¹ Napenepo kalani watewezeri wamulungu, ninga wana wache wadadiwa, ² futi mufambe mucudana, ninga Mukristu adatida iye adazvipereca cuna ife, ninga nsembe futi nacubonerera nacudekedzesa Mulungu. ³ Pacati paimwe hapadicani culangwa ne zvahule, podi zvauyanga zvamangamanga zvipi zvazvo, ne cusinguirirana, ninga imwe wanhu wacuchena. ⁴ Futi cucumbuca zvinhu hazvina basa, naculanga kwauswilu cana cusinguirirana, izvo zvinezvi hazvitenderwi, apo zvirimuche cunamata. ⁵ Naculhyalo zvinezvi munakwanisa kwchadichadi nacuti hapana hule, cana munhu anuyanga, cana nyacusinguirira, nanyacuhula, munhu wenei ndiye ananamata zvitsazaniso, anona nhaca yaumambo hwaMukristu nahwa Mulungu. ⁶ Mbapa leke cuonekwa ancufulirani namasoco hanabasa nathangwe lacuda kwazvenezvi zvinhu, cunyangalirhwa kwaMulungu cudzauya pawana waculamba cubva. ⁷ nadyalo musafambisane nao. ⁸ Nacuti calepo mukakala mudima, apo ntchintchino madi pacungwerewera pana Changamire. Apo fambani ninga wana wali pacungwerewera, ⁹ (nathangwe musapho wapacungwerewera unadeca cajinji kense,culalama muchadichadi ), ¹⁰ muchiswaca basi zvinamudekedzera Changamire. ¹¹ musatsazane namabasa yamudiama apo zvirimuche cuyagwisa, ¹² nazvinhu zvinaitiwa naiwo munyacabisebise zvcunyadza apo zvinaita cuyerengwa. ¹³ Apo zvinhu zvense zvina panguiziwa padecha, nacungwerewera zvina swica pacuonakwa. ¹⁴ Nathangwe zvense zvinhu zvinaonekwa pacungwerewera :"Nazvinevzo zvinabvi phemhuca iwe nyacugona, phemhuca iwe nyacufa,Mukristu achabvenekera panaiwe." ¹⁵ Nazvino pano muchenjere cui ,munafamba tani, nkabe cuita ninga wadapusa, apo ninga wcuchenjera, ¹⁶ muchisewenzesa mungani yense, nathangwe nsicu zacunyangala. ¹⁷ nazvinevzi musakale maswilu, apo mubvesese nswanyi zvinada Changamire. ¹⁸ Futi lecani culedzera na harhwa, nathangwe penepo ndipo panaonekwa culeca cuzvihirinza. Apo nazvinezvi, dzalani namuzimu wacuchena, ¹⁹ mulangue cuna mubodzinamubodzi namapisalema, nanyumbo napenepo nyimbo yamuzimu. muyembe nadyalo munamate namoyo wanu wense cuna Changamire. ²⁰ Napenepo muchinamata Mulungu bambo pazvinhu zvense, mudzina la Changamire wathu Djesu Mukristu; ²¹ mukale pansi pamubodzi namubodzi muchithya Changamire Mukristu. ²² Imwe wacadzi, galani pansi pawamuna wanu ninga zvidaita imwe cuna Changamire. ²³ Nathangwe mamuna ndimusolo wamucadzi ninga Mukristu musolo wa nyumba yacunamatira, weneo muwiri wache, iwo ninga muponesi wao. ²⁴ nazvinopano, nyumba yacunamatira ichigala pansi paMristu, nazvezvombo wacadzi wanada cugala pansi pawamuna wawo pazvinhu zvense. ²⁵ Wamuna, idani wacadzi wanu ninga Mukristu adada nyumba yacunamatira futi adzvipereca nacuda kwache. ²⁶ Iye adita cuti ikale yacuchena, akaisambiza nacuisambiza namadzi napfala, ²⁷ nadyalo haiuisi cunaiye ninga nyumba yacunamtira nansimba, haina culemerera podi mucadzimbo podi chipi zvacho chidatsazana chinaphwatirhwa iye. ²⁸ Nanjira ibodziyo, wamuna wanadicana cuda wacadzi wawo ninga muwiri wawo chaiwo. Uyo anda mucadzi wache anazvida iye pachache. ²⁹ Nadyalo zvenezvo zvense, hapana munhu anzonda muwiri wache. apo anupasa chacudya futi anucya ninga Mukristu anacoyao nyumba yacunamatira, ³⁰ nathangwe tirimhandamhanda zamuwiri wache. ³¹ "Nacuda kwazvenezvi, mamuna achasiya bambo wache namai wache wagumaniziwa namucadzi wenewo wairiwo wachagala nyama ibodzi". ³² chineche ndicho chidafisica, apo ndiri culanga padzaulu pa Mukristu nanyumba yacunamatira. ³³ podi nadyalo mubodzinamubodzi wache niga zvidaita iye, futi futi mucadzimbo andicana cukpdza mamuna wache.