¹ Neke Simon Petrus, hamba dan rasul Yesus Kristus, nihi ire sa haot narima iman sa sama nihi sa kami ampun nangkah kabujuran Allah dan Juru Salamat taka, Yesus Kristus. ² Kirae anugerah dan damai sajahtera penu bagiko ta huang pangalaman akan Allah dan Yesus, Tuhan taka. ( Ulun sa Deherau dan Depilih nihi Allah ) ³ Kuasa-E sa ilahi haot ngaanugerahkan nihi taka kaluhan inon bo sa berkenaan nihi welum dan kasalehan, nangkah pangarasa akan Aye sa haot nerau taka nganuju nihi kamuliyaan dan kamaehan-E ⁴ Nangkahe, Aye haot manganugerahkan nihi taka janji-janji-E sa tamam hante dan bauman supaya nihi janji-janji hio kayo iyut nugo bagian huang kailahian-E, dan tahindar neke karusakan sa terjadi ta dunia, sa deulah neke bamacam hawa nafsu. ⁵ De tujuan hio bausahalah nihi bujur-bujur de manambahkan imanko nihi kebajikan, kebajikan nihi pangarasa, ⁶ dan pangarasa nihi panguasaan tenga, dan panguasaan tenga nihi katabahan, katabahan nihi kasalehan, ⁷ kasalehan nihi kasih perpulosanai, kasih perpuloksanai nihi kasih sa bakoi mementingkan tengae kakarep. ⁸ Gana, jika kaluhan iti naan tahuang tengako dan tarus batambah-tambah, maka kayo bakoi mungkin manjari sia-sia atau bakoi bauwa huang pangarasa akan Tuhan taka, Yesus Kristus. ⁹ Akan tatapi, ulun sa bakoi iyut kakindi nihi jelas dan buta gana aye koi ingat bahwa aye haot derasihkan neke dosa-dosae sa lalu. ¹⁰ Oleh gana hio, puloknai-puloknaiki, bausahalah labih giat lagi de mamastikan bahwa kayo bujur-bujur deherau dan depilih; gana jaka kayo ngulahe, kayo bakoi akan lau. ¹¹ Gene sataruse, pintu gi huang karajaan kekal Tuhan dan Juru Salamat taka, Yesus Kristus, akan tabuka hante gikayo. ¹² Hiolah ganae, kuki bamaksud de satarus mangingatkanko akan kaluhan hal iti, sakalipun kayo haot karasae dan haot kanasele nihi tagap huang kabujur sa rahati kayo ampun. ¹³ Salama kuki masih welum huang kasugih duniawi iti, kuki mengangap perlu de ngajuju kayo nihi cara pakingatko, ¹⁴ gana kuki karasa bahwa kuki akan haot detutui gikuki nihi jelas oleh Tuhan taka, Kristus Yesus. ¹⁵ Dan, kuki akan bausaha nihi sagenap usahaki de ngulahko tatap mangingat kaluhane iti sahaot katilakanki. ( Saksi Mate Kamuliaan Kristus ) ¹⁶ Gana kami bakoi umba kisah-kisah sa dekarang nihi cerdik katika memperkenalkan gikayo kuasa dan kahawian Tuhan taka, Yesus Kristus, tatapi gana kami ayelah saksi-saksi mate akan kamuliaan-E. ¹⁷ Gana katika Yesus narima hormat dan kamuliaan neke Allah Ambah, saperti saat depander gieya-E neke Sa Mahamulia, "Itilah Anak-Ki sa Kikasihi, giaye-Elah Kuki bakenan," ¹⁸ kami pun ngarengei suara hio hawi neke surga katika kami sahayak-hayak nihi-E ta entu gunung suci. ¹⁹ Kami lei samakin deyakinkan nihi panderan nubuat, sa samaehe lei parhatikan nihi cermat, kalah mamparhatikan palita sa bacahaya ta uneng sa mieng, hampe kiat hawi dan bintang fajar terbit huang ahengko. ²⁰ Akan tatapi, hal tarutama sa harus kami pahami ayelah bahwa bakoi naan nubuat huang Kitab Suci sa baasal neke kiraan saulun marasia, ²¹ gana bakoi naan isa pun nubuat sa galampong neke pangakan marasia; sabalike, ulun-ulun bapander atas aran Allah badasarkan pimpinan Roh Kudus.