¹ Libbuku lya mazhalani a Jeesu kilistu, mwana wa Davida, mwana ² Abburahamu. Abburahamu kaali ushi wa Isaka kaali ushi wa Jakobo kaali ushi Juda a bakwaabo. ³ Juda kaali ushi Perezi a Zala kwinda muli Tama, Perezi ushi wa Hezironi, Hezironi kaali ushi Lamu, ⁴ Ramu kaali ushi Aminadabu, Aminadabu kaali ushi Nashon, a Nashon kaali ushi Salimoni. ⁵ Salimoni kaali ushi Boazi kwinda muli Rahabu, Boazi kaali ushi Obbedi kwiinda muli Ruute, Obbedi kaali ushi Jisi. ⁶ Jesi kaali ushi Davida Mwami, Davida kaali ushi Solomoni kwinda mumuka Uliya. ⁷ Solomoni kaali ushi Rehobboamu, Rehobboamu kaali ushi Abbija kaali ushi Asa. ⁸ Asa kaali ushi wa Jehosfati, Johosfati kaali ushi Jolamu, a Jolamu uuzhala uziya. ⁹ Uziya kaali ushi Jotamu, Jotamu kaali ushi Ahazi, Ahazi kaali ushi Hezekiya. ¹⁰ Hzekiya kaali ushi Mananse, Mananse kaali ushi Amoni, Amoni kaali ushi Josiya. ¹¹ Josiya nguwakazhala Jekoniya abamakwaabo kuciindi ca kulonzhegwa ku Bbabbironi. ¹² Nibakalonzhegwa ku Bbabbiloni, Jokoniya kaali ushi Salatiele, Salatiele nguwakazhala Zerubbabbeli. ¹³ Zerubbabbeli kaali ushi Abbiyadi, Abbiyadi kaali ushi Eliyakima, a Eliyakima kaali ushi Azo. ¹⁴ Azol kaali ushi Zadoki, Zadoki kaali ushi Akimu, a Akimu kaali ushi Eliyuda. ¹⁵ Eliyuda kaali ushi Eliyaza, Eliyaza kaali ushi wa Matani a Matani kaali ushi Jakobo. ¹⁶ Jakobo kaali ushi Jozefu muka Maliya, uwakazhala Jesu, wiitwa ati kilistu. ¹⁷ Mazhalani onse kuzwa kuli Aburahamukushika kuli Davida kaali ikumi a one, kuzwa kuli Davida kushika kukulonzhegwa ku Bbabbiloni mazhalani ali ikumi a one, akuzwa kukulonzhegwa ku Bbabbiloni kushika kuli Jesu mazhalani ali ikumi a one. ¹⁸ Buzhalwe bwa Jesu kilistu buli munzhila icilila. banyina, Maliya, kaseselwe kuli Jozefu, pesi kabatana kuba antoomwi, wakajanika kuti ulimitile ku Muuya. ¹⁹ Musankwa wakwe, Jozefu kaali muntu ululeme, taakayanda kumufwisha insoni antangalala. wakayeeya kumuleka kumbali. ²⁰ Nakayeeya izhi zhintu, mungeli wa mwami wakamushikila muciloto wamba, "Jozefu, mwana wa davida, utaloondi kubweza Maliya mbuli mwanakazhi wako, nkambo umitilwe mulinguwe uli mitilwe ku Muuya Usalala. ²¹ Ulaakuzhala mwaana musankwa, alimwi mulaakumwita kuti Jesu kambo ulakuvuna bantu baakwe kuzwa kuzhibi zhabo." ²² zhonse izhi zhakacitika kuzozikizha zhakamba Leza kwinda mumushishimi, kwamba, ²³ "amulange nakalinda ulakamita akuzhala mwaana musankwa amana balakamuulika lizhina lwa Imaniweli"- Camba kuti, " Leza uli andiswe." ²⁴ Jozefu wakashishimuka kuvwa mutulo akucita mbuli mungeli wa mwami bwakamwambili akumwenza buli mwanakazhi waakwa. ²⁵ pele taakaswaangana aguwe kushikila wazhala mwana musankwa. amane bamuulika kuti Jesu.