¹ kuciindi ico, Herodi tetilachi wanyumfwa makani kujatikizha Jesu. ² wakaamba kubatwanga baakwe, "uyu Johani mumbizhi; wabuka kuzwa kubafu. aboobo izhi nguzu zhitokusebenza muli nguwe." ³ Nkaambo Herodi kajatile Johani, kamwangile, akumubika muntolongo nkambo ka Herodiyasi, muka mukwaabo Filipo. ⁴ Nkambo Johani kaambile kuli nguwe, "tacili mumulawo kulindiwe kuba anguwe mbuli mukaintu wako." ⁵ Herodi naakamujaya, pesi wakalonda bantu, nkambo kali mbuli mushinshimi kubantu. ⁶ Pesi buzuba bwakuzhalwa bwa Herodi nibwakashika, mwana mushimbi wa Herodiyasi wakazhana akati akukondelezha Herodi. ⁷ Mukwingula, wakashomezha acikonke kumupa kufumbwa nceshi alombe. ⁸ Nakalaililwa abanyina wakamba, "amuumpe awa, pambale, mutwi wa Johani mubbizhi." ⁹ Mwami waka zhowana a kulomba kwaakwe, pesi nkaambo kacikonke caakwe alimwi nkambo ka baabo mbaakali kulwa ababo, wakalailila kuti cicitwe. ¹⁰ Wakatuma kuti akosolwe mutwe Johani muntolongo. ¹¹ Amane mutwe waakwe wakaletwa pambale akupegwa mushimbi alimwi wakautola kuli banyina. ¹² Amane bashiciya baakwe bakaza, akubweza mubili akuuzhika. nizhakamana izhi, bakaya akwambila Jesu. ¹³ Ono Jesu naakaatelela izhi, wakazwako abwaato kuya kubusena buumwine. mabunga nakateelela, bakamucilila anyaawu kuzwa mumadolopo. ¹⁴ Amane Jesu wakaka kumbele akubona mbunga inene. wakabafwila nkumbu a kuponya malwazhi aabo. ¹⁵ Nikwakaba kumangolezha, bashiciya bakaza kuli nguwe akwamba, "ubu busena matongo, abuzuba bwamana kale. mwaisha imbunga, kwamba bangi mumizhi balyuulile zhakulya." ¹⁶ Pesi Jesu wakaamba kulimbabo, "tabeelede kuya. amubape cakulwa." ¹⁷ Bakaamba kulinguwe, "pano tulicite boo zhinkwa zhilibo zhosanwe a nswi zhobile." ¹⁸ Jesu wakaamba, "amuzhilete kuli ndime." ¹⁹ Amane Jesu wakambila imbunga kukala anshi a bwiizu. wakabweza zhinkwa zhili zhosanwe a iswi zhobile. kulanga mujulu,wakaleleka akukomona zhinkwa akuzhipa bashiciya , amane bashiciya bakazhipa imbungano. ²⁰ Bonse bakalya akukuta. amane bakabwezelela bufwefwelenga bwacakulya bwakacaala-mitaanga izwide iili kumi a yobile. ²¹ Aabo bakalya bakalikushika ku zhuulu zhosanwe basankwa, kutabala bana aba manakazhi. ²² Peenkaapo wakacita bashiciya bakwe kunjila mubwaato akumusololela kuya kumutala, walo kacaandaanya mbunga. ²³ Nakandaanya mbunga, wakaya pajulu lyamulundu akupaila eenka. mangolezha naakashika, wakalinga kulya eenka. ²⁴ Pesi bwaato kabusakenekuzwa ku nyika, kabutonkwa amayuwe, nkambo muuwo wakalinga kuunga ku zundana abalo. ²⁵ Kumancelwa Jesu wakashika kili mbabo, kaenda a lweenge. ²⁶ Bashiciya nibakamubona kaenda alweenge bakaloonda akwamba, "ncibaanda," alimwi bakoongolola mukuloonda. ²⁷ Pesi Jesu penkaapo wakamba kuli mbabo akati, "Aliyume ndime! mutaloondi." ²⁸ Petro wakaingula akwamba, "Mwami, na ndiwe, kong'ambila nze kuindiwe pa maanzhi." ²⁹ Jesu wakamba, "koza." aboobo Petro wakazwa mubwaato akwenda pamaanzhi kuya kuli Jesu. ³⁰ Pesi Petro nakabona muuwo, wakaloonda. mbuli bwakatalika kunyikila, wakalila akwamba, "Mwami, mfutule!" ³¹ Jesu wakafwambaana wakavungulula tashi lyakwe, wajata Petro,akwamba kuliguwe, "omushonto Lushomo, nkambo nzhi wadonaika." ³² Ono Jesu a Petro nibakanjila mubwaato, muuwo wakaleka kuunga. ³³ Amane bashiciya mubwaato bakamukomba Jesu akwaamba, "ncobeni uli mwana Leza. ³⁴ Nibakazabuka, bakaza kunyika ya Genesaleti. ³⁵ Nibakamuzhiba Jesu basankwa bakubusena bulya,bakatuma mulumbe kumasena onse azhungulukile, amane bakaleta baciswa bonse kuli nguwe. ³⁶ Bakamulomba kuti bajate bo kweela kwa cisani caakwe, alimwi baanji bakacijata bakapona.