1 Ono batumwa abashomi bakali mu Judeya bakanyumfwa ayi bamashi abolo bakatambula ijwi lya Leza. 2 Ciindi Petro nakashika ku Jerusalema, abo bambunga yabapalulwe bakamuwekela; 3 kabati, " ulasangana abasankwa batapalwilwe aulya ambabo!" 4 Ono Petro wakatalika kubapadulwela kabotu nkaambo koonse wakati, 5 "ndakapaila mudolopo lya Jopa. kumane ndakabona cilengano cikubbu kaciboola panshi,mbuli cisani cinene caloshewa kuvwa kujuiu mushibeela shone. cakaselukela alindime. 6 ndakacilanga akuciyeeyela. ndakabona banyama bamyeendo yone baanshi, bamwisokwe, bakalaba abayuni bauluka. 7 10 Mane ndakanyumfwa ijwi kaliti, "Petro nyamuka, ujaye akulya!" 8 Ndakati, "mwami, tabushi ubo nkaambo taakwe cibyaabi naaba citasalali ncindakabika mukanwa lyangu." 9 alimwi ijwi lyakaingwa kuzwa kujulu, "Ico Leza ncaasalazya utaambi ati tacisalali." Ici cakacitika shiindi shotatwe, kumane zhoonse zhakajoshegwa kujulu alimwi. 11 mpamunya awo kwakashika basankwa botatwe alimwi akwiima kumbele ang'anda mutwakaakubele; bakatumwa kuzwa ku ku Kaisaleya kuboola kuli ndime. 12 Muuya wakang'ambila kuti ndiye ababo alimwi kuti intaboni kwandana alimbabo. aba benzuma bali cisambomwe aumwi bakauka andime alimwi twakangila mung'anda yamusankwa uyo. 13 Wakatwambila mbuli mundakabona Mungelo kaimvwi mung'anda yakwe kati, 'tuma basankwa ka Jopa kwaamba bamuzyole Simoni witwa ati petro. 14 Ulakakwaambila majwi aankakakufutula-iwe abang'anda yako.' 15 16 mbundakatalikela kwaambaula kuli mbabo, Muuya Uusalala wakashika alimdime, mbuli mbucakacitika kumatalikelo. Ndakayeeya majwi aaLeza ngaakambile ati, 'Johani ncobeni wakamubbapatizha amaanzhi; ano nywebo mulabbapatizha a Muuya Uusalala.' 17 Ino naa Leza wakapa cipo mbuli mbwaakatupa nitwakashoma mu Mumwami Jesu Klistu, nakali nii, kwaamba ncikonzhi kuzumanana Leza?" 18 Nibakatelela zhintu izhi, bakaumuna, pesi wakalumbanya Leza akuti, "Leza waleta kubebo kwashibi akubazwamashi. 19 Ano aabo bakalanga akambo kamapenzhi akucitika akaambo ka Sitivini alayandilila kuya kushika ku Fonishi, Saipulasi aku Antiyoko, kaabamba majwi kuba Juda balike. 20 Ano bamwi basankwa bakazwa ku Saipulasi aku Sailini, bakashika kwa Antiyoko, akushimikila ba Giliki, makani mabotu aamwami Jesu. 21 Janza lya Mwami Leza lyakali ambabo; banji babo bakashoma akusandukila ku Mwimi Leza. 22 makani aya akashika kucikombelo camu Jerusalema, abalo bakatuma Bbanabbasi kuya kushika ku Antiyoki, 23 Nakashika akubona luse lwa Leza wakakomana wabayumya-yumya kukalilila muli Leza amyoyo yabo yoonse. 24 Kali musankwa mubotu uuzwile Muuya Uusalala alimwi a Lushomo, alimwi bantu banji bakamba bambungano ya Mwami. 25 kumane Bbanabbasi wakaya ku Tasusi kuyandaula Saulo. 26 Nakamuyana, wakamuzhola ku Antiyoki. kuswaangana, acikombelo akuyiisha bantu banji. Bashiciya bakaitwa ati ba kilistu ciindi cakusanguna mu Antiyoki. 27 Mumazuba ayo bamwi bashinshimi bakaza ku Jerusalema akuya ku Antiyoki. 28 umwi wabo, yazhina lya Agabusi, wakaima kusolelwa a Muuya Uusalala wakamba ati kulakaba inzala cishi coonse. Eci cakacitika ciindi Kuladiyasi kalela. 29 30 Aboobo kweelana angu zhabo, bashikwiiya bakatuma luyovwo kubashomi baku Judeya. Ici bakacicita, bakatuma malikubaalu Bbanabbasi a Saulo mbubakaatola.