¹ Pip linyah weh menou Yehsuu krishti len lahni Yamba. Pip linyah weh menji Tahmun, khan menan len Lahni tih pirin shakkhi. ² Elenkhu kichei, mun penou mun minji chiɓan Yamba: Mah mun kha menan Yamba khan yuh shuran tih dahiyoh nih. ³ Chei minan menan nih Yamba: Mih weh liyoh ɗaghiyoh nih. Ɗaghiyoh nih ah turah sharim. ⁴ ma linya lahn Yamba gawih ɓang khuphebeh. Teye minan khon- tom weh mun gag-khon ɓang khuphebeh; Khumen mun. ⁵ Mah nong gag-kho ɓang khuphebeh? Lenya weh mennou tah Yehsuu lahnih Yamba. ⁶ Chei minan ɗok weh wannah tiprin am khan tom: Yehsuu Krishti. ⁷ Shakkhi wannah ah tipirin khan am kpanɗanim, tipirin am khan tom. Elenkhu kham nih gbunum weh yeleh mugho fohk: ⁸ Mah Jilim, Am, khan Tom. Mah gbunum yeh, khan menan. ⁹ Mah mun menou kha khon-khu linya, khon-khu Yamba kho-khou weh linya. Pamman-nih Yamba, shakkhi khan ledɗiyan linya tikhu leen Lahnih. ¹⁰ Mah ɗok khan menan kha Lahni Yamba tha ɗiyanih khan pammih tih khunih.Mah manih ekkhen kha menan nih Yamba sharghenih an gbureh shawa, elenkhu shakkhi khurou kha menan ayan-yabih weh Yamba mungho tih khu Lahnim. ¹¹ Ayan-yabi minan teh: Yamba munghemun lochoh weh ekkhen murom, lochoi tiyatah Lahnih. ¹² Linya weh khan Lahnih khan locho. Linya weh ekkhen kha Lahnih Yamba ekkhen kha lochom. ¹³ Neh ɓallighemeh weyeh elenkhu mah men pennih meh khan lochohweh ekkhen murom, tih mei wemeh menou kha shummoh Lahnih Yamba. ¹⁴ Teh minan ɓang shimun weh mun khan tei pirin shakkhi, tha mamun mayoh mannih weh tiyah shummonih shakkhi tha shilemun. ¹⁵ Mamun penou shakkhi tha shilemun-pip weh mun mayou, muh pennou mun yungholoh wew weh mun ɗimmou. ¹⁶ Mah ɗok tiyah tallahmeh wew shinih molonih ɗing, weh ar-ɗiyoh weh murum, mah shakkhi yun ɗimmoh, tih Yamba mah munun locho. Neh pir shuwanih shik linyah weh ɗingyun ar-ɗiyoh kpalehyunim; Nah teuu mahmeh yuh ɗimmoh tih khu shirem. ¹⁷ Pip wehshu'ah mun ɗing, kham wen ɗing, ar-ɗiyah weh shin murum. ¹⁸ Muh penou tha: linyah weh leu nin Yamba ah yuyih dingm. Linya weh leu nin Yamba dan linya weh leu nin Yamba gbuttiyi kwi ni ɗan jilim shu'ah ahri naunin. ¹⁹ munu penou niyi pirin Yamba munu penou pip khu phebe shingho tha ɗing. ²⁰ Elenkhu mun penou Lahni Yamba wannah yah mummuh penan lunghu mun penih ɗok mun khulli. Mah khichei, munɗi shekkhi ɗok mun khulli, pir khan Lahni Yehsuu krishti. ²¹ Shakkhi minan Yamba khulli khan an-mun johlih son. Chimba, meh gbuttu khumeh tih pirin khundul.