¹ Keli ke dia di Nhordes sa ta ben, ki tenpu bus restu di gera ta divididu. ² Ago, N ta djunta tudu nason kontra Jiruzalen y sidadi ta ser presu. Kazas ta ser furtadu y mudjeris ta detadu kontra vontadi; metadi di sidadi ta lebadu pa kadia, mas restu di povu ka ta kabadu kual. ³ Ma Nhordes ta ben diklara gera kontra kes nason oras ke ta briga na dia di gera. ⁴ Na kel dia, ses pe ta para na munti di Olivera, kel ki ta fika dipos di Jiruzalen, pa orienti. Munti di Olivera ta divididu na meiu, na orienti ku osidenti, pa un grandi rubera y metadi di munti ta volta na direson norti y otu metadi na direson sul. ⁵ Nton, nhos ta kori rubera baxu, na meiu di munti di Nhordes, pamodi kes rubera ki ta fika na meiu kes munti ta bai ti Azal. Nhos ta fuji sima nhos fuji trimor di tera, na tenpu di Uzias, rei di Juda. Nton, Nhordes, nha Deus, ta ben, y tudu santu ta ben sta kual. ⁶ Na kel dia, ka ta ten lus; tanbe ka ta ten friu nen frieza. ⁷ Na kel dia, un dia ki so Nhordes konxi, nunka mas ka ta ten dia o noti, pamodi noti inda ta ben ser dia linpu. ⁸ Na kel dia, agu bibu ta disliza pa fora di Jiruzalen. Metadi des ta bai pa mar di orienti y metadi pa mar di osidenti, na veron y na invernu. ⁹ Nhordes ta ser Rei riba tudu tera. Na kel dia, ta ten Nhordes, uniku Deus, y so kela ke se nomi. ¹⁰ Tudu tera ta bira sima Araba, di Geba pa Rimon, sul di Jiruzalen. Jiruzalen ta limia un bes bai y E ta fika senpri na se lugar, di porta di Benjamin ti lugar undi ta fikaba prumeru porta, ti porta di Skina, y tori di Ananel ti ofisina di rei. ¹¹ Povu ta ben mora na Jiruzalen y nunka mas maldison ka ta ben di Deus kontra es. Jiruzalen ta vivi siguru. ¹² Keli é praga ki Nhordes ta ben ataka tudu povu ki briga kontra Israel: ses karni ta podrisi si kre es sta sakedu; ses odju ta podrisi na si kantu y ses lingua ta podrisi na ses boka. ¹³ Na kel dia, Deus ta poi konfuzon ki ta ben na ses meiu! Kada kenha ta pega na mon di se prosimu, kada un ta ranja briga ku se prosimu. ¹⁴ Juda tanbe ta briga kontra Jiruzalen. Es ta djunta rikeza di tudupovu ki fika na ses bera - oru, prata, ropa karu, na grandi kuantidadi. ¹⁵ Un praga tanbe ta panha, kabalu ku mula, kamelu ku jumentu, y tudu animal di kel kanpu ta sufri di mesmu praga. ¹⁶ Nton, tudu kes ki ka sai di kel nason ki labanta kontra Jiruzalen, ta subi tudu anu pa adora Rei, Nhordes di Izersitu, pa overza Festa di Tabernakulu. ¹⁷ Ta kontisi ki, si algen ka sai di kes nason di tera ka subi pa Jiruzalen a adora Rei, Nhordes di Izersitu, nton, Nhordes di Izersitu ka ta da-s txuba. ¹⁸ Si povu di Ijitu ka subi, nton, ka ta ten txuba. Un praga di Nhordes ta panta nason ki ka sabi pa Festa di Tabernakulu. ¹⁹ Kel-li ta ser kastigu pa Ijitu y kastigu pa tudu nason ki ka subi pa guarda Festa di Tabernákulu. ²⁰ Ma na kel dia, sinus di kabalu ta fla: "Nhos sipara pa Nhordes", y kes vazu na kaza di Nhordes ta bira sima basia dianti di altar. ²¹ Pamodi tudu panela na Jiruzalen y Juda ta ser siparadu pa Nhordes di Izersitu, y tudu algen ki traze sakrifisiu ta kume y ta kusia na es. Na kes dia, komersiantis ka ta izisti mas na Kaza di Nhordes di Izérsitu.