¹ هِمیو که زه اول بی ، هِمیو که اِشنیدیم و وا با تیا خومون دیدیم ، هَمو که ایما بِس نیَشتیم ، و با دستها خومون لمسِس کِردیم ، یعنی کَلوم حیات ، هَمونه وه ایسا اعلام اِکُونیم. ² حیات اِوی وا دیاری ، ایما هونه دیدیم و وه هو شهادت اِدیم . ایما حیات جاویدانِ وه ایسا اعلام ایکنیم ، که وا با بوو بی و وه ایما ظاهر وابی . ³ ایما هر چه که دیدیم و اِشنیدیم وه ایسا اعلام ایکنیم تا ایسا هم وا با ایما رفاقت داشته بویین ؛ رفاقت ایما وا با بوو و کُرس عیسی مسیحِ . ⁴ ایما همیونه سی ایسا اِنویسیم تا شادی ایما کامل وابو. ⁵ یو پیغومی که زه هو اِشنیدیم و وه ایسا اعلام ایکنیم . خدا نور و هیچ تاریکی مِنِس نی . ⁶ اگر بًگویم وا با هم رفاقت داریم ، اُسو مِنه تاریکی اِتُرُکیم ، دُرو اِگُویم و وه راستی عمل نیکُنیم . ⁷ اما اگر مِنه نور بِتُرُکیم ، چُنوکه هو مِنه نور. وا با یکدیه رفاقت داریم و خین کُرهوعیسی ایمانه زه هر گناهی پاک ایکنه . ⁸ اگر بگوم بیگناهیم ، خومونه فریب دادیم و هیچ راستی منه ایما نی. ⁹ اما اگر وه گناهان خومون اعتراف کنیم ، هو که امین و عادله ، گناهان ایمانه ایبخشه و زه هر نادرستی پاکمون اکُنه . ¹⁰ اگر بگویم گناه نکردیم، هونه دروگو نشون ادیم و کلوم هو منه ایما جایی نداره .