¹ Demikian lei, pas kuki hawi gi kayo, pulaksanai-pulaksanai, kuki bakoi hawi nihi panderan-panderan sa segah atau nihi hikmat de nampe kesaksian Allah gi kayo. ² awi kuki halt mamutuskan de bakoi ngarasa inon-inon the penah kayo selain Yesus Kristus, yehio Aye sa nasalibkan. ³ Kuki gin haot hawi gi kayo huang kalemean, nihi sameh tamam takut nihi gentar. ⁴ Baik panderan kuki maupun pemberitaan ki bakoi na tampe ki nihi panderan-panderan hikmat sa meyakinkan, tetapi nihi keyakinan akan kekuatan Roh. ⁵ supaya iman kayo ada bagantung nihi hikmat marasia, tapi nihi kekuatan Allah. ⁶ Bujurpun sameh hio kami nampe hikmat te kalangan hire sa haot mihak, ayehio hikmat sa lain teke dunia iti, nihi sa lain teke penguasa-penguasa dunia iti, ayehio penguasa-penguasa sa sagar napajaoh. ⁷ tetapi sa nabaritakan kami ayelah hikmat Allah sa tasambunyi nihi rahasia, sa semete dunia naulah, haot nasediakan Allah bagi kemuliaan takam. ⁸ bakoi naan teke penguasa dunia iti sa kataru aye, awi amun sakira e hire kataru aye, hire bakoi menyalibkan Tuhan sa mulia. ⁹ tetapi sameh naan tatulis: " inon sa bakoi piji na indi mate, nihi narengei awi silu, nihi sa bakoi piji timbul huang atei marasia : uras sa na sediakan Allah gi hire sa mengasihi Aye." ¹⁰ Awi gi takam Allah haot menyatakan e awi Roh, sebab Roh manyalidiki uras e, bahkan hal-hal sa tasambunyi huang diri Allah. ¹¹ hiye gerangan ta penah marasia sa karasa, inon sa naan huang diri marasia selain roh marasia kakerai sa naan te huang aye? demikian lei bakoi naan ulun sa karasa, inon sa tadapat huang diri Allah selain Roh Allah. ¹² Takam bakoi nerime roh dunia, tetapi roh sa berasal teke Allah, supaya takam karasa, inon sa nakaruniakan Allah gi takam. ¹³ awi kami menafsirkan hal-hal rohani gi hire sa naan ampun Roh, kami bapander-pander tentang karunia Allah nihi perkataan sa bakoi naajarkan gi kami oleh hikmat marasia, tetapi oleh Roh. ¹⁴ tetapi marasia duniawi bakoi nerime inon sa berasal teke Roh Allah, awi hal hio bagi e ayelah suatu kabungulan; nihi aye bakoi iyuh memahami e, sebab hal hio ekat tau nanilai secara rohani. ¹⁵ tetapi marasia rohani menilai uras sesuatu, tetapi aye kakerai bakoi denilai oleh ulun lain. ¹⁶ sebab: " hiye sa karasa pikiran Tuhan, sehingga aye tau menasehati Aye?" Tapi kami basimoh pikiran Kristus.