¹ Shakki Bulus an shuran nuh Almasiya yeshu khan murah fak yamba an mulmun khan almasiya yeshu we liw losho. ² Warah timoti laneh we menanh tih pir, bhgak shikk we wala khan we yohkhenu khan diyah wala yamba ta khan almasiya yeshu tamuih mah diya tih pirin shakki. ³ Khe kha we neh diminkho khe shailu tih Afisa nerah waroh khu eli makidoniya khe yoyoh paro linya ma yelle kha yoh shureh khan manneh shumbir doroh. ⁴ Ma yelle kha bhgag bhak diya tih piri we weh bha bhalacimminh we weh akam teyam fokm we yek gakho we dahkhalam tih fok bligeto ghagom khan we shineh Allah khan bhak shikki. ⁵ Tih pishek bareh tih khuh khumin tih piri pitoh tih tallah losho khan yabgoh we wala khan diyah bghak. ⁶ Momh yelle kheloh tih khokho yele washeh yelle linyoh piri we a walam. ⁷ Yelle menji diyan minyah panan Attaura akhan we penanma we yelle tekhomh tih khu we we yelle minnoh tih. ⁸ Tih pisheh munh penom khon we wewala mah linya yohkhon fokhro kha teh diyoh. ⁹ Shakki tih khatihna tih khuh khonoh alinre tih khu we wala tih khub linya we khoron memeh we yelle khoroh yamba meyah bgah taroh fohmin khan bgatih kha meyah yoh yakhna. ¹⁰ Yakhna khan meyam shinami bgatih khan memh fok shawa. kha dishih we de khuhoh shubir. ¹¹ Tih Khu paro manh wala nih yamba we yauwani we shakki mukhemu. ¹² Neih pemo tih almasiya yeshu tamu we shakki nehtikhemu tin munna fok we shakki mankhenoh foronni. ¹³ Weh pishe yohk dakhulo neih meijih ne munh vene pipi kheshe shakki shawnuh neih yoh kheshe nah pemoh tih khun penah we bhgak. ¹⁴ Weh wala neh tamu patihna tih khumu khallin khan khumin tih almasiya yeshu. ¹⁵ Paro yeh diyanni diyo we khewani khan bhgak shakki almasiya yeshu lennah khapepe ma shakki shawn meyah dakhella we nei minah bhgare yoh. ¹⁶ Pipi kheshe shakki mellkhenu kha khunu neh bhgare yoh yeshu almasiya shakki muntah ya loshoni naih diyoh fok foroh mellas shuri losso we talih abhgadiyih. ¹⁷ Bghare kha yellshikk diyah tih khub khupepe we munro we aweninn yamba bhgak we yahkhani yakhani pamo pamo. ¹⁸ Naih munkho fok lanun timoti khelen kheli pisheh tekho tih khukho khe yoh bgak tih piri shunuh khen yoh kheyih we walla. ¹⁹ Khai bhatah diyah bhgak kha piri shigakk we wall mamunh linyah bhgak shikk. ²⁰ Tih tallah yoh khan himinayas kha Isakandari neih munkhe yoh tih linmim mayelle shun veneh mashumu woshoh yoh dakhallan we.