¹ Kemudian, Yesus ngitai ke duo belas murid- Ne lalu ngumi reo kuasa dan otoritas ba ombo roh-roh daat, dan lou agin meradu penyakit. ² Ise ngutus reo agin ngewara tentang Kerajaan Allah dan mekulekne. ³ Ontuh -Ne ampe reo, "Ai moit nonepun suakng pengalatnko, aimoit tongkat, tas, roti, duit, atau bahkan rueh lambar baju. ⁴ Pe;lowu bone pun se iko sinop, duloilah baindo ampe iko tulak ante wadah sio. ⁵ Bagi reo sedoho kakatn nerima iko, ikehka kota sio dan kebas deh dabu ante pooko sebagai peringatan terhadap reo." ⁶ Kemudian tulak lah para rasul dan ngeliling pe jaa-jaa sambil nguwara Injil dan meradu ulutn-ulutn seberototn ba one-one. Kebingungan Herodes tentang Yesus ⁷ Herodes, sang raja wilayah, kerongoi tentang deo hal se pentukng terjadi dan ise mehet bingung koe sesenukulutn ngontuh bahwa Yohanes Penbaptis ukah mongket ante ulutn mate, ⁸ Pentukng selait montuh bahwa Elia ukah timbul gane dan naan lou semontuh bahwa erai kulutn ante para nabi se wolupm ba zanan sio aut mongket. ⁹ Herodes montuh "Aku ukah notok utok Yohanes. Jari, isekah ulutn se tentang Ise aku rongoi kabar se semayo ?" Moko,Herodes mehet kakatn agin kawokng Yesus. Pengokatn agin dimo ribu kulutn ¹⁰ Lau para rasul mulek, reo ngisah ampe Yesus tentang segala sesuatu se ukah reogawi dan Ise moit reo agin ngenderai ba erai kota bengaratn Betsaida. ¹¹ Akan tetapi, ulutn deo tau hal sio dan reo pun nyirik Ise. Moko, sambil nyambut reo, Yesus bapander ampe reo tentang Kerajaan Allah dan lou reo se perlu radu ¹² Lauo andro anta malopm, ke duo belas murid Yesus awi ampe Ise dan ngontuh "Sunyu deh ulutn-ulutn sio tulak pe jaa-jaa dan desa ba sekitar bio agin meto wadah nginap dan pengokatn koe ba itu taapm naan ba wadah se oro." ¹³ akan tetapi, Yesusnngontuh ampe reo, "Ikolah se ngumi reo kuman." Jawab murid-murid-Ne, "Kaitn hanya naan dimo roti dan rueh esa, kecuali ena kaitn tulak moli pengokatn agin gawis ulutn ba iyo." ¹⁴ Ba iyo naan sekitar dimo ribu ulutn upo. Yesus ngontuh ampe murid-murid-Ne "Sunyu deh reo tungoh secara berkelompok, kira-kira dimo puluh kulutn perkelompok." ¹⁵ Moko, reo pun gawi sesuai ali se Yesus printah dan nyuyu gawis ulutn ba iyo tungoh. ¹⁶ Lalu Yesus ngepo dimo roti dan rueh esa sio, dongas pe langit, memberkati ne, membagi-bagi ne, danngumine ampe para murid supaya reo ngumi ampe ulutn deo. ¹⁷ Dan, reo gawis kuman ampe wosikng. Kemudian, sisa-sisa potongan roti se wa kumpul naan duo belas keranjakng ponu. Petrus mengakui Yesus sesio Kristus ¹⁸ Suatu kali, lauYesus pentukng bedoa erai kulutnka, murid-murid-Ne naan baya ali Ise. Lalu Ise mondrk ampe reo, "Isekah Aku situ menurut ulutn deo?" ¹⁹ Jawab reo, "Yohanes pembaptis, se laitn ngontuh Elia, dan se laitn mao montuh Iko sesio erai ba ante nabi-nabi ba zaman ponoh se mongket mulek." ²⁰ Kemudian, Yesus montuh ampe reo, "Namun, menurut iko, isekah Aku?" Jawab Petrus, "Iko adalah kristus ante Allah." ²¹ Akan tetapi,Yesus memperingati reo ali keras danmemerintah reo agin doho ngumitau ise pun tentang hal sio. Yesus ngumitau ke pateatn ise ²² Kemudian Yesus montuh, "Anak Mirisia harus menderita deo hal dan wa tolak koe tuo-tuo, imam-imam kepala, dan ahli-ahli Taurat, lalu wabunu dan akan watebot ba ondro se ketolu." ²³ Yesus montuh ampe reo awis, "Jaka eraikulunt kakant baya aku ise harus menyangkal ompune saurang alu memikul salibne tiap ondro, ali baya Aku. ²⁴ Ena, menyelamatkan nyawaneanta wawai nyawane. Anta leka isepun kewawai nyawane koe Aku, ise anta menyelamatkanne. ²⁵ Nonekah untungne jaka eraikukulutn kahalu awis denia,leka mate atau kewawaian nyawane saurang? ²⁶ AMpe ulutn se kinap mai koe Aku ali pengontuhan-Ku, Anak mersia pun akan mai mengakui ulun situ pas ISe awi suakng kemuliaan-Ne ali kemuliaan Uma-Ne, beserta para malikat kudus. ²⁷ Aku ngontuhkan se sesungguhne ampe iko, naatn sesnu ulutn ba rokakng iko se sekondrokng ba ina se doho akatn mate sebelupm kotaui Kerajaan Allah ta Alla Yesus sesama Musa ali Elia. ²⁸ Kira-kira, 8 ondro ukah Yesus mehampe pengajaran- Ne sio, Ise moit Petrus, Yohanes, dan Yakobus mongket gunung agin bedoa. ²⁹ Lau Yesus pentukng bedoa, nau wae-Ne berubah danpakaian-Ne jari Ura metarakng. ³⁰ Kemudian, otaulah rueg kulutn sepentukng bapander ali Ise. Kerueh kulutn sio adalah Musa baya Elia, ³¹ Se mekinda ompune suakng kemulian dan bapander tentangmatene Yesus se anta sinang wa genapi ba Yerusalem ³² Ba waktu sio, Petrus dan kawatn-kawatnne pentukng wa kuasai koe nanam ngantuk se boyat, tapi lau reo bujur-bujur sadar, reo kotau kemulian Yesus dan rueh kulutn se sekondrokng sama-sama ali Ise. ³³ Lau Musa dan Eliaanta ngikeh Yesus, Petrus montuh, "Guru, maeh lah taapm tatap baitu. Kaitn akan mulah tolu kemah, erai agin Uko, erain gin Musa, dan erai gin Elia." Akan tetapi, Petrus doho menyadari none se wa ontuhne sio. ³⁴ Lau Petrus pentukng ngontuh hal sio, awilah awan menaungi reo hingga Petrus, Yohanes, dan Yakobus jari takut lau reo sinop pe awan sio. ³⁵ Kemudian, kerongoilah nain ante awan sio, "Itulah Anak-Ku, Iselah se Aku pili, Rongoi deh Ise." ³⁶ Ukah nain sio radu, Yesus naan erai kulutn ka ise.Reo merahasiakan ne dan doho ngumitau erai kulutn pun ba ondro-ondro sio tentang none se ukah reo otau. Erai kulutn anak upo wa bebas ante roh daat ³⁷ Ba ondro dilone, lau reo mange ante gunung, serombongan olai ulutn deo awi ampe Yesus. ³⁸ Erai kulutn ante ulutn deo sio menain, "Guru, akumohon ampe Iko, pindako anakku koe ise adalah anakku erai-eraine. ³⁹ Pinda deh, naan roh se nguasai ise, dan tiba-tiba ise ngesiak. Roh sio ngunyakng-ngunyakng ise hingga wawane ngubusa, roh sio tarus nemanang ise dan doho kakatn ngikeh ise. ⁴⁰ Aku ukahmemohon ampe murid-murid-Ko agin burune, tapi reo doho kate gawine." ⁴¹ Jawab Yesus, "Hai, iko generasi se dohopercaya dan sesat! Kekusakng one Aku mao harus duloi baya iko dan ba sabar pe iko? Oit deh anakko sio pe itu." ⁴² Lau anak sio pentukng riet ampe Yesus, roh daat sio membanting ise pe tana dan gunyakng-gunyang ise. Akan tetapi, Yesus ngemara roh najis sio, meradu anak upo sio, lalu mekulek ise ampe umane. Yesus bapander matene Ise ⁴³ Gawis ulutn kima takjub koe kuasa Allah, tapi lau reo kia heran ampe gawis hal se gawi Yesus, Ise ngontuh ampe murid-murid-Ne, ⁴⁴ "Rongoi deh pengontuh situ maeh-maeh: Anak Mirisia anta waserah pekayakng mirisia." ⁴⁵ Akan tetapi, Para murid doho memahami maksud pengontuh sio, dan hal sio wa sunyok pe reo hingga reo doho halu memahamine, Namun, reo takut mondrik ampe Yesus mengenai arti pengontuh sio. Isekah se terutama? ⁴⁶ Lau erai pertengkaran terjadi ba antara murid-murid Yesus mengenai ise se terutama ba antara reo. ⁴⁷ Akan tetapi, Yesus mengetahui pikiran sengo reo, lalu Ise ngepo erai kulutn anak pea seidik dan ngoit ise sekondrokng ba samping Ise. ⁴⁸ Lalu, Ise ngontuh ampe murid-murid, "Setiap ulutn se nerima anak pea situ suakng ngaratn-Ku, Ise nerima Aku. Dan, ise pun se nerima Aku, ise lou nerima Ise se ngutus Aku. Koe, se paling hina ba antara iko, ise lah se terutama." Pihak sesama ⁴⁹ Yohanes menjawab Ise montuh, "Guru, kaitn kotau erai kulutn ngusir roh daat suakng ngaratn-Ko dan kaitn berusaha meradu ise koeise doho tamasuk kelompok taapm." ⁵⁰ Akan tetapi, Yesusungontuh ampe ise, "Ai mensindroi ise koe ise pun sedoho ngelawatn iko, ise memihakiko." Yesus wa tolak ba Samaria ⁵¹ Waktune semakin riet gin Yesus wa pekombo, Ise meneguh kan sengo agin tulakpe Yerusalem. ⁵² Ise nyuyu sesenu utusan nyempono Ise. Lalu, utusan-utusan siopun tulak dan sinop pe erai jaa ba daerah Samaria agin mrenyiapkan segala sesuatu gin Ise. ⁵³ Akan tetapi, ulutn-ulutn ba iyo doho nerima Yesus koe Ise pentukng nawe kota Yerusalem. ⁵⁴ Laumurid-murid Yesus, sesio Yakobus dan Yohanes, kotau hal situ, reo montuh, "Tuhan,nonekah iko naankenakatn kaitn agin memerintah apui mange anye langit dan me opokng reo?" ⁵⁵ Akan tetapi, Yesus ngilap pebelakang nan nagur reo ⁵⁶ Lalu, Yesusbaya murid murid-Ne tulak ampe jaa se laitn. Tantangan bagi pengikut Yesus ⁵⁷ Lau reo pentukng suakng pengalatn, naan erai kulutn montuh ampe Yesus, "Aku akan baya iko pe one pun iko tulak." ⁵⁸ Yesuspun montuh ampe ise, "Rubah naan luakng agin duloi dan pempulu-pempulu ba udara naan sarangne. Akan yetapi, Anak Mirisia dohonaan wadah agin istirahat." ⁵⁹ Yesus ngontuh ampe eraikulutn selaitn, "Sirikdeh Aku!" Akan tetapi, ulutn sio montuh, "Tuhan,izin aku tulak dan ngelowokng umaku lebih ponoh." ⁶⁰ Akan tetapi, Yesus montuh ampe ise, 'biar deh ulutn mate ngelowokng ulutn mate reo, tapiiko harus tulak dan membritakan tentang Kerajaan Allah." ⁶¹ Dan, naan erai kulutn mao montuh, "Aku akan nyirik Iko, Tuhan, tapi izinkan aku permisi dile ali keluargaku." ⁶² Yesus ngontuh ampe ise, "Doho naan eraikulutn pun se ukah ngandak kayakngne ba bajak, tapi kia ngilap ampe belakang, sepantas bagi Kerajaan Allah."