¹ Ti sheneh weh kaisar Augustas yuh pharo ta ni ball khui lenya we diyani ti khu ilinih ² teye doggha foroh ne kiriniyus kub suriya. ³ ma kho no ma phegeluh minani ma ballning ti phirin. ⁴ Yufus duh wusho khu ilih Nazarat ti Baitalamit Yahudiya, weyeyi kha minna Dauda shakkh phene ti yamminano. ⁵ Dauda waroya bakkhui ni shakkhi kha Maryamu weh shak khi ti manami tei kha fuleh. ⁶ Diggoh weh shudin phirah lephirin yuwetarah lehnih mutuh leuh lah pantin, ⁷ mutu gakkho shikha manyung shumma ganon tiya gong shuweh tangah don angeh phiri dulyhem. ⁸ Ti khu ilireh kham meyan galto tongah yele diya ta ningho deyeyu kha perih. ⁹ Lahfuk mungbureh shukkho khuni kub mungbure malyuh nimih kha shunuh shik yule taru. ¹⁰ Abfoshuh ta ma khengah yusheumh nne wanna me kha pharo weh tummoh ti khu ilino Dauda legeme Almasihu mungbureh. ¹¹ Teyeh minan shuman weh mummeh: ¹² Mehri lawuh numannih kha landah shinan tiyah logghor. ¹³ Tei weh mara phenani mara we lauh lahphido dawani ti yetei manyuweh liya ta gog shinani kheshe gbure ti gag khan anfoshuh ¹⁴ yele phiri phammoh Yamba, pheme ti Yamba ti gag ma dimmoh ma shelluh ti khupherah lenya we khigho tummoh ¹⁵ Anfosho yele phegalluh gag. Angal fuk yele taugho ti sharin mashunu warru Baitalami ningho weh paro mungbureh shukhemuh ¹⁶ yeleyu dauwal mara weh Maryamu kha Yusuf mara weh lah phedon shinani ta gog tangal. ¹⁷ weh yele weuh we yele tekkho ti lenya kha layi. ¹⁸ Phep we yele shulloh yele dutu foloshoyu kha weh we angalfull yele tengho. ¹⁹ Teih Maryamu mutal tuh khatina tukhu we paro tin khatina we hociti Bangroh aAngalfuk ²⁰ yele phengelleghe yu shundi phammoh Yamba ti khui we faro kha weh yele weuh kheshe khawe lekhe yong. ²¹ Foro shung phenphedou phalang weta khahballe laphedo yele khana lih shummaih Yesu shumoh we munghu ming anfoshu. ²² Phalang bina amh kho wali Musa, Yusuf kha Maryamu wargho khiri wauwa ti Urshalima wali ²³ mungbureh ta teni shiwan phiri ti mungbureh yele wannan ya lalau yeloh we teikho ti khok ²⁴ mungbrureh, melbi phelal kha barruh. ²⁵ Khan leya Urushalima shumoning Siman, meyan yu wauwah. ²⁶ Dangho shumoh loshong Isai'ila jilib kpangh ti khunih, jilib kpangh ati morani shakki ta ningho Krishti wenoh mungbureh. ²⁷ phalang mandi Simon wanna phiri wauwah tining jilib kpang ma tahnih wanna kha lauh yetei Yesu, ²⁸ ma yele biya weh khuk, Siman khekho ta shilani shakkhi phammuh. ²⁹ Banjeh shebbekho ma kho kha tiya tummoh mungbureh ti alpharokho. ³⁰ Kha donoh nne weuh anmelegho, ³¹ wegeh baggeruh yadonih ti lenyah pheh we wannati memmeh, ³² weta shokkro lenya kho Ira'ila. ³³ Anlauh kha teianleni yele gbuntu shila ti fuk billiyung lugguh weh tekho ti khunih. ³⁴ simon phatiggho shilah ti khunih Maryamu nanih matu shuloh walah layeh ta duya we shugerrh kha kang lenyah kbag ti Isra'ila weh ta bidanih, ³⁵ wayin ta sheu yaloshoying we khatang lenya ta shuwanih. ³⁶ Mannih anteuhfuk shumoroh Annatu khamti phirih. Lamu famuyiroh ti minna h Ashiru. Motoh manjingho ti she neih teih digoh ³⁷ khan aminnaroh shenen phalileu fohmih we mannaro yu moroh ta nauh wushoh phirin wauwam motoh shukho tom kha wauh mungbureh, pherih kha phalang, ³⁸ Ti phalangreh, motoh amoh phiri we tarah phanmoh Yamba. metoh teigho te meyan danghi an melluh Urshalima. ³⁹ Yele kbaphowe phep, menjeyung ma shunu biya khok mungbureh yele phengilluh Galili khu lih Nazarat. ⁴⁰ Lawuh gburoh kha kpang. phenang tin watuh, khumakhai ti khu nih. ⁴¹ Anlehnih yele waryeng Urshalima ko wani shene yayu bishi pherayung. ⁴² shakkhi floruh sheneh bdummoh kha phellaw yele ammoh ya bishi waliyong. ⁴³ kha yabi wa yele kpandoyung bishi yele phenin; ⁴⁴ yele ningho diyin kha shoring lenyah weti melehg yele yu meleh shung dok yele dongho kbang kbang phiri shugee ti shekhi yaminna yung kha masheluyung. ⁴⁵ Yelleh ya weshighun, yele meuh Urshalima ya shoppofuk. ⁴⁶ Yugho shung gbunum yele weshinih ti phiri wauwa diye ti shekkhi anshuppherrh ti phiri shileyung shakkhi tin yuyung mayah phep we yele shiligenih. ⁴⁷ Yelleh liyo shela tifo lofhokning. ⁴⁸ Yele weuh shinih yele diyo ta khaushelati foloshong Anlenih ta lahnoh ma khai yougeh muh khishemg? kahi shiloh, tahkho khan nne mundi bangphirri shigoh yaloshomon kbanani. ⁴⁹ Ta ma ma lukkhu ni marah kbang phiri shinoh? ⁵⁰ ma phenoh nne diyani minanoh tahnom? yele phenoh alpharoyem. ⁵¹ Sai weh yele megoh minna yung ti Nazarat shakkhi ti munzunh gbure. Nahni gbutoh weyeh phep ta loshoroh motah tin khatinah khui ⁵² yesu shugho tum kha phenang kha gbureh shele gighokh khewah ti phenno Yamba khan lenya.