah lunkhunih mer pir shakkha tah lonshomei? ³⁹ Meh ningh yah shillanoh khan yali shonno teyeh neh kha dohnoh. Meh nou shiknoh, ai limmih ekkle khan lohshikhim khoh wahyakh khiygha weh neh khan tem. ⁴⁰ Daga shakkhi tekkjegun wisheyeh, shakkhi kalangh shuwehyun yah shilanih kha yah shonih. ⁴¹ Har benjeh yehleh ah mennum, lungkhu tommon yahbongh weh yehleh kan tei yeso kalangh teshuh tah " meh khan weh shinnah tih pirmeh? ⁴² Yehleh khalangh munnih shullan shilip dok. ⁴³ Shakkhi kalangh kewih kalang adinnah tah dohyun. ⁴⁴ Shakkhi kalangh yuhyu paro tah, terhyeh we neh tekkhemeh pishi weh kammeh doi, kan piph weh ballanih tah takarda noh musa, kan paro ankpagha, khan weh zabura dole tah shikina. ⁴⁵ Shakkhi kalangh awhu yabonghyua lungkhu mah yehleh pennu paronih. ⁴⁶ Shakkhin tewehyuh tah "gama ballanih tah lou-yamba tah sheh venneh kuma shakkhi tah illinah tih khu shonn angbunum. ⁴⁷ Tah tewuh paro tuba khan yafo dingh tigh piph linyah khu pebbeh tah dinghanih tih urshalima. ⁴⁸ Meh neh meh shaida wihsheyeh. ⁴⁹ Meh ninghou, neh shurnemeh weh thahnoh tekkho shakkhi tah shuttuh. Amma meh delimen tah tal-lah minayeh ai meh khekho bangh tih gagh. ⁵⁰ Yeso kalangh pattehyun pehbeh nimmih khan kohkho bethany, kalangh showuh shillani tah khuyuh kalangh muniuh albaka. ⁵¹ Tehyeh dihyoh weh shakkhi kpadou fok teshuh paroi shakkhi pir munjun albaka kalangh wohsheyuh, kalang sharnin ammenin gagh. ⁵² Yehleh kalangh yuhnih dimmah, kalangh pengilehygun urshaima kha tommon yabongh. ⁵³ Yehleh kullum dihyanih tih pir dimmai tin wahwuh yamba.