¹ Kwakalinga mu Falisi walizhina lya Nkodemasi mwendelezhi waba Juda. ² Uyu musankwa wakaza kuli Jesu masiku akwaamba kuli nguwe,"Rabbi, tulizhi kwaamba kuti uli muyi wakazha kuli Leza, nkaamba taaku inga wacita zhitondezho izhi zhocita cita bo kuti Leza kali anguwe." ³ Jesu wakaingula kuli nguwe, "Ncobeni ncobeni, cita bo kuli muntu wazhalululwa, takozhi kububona bulelo bwa Leza." ⁴ Nekodemasi wakaamba kuli nguwe, "Ino muntu inga wazhalwa buti kali mupati? Takonzhi kujoka lwabili mwaida lya banyina, Sa inga wazhoka? ⁵ Jesu wakaigula, "Ncobeni, ncobeni, cita bo kuti muntu wazhalwa kwiindamumaanzhi a Mumuya, takonzhi kunjila mubulelo bwa Leza. ⁶ Ico cizhalwa munyama ni nyama amane a ico cizhalwa munuya ngu Leza. ⁷ utagambwi mbundaamba kuli ndiwe, 'welede kuzhalwa alimwi.' ⁸ Muuwo ulaunga kuli koonse nkuyanda; ulaumvwa kaunga, pesi tuzhi nkouzhida a nkutokuya. Mbubona a muntu woonseuzhalwa mumuya." ⁹ Nekodemasi wakaamba kuli nguwe, "ino zhintu izhi inga zhaba buti? ¹⁰ Jesu wamvwila a kwaamba kuli nguwe, "Sa uli muyi wa Israili, amane pele tomvwishishi zhintu izhi? ¹¹ Ncobeni, ncobeni, Ndaamba kuli ndiwe, tulakanana zhotuzhi, amane tulapa bumboni kujatikizha zhitwakabona, pele tovumini bumboni bwesu. ¹² Na kuti ndakwambila zhintu zhijatikizha nyika amane wabula kushoma, Ino mbutu mbunga washoma na kuti ndakwambila zhintu zhijatikizha julu? ¹³ Taaku naba omwe wakaya kujulu cita bo walo wakazwa kujulu-mwana muntu. ¹⁴ mbubona mbuli Musa mbwakasumpuka musoka munkanda, a mwana muntu mbubona awalo mbwelele kusumpulwa, ¹⁵ Nkwaamba kuti boonse bashoma muli nguwe babe abuumi butamani. ¹⁶ Obuya Leza mbwakayiyanda nyika, wakaipa mwanakwe shimuzhalwa alike, kwaamba kuti woonseushoma muli nguwe atafwidilili pesi abe abuumi butamani. ¹⁷ Aboobo Leza takatuma mwanakwe munyika kuti aze abeteke inyika, pesi kuti afutule nyika kwiinda muli nguwe. ¹⁸ Uyo ushoma muli nguwe tabetekwa, pesi uyo utashomi wabetekwa kale nkaambo tashomi mulizhina lya walo amane walo bo mwana Leza. ¹⁹ Aaka kakaambo ka lubeta: Mumuni washika munyika, amane bakanisha mushinzhe kwinda mumuni nkaambo milimo yalinga mibiabi. ²⁰ Uyo woonse ucita cibi tayandi mumuni, amane tabooli ku mumuni, kwaamba kuti milimo yakwe itazi antangala. ²¹ Aboobo uyo ucita ciluleme ulaza kumumuni kwamba kuti iboneke kabotu kuti milimo yakwe yacitwa muli Leza." ²² Nicakainda ici, Jesu abashiciya bakwe bakaya kunyika ya Judaya. okuya wakala kwa kaidi ambabo amane waali kubbizha. ²³ Ono awalo Johani waali kubbizha ku Aenon kufwafwi a Salim nkaambo okuya kwalinga maanzhi maanji. bantu baalinga kuza kuli nguwe amane baali kubbizhigwa. ²⁴ Awa Johani katana akubikwa muntolongo. ²⁵ Ono kwakabuka makani akukazhanya akati kabashiciya bamwi ba Johani amu Juda kujatikizha kusalazhanya. ²⁶ Bakaya kuli Johani akwaamba kuli nguwe, 'Rabbi, uyu waali andime kulubazu lumwi lwa mulonga wa Jodani, ujatikizha, amane boonse batokuya kuli nguwe." ²⁷ Jhani wakaingula, "Muntu takozhi kutambula cili coonse pesi bo kuti capegwa kuzwa mukati kajulu. ²⁸ Imwe nobeni mulakonzha kupa bumboni kuti dakaamba, 'shili ndime klistu,' pesi,' ndakatumwa kuli nguwe.' ²⁹ Nabwiinga nguwa shibwiinga. Pesi mweezhiina a shibwiinga, wimikana akumutelela, ulakondwa kapati nkaambo ka iwi lya shibwiinga. Nkaambo, ka ici, kukondwa kwangu kwazululila. ³⁰ Walo ulyelele kukomezhewa, pesi ime ndyelele kuceshegwa. ³¹ Uyo uzwa kujulu ulaindilila zhoonse. uyo uzwa anyika ngwanika amane ulabandika zhijatikizha nyika. uyo uzwa kujulu uli ajulu a zhoonse. ³² Ulapa bumboni kujatikizha zhakabona a zhakatelela, pesi kwina uvumina bumboni bwakwe. ³³ Uyo wakatambula bumboni bwakwe wazumizha kuti Leza ngwancobeni. ³⁴ Oyo walo Leza ngwakaluma ulabandika mazwi aa Leza. Nkaambo taayeleki muuya ngwapa. ³⁵ Taata ulayanda mwana amane wabika zhinyu zhoonse mumaanza akwe. ³⁶ Uyo ushoma mu mwana uli abuumi butamani, pesi uyo utamvwi mwana takaboni buumi, pesi bukali bwa Leza bulakala alinguwe."