¹ Ndiricuda cuti muzdiwe njanyi nkondo iculu yangu ndiricuda cuita cuna imwe, wamu Laodiceiya nawense pawo hwandidziwi ine eka. ² Cuita cuti moyoyanu ikale yacubatana mucudana, naupfumi namuchobo wacubverana nacudziwa mMulungu wa Mukristu. ³ Iwo wada sankuliwa wense cuti cudziwa nacubverna. ⁴ Ndinacubvunzani imwe zvenezvi cuitira cuti paimwe adakala namasoco adabatana cumadzico. podi ine ndireke cukala pabodzi na imwe panyama, ⁵ podi muchikala mumuzimu ndinadekerhwa nacucuonani mulicupfansa nacutenda kwawa kristu. ⁶ Apo imwe mudatambira Mukristu, Changamire ali na imwe. ⁷ Muna mubodzi cuti adadonziwa na chadico, ninga iwo wapfunzisiwa cuwada namabasa futi nansisi. ⁸ Zvicoyeni cuti paleke cukala namoyo waccgodola analanga zvinhu cuti hazvina basa achibatira achibonerera mu Mukristu zvawanhu, wachitowera maitiro yamudzico nezva Mukristo; ⁹ Apo muna Mukristu nacuda kwamuwiri ulicuwoneca nacuda kwache pamberi pa Mulungu. ¹⁰ Iye ndimusolo unansimba ziri zense nacutendera ad toliwa nazense nsimba. ¹¹ nacuda kwaiye ada yeurhwa nkabe nacuyeurhwa nacuda kwamanza yawanhu nacuda kwacuchinja kwa nyama, apo nacuda kwacuyeuhwa nansimba ya Mukristu. ¹² Imwe muda musiwa na Iye mudadziwawo nacutenda namuzimu wa Mulungu cuti adamumusa pacati pawa cufa. ¹³ Panu mukadafa nacuponya kwanu culamba cuyeuhwa munyama yanu adacupasani cularama pabodzipene naiye, achitirekerera kwense cunyangazana kwathu:"( Manemberhwe enango acale cale wanauyisa: futi iye adalekerera zvense zvacuphonyeca zvathu.) ¹⁴ Iye adatilekereran zvense zvacunyangala zvakadalingana na ife mumu temo Yache. Iye adabudisa zvense izvi nacukomerhwa pamuchinjikwa. ¹⁵ Iye phwanya mitemo yacuculu na utongui, nacupanguiziwa pamhene pawajinji, acuhicunda pamucinjikwa. ¹⁶ Nappenepo hapa ana cutongani nazvacudya ne zvacumwa podi nathangwe la nsicu zaphwando ne za mwezi utswa ne thangwe la mugobela. ¹⁷ Zvense ndimubvuli wa zvinhu zviricumberi, ese pachadi chadi cha Mukristu. ¹⁸ Mbani cuti angacululiseni, muchibuda pacudzichesa miminamato zanguirozi. wanhu wajinji wacusewenzesa zvipanguizo wacudzicuza munzeru zapanyama. ¹⁹ futi habatsiri Mukristu ninga musolo. Ndinamusolo cuti wense muwiri, wense abataniziwa namitezo zvichiramba mucubatana, muchitambira cutesiwa muchicula nacuculisisa muchipiwa na Mulungu. ²⁰ Mawona cuti mafa pabodzipene na Mukristu nawena wamudzico thangwe mulicularama ninga wanhu wanango panoo pansi na Mulungu: ²¹ "Musabate, musa laire ne cukuya"? ²² Zvense izvi zvaculambiziwa .zvinengue zvichiwonekwa cuti hazvina basa zvinga pera cusewenzesiwa. ²³ Mutemo uyo udatsazana nawacudziwisisa na cuphwata cuita minamato yansimba cudzichesapesa pacuphwata nakaindi yacuchupha pacukodza muwiri. Ese hacuna ne chanyi zvacho ne mutiunzi pacupocana na zvinada nyama