Pengitai agin penyala mirisia ¹ B a niin dilo, ulutn deo bekumpul ba selimpakng Ise agin ngerongoi Firman Allah. Lau sio Yesus sekondrokng ba pinggir danau Genesaret, ² dan minda rueh perahu se pentukng basandar ba pinggir danau sio, tapi bubuhatn pengrungkup esa ukah pe kual ante perahu sio dan pentukng bui jala reo. ³ Yesus mongket erai ante perahu, sesio kenaan Simon, dan nyuyu Simon agin nganyuh perahune didik oro ante darat. Ukah sio, Yesus tungoh dan ngajar ulutn deo ante mundatn perahu. ⁴ Pas ukah sundro, Yesus montuh ampe Simon, "Tulak lah pe wadah ranu selonsob dan tmbai jala ko agin ngerungkup esa." ⁵ Simon menjawab, "Guru, kaitn begawi behimat erai malopm,tapi doho kahalu none-one! Sio leka ne, koe Iko se nyunyu, aku nimbai jala situ." ⁶ Dan, lau reo gawine, reo ngerungkup deo beta esa hingga jala reo mulai rihat. ⁷ Lalu, reo ngumi isyarat ampe kawatn-kawatn reo ba perahu se laitn agin awi dan ngawat reo. Ukah sio, awilah kawatn kawatn reo dan ngatok ke rueh perahu sio ali esa hingga perahu reo mani lotokng. ⁸ Pentukng Simon Petrus katau hal sio, ise sujud ba hadapatn Yesus dan montuh, "Tulak lah ante Aku, Tuan, sebab aku sesio ulutn bedosa!" ⁹ Petrus montuh sara sio sebab ise dan ulutn deo sebaya ise kima takjub koe deone esa sereo rungkup. ¹⁰ Sarayo lou ali Yakobus dan Yohanes, anak Zebedeus, se bekawatn ali Simon. Yesus montuh ampe Simon, Mulai keletu, iko jari penjala mirisia." ¹¹ Pas reo nentekng perahu-perahu reo pe darat, reo ngikeh segala ne dan nyirik Yesus. Ulutn se mekopm wa pradu. ¹² Ba sori ondro, Yesus naan ba kota sio, naan erai kulutn kompune ponu kusta. Lau ulutn sio kotau Yesus, ise sujud ampe wae ne kono tana ise baharap ampe Ise, "Tuan, ena Iko kakatn, Iko kate meradu aku. ¹³ Lalu, Yesus mengulur kayakng-Ne dan japai ulutn sio. Ontuh-Ne , "Aku kakatn , jarilah radu." pentukng sio lou, rototn ulutn sio wawai. ¹⁴ Tapi, Yesus nyunyu ulutn sio agin doho ngumitau ampe isepun dan montuh, "Tulak dan petendre kompu ko ampe imam. Persembahkan kurban koe iko radu sara se ukah wa suyu koe Musa sebagai bukti gin reo." ¹⁵ Kabar tentang Yesus mikn tesebar hingga deo ulutn awsi bekumpul agin ngerongoi Ise dan wa peradu ante rototn reo. ¹⁶ Leka, Yesus jule sensorop ampe wadah suni agin bedoa. Ulutn selumpuh wa peradu ¹⁷ Ba sori ondro, lau Yesus pentukng ngajar, ulutn-ulutn Farisi da ahli taurat se awi ante deo kota ba wilayah Galilea,Yudea dan klota Yerusalem lou tungoh ba indo. Dan, KuasaTuhan menyertaiYesus sehinggaIse kahalu nawas ulutn ratuh. ¹⁸ Lalu timbul sesenu kulutn mikul erai kulutn lumpuh ba ombo wadah turuine, dan reo berusaha moit ise sinop dan ngandak ulutn sio ba hadapan Yesus. ¹⁹ Koe sio lekane, koe reo doho kawokng lalatn agin moit ulutn sio sinop akibat kerumunan ulutn, mongketlah reo pe ombo sapo dan mekange ulutn lumpuh sio baya ali wadah turuineba kewukng-kewukng pono wae Yesus. ²⁰ Pas, kotau iman reo, Yesus montuh, "Hai erai untukng, dosa ko ukah wa ampuni." ²¹ Ahli-ahli Taurat dan ulutn-ulutn Farisi mulai mondrik, "Sebone ulutn se nguhujat Allah situ? Sebone se halu ngampuni dosa-dosa kecuali Allah ka?" ²² Lau Yesus tau pikiratn reo, Ise ngontuh, "Kenone iko mihirik sara siyo suakng sengo ko? ²³ Bone se lebih murah, montuhne 'dosa-dosa ko ikah wa ampuni' atau ' Kuat dan malatnlah? ²⁴ Koe leka sio,apan iko tau bahwa Anak Mirisia bekuasa ba bumi agin ngampuni dosa," Yesus montuh ampe ulutn se lumpuh sio, "Aku montuh ampe iko: Kuat tebot wadah penturuiko dan bulika. "" ²⁵ Pentukng sio lou,lulutn siolangsukng sekondrokng ba muka ulutn deo dan ngepo wadahne umbis, lalu malatn mbuli sanbil memuji Allah. ²⁶ Ulutn deo sio kima takjub dan memuji Allah. Ali wapenuhi nanam takut se olai ampe kuasa Allah, reo montuh, "Ondro itu kaitn kotau hal-hal se luar biasa!" Lewi nyirik Yesus ²⁷ Ukah sio, Yesuspekual dan kotau erai kulutn pengumpul pajak bengaratn Lewi se pentukng tungoh ba wadah pemungut pajak. Yesusmontuh ampe ise, "Baya Aku." Moko Lewi pun sekondrokng ngikeh reo dan nyirik Yesus. ²⁹ Lalu, ise mulah pesta olai agin Yesus ba lowune. Deo pengumpulpajak dan ulutn-ulutn laitn se kuman baya reo. ³⁰ Akan tetapi, ulutn-ulutn Farisi dan ahli-ahli Taurat mulai gerunum ampe murid-murid Yesus, "Kenone iko kuman dan minum baya ulutn pengumpul pajak dan ulutn-ulutn bedosa?" ³¹ Yesus menjawab dan ngontuh ampe reo, "Doho ulutn sehat seperlu tabib, tapi ulutn -ulutn berototn. ³² Aku awi doho agin ngtai ulutn se bujur, tapi agin ngitai ulutn-ulutn sebedosa supaya reo betobat." Ulutn Farisi membanding Murid Yohanes dan Yesus ³³ Reo sundro ali Yesus, "Murid-murid Yohanes Pembaptis jule puasa dan berdoa, sarayo lou murid-murid ulutn Farisi. Akan tetapi, murid-murid-Ko selalu kuman dan minum." ³⁴ Yesus montuh ampe reo, "Kahalukah iko nyunyu ulutn pengiring penganten upoi agin berpuasa waktu penganten upo sio kia baya ali reo? ³⁵ Ena ondro-ondro sio anta awi, lau penganten upo sio wa epoi ante reo, dan ba ondro-ondro siolah reokakatn puasa." ³⁶ Yesus lou ngisah perumpamaan sio ampe reo, "Beloh erai kulutn pun kakatn ngirinsis kain ante pakaian se wau agin nambal pakaian se aut usakng. Koe ena samayo, ulutn sio kakatn ngerusak pakaian se wau, dan kain penambal ante pakaian se wausio doho cocok ali pakaiaan se usakng. ³⁷ Samayo lou doho naan erai kulutn pun se nginsik anggur wau pe suakng kantong kulit se usakng. Anggur sewau sio kakatn ngirihat kantong kulit se usakng hingga anggur sio tendruak dan kantong kulitne kakatn hansur. ³⁸ Anggur sewau harus wa tayu ba suakng kantong kulit se wau. ³⁹ Doho erai kulutnpun se ukah minum anggur usakng, kakatn minum anggur wau sebab reo montuh, 'Anggur se usakng sio lebih nyaman.""