Sensus ali pengawi Yesus Kristus ¹ Ba waktu iyo, Kaisar Agustus nungkual perintah anta wa adakan sensus agin ulutn deo ulep dunia. ² Situlah ulutn sepertama kali wa adakan lau Kirenius jari gubernur ba Siria. ³ Moko, ulutn deo mulek pe kota asal reo masing-masing agin mendaftar diri. ⁴ Yusuf lou ngikeh Nasaret, Kota Galilea, dan pe Yudea, pe kota Daud se wa ontuh Betlehem, koe ise berasal ante garis keturunan Daud, ⁵ supaya ise wadaftar baya ali Maria, tunanganne, sepentukng sewuntukng. ⁶ Lau Yusuf dan Maria naan ba Betlehem, ampelah waktune gin Maria mekuh. ⁷ Maria mekuh Anak upo sepuga. Ise membukus Ise ali kain lampin dan mekumbis Ise ba suakng palungan koe beloh kamar agin reo nginap. Para Gembala kotau Bayi Yesus ⁸ Ba daerah se sama, naan sesenu gembala setekikeh ba padakng agin jaga kawanan domba reo ba waktu malopm. ⁹ Tiba-tiba malaikat Tuhan sekondrokng ba hadapatn reo dan kemulian Tuhan matarakng ba sekeliling reo hingga reo kima takut. ¹⁰ Akan tetapi, malaikat sio montuh ampe reo, "Ai takut sebab rongoilah, Aku ngumitau ampe ikopm kabar maeh sukacita olai se wa peruntuk agin deo ulutn. ¹¹ Ba ondro itu ukah mekuh aginko erai kulutn juru Selamat, sesio Kristus Allah taala ba kota Daud. ¹² Situlah tanda agin uko: Ikopm akan kawokng enja sewabungkus ali kain lampin dan wa pekumbis basuakng palungan." ¹³ Ti a-tiba otaulah sama-sama malaikat situ tukumpul olai tentara surgawi se memuji Allah taala dan montuh, ¹⁴ Ukah iyo Allah taala ba wadah se sangat ombo dan damai sejahtera ba alam basuakng ulutn se berkenan ampe Ise." ¹⁵ Ketika para malaikat ngikeh para gembala situ dan mulek ampe surga, para gembala situ montuh erai ampe selaitn, "Ayu taapm pe Betlehem agin minda hal-hal se ukah terjadi sio, Allah taala ngumi tau ampe taapm." ¹⁶ Lalu, reo sinang-sinang tulak dan nengkawokng Maria dan Yusuf, serta enja sewapekumbis ba palungan ¹⁷ Ketrika para genbala kotau Ise, reo ngisah ne pengontuh se ukah waontuh ampe reotentang anak sio. ¹⁸ Dan, deo ulutn se kerongoiu hal sio mihinga koe hal se wa onrtuh paa gembala ampe taapm. ¹⁹ Akan tetapi, Maria nanyu hal sio dan ngerenung suakng sengone. ²⁰ Lalu, para genbala mulek ampe domb a-domba reo sambil memuliakan dan memuji Allah deo se ukah reo pinda dan rongoi sara se wa ontuh ampe reo. ²¹ Dan, ukah ganap delapan ondro agin nyunat enja sio, ngaratnne wa ontuh Yesus, sara ngaratn se wa umi koe malaikat sebalupm Ise suakng untukng. Enja Yesus wa oit pe Bait Allah ²² Lau ondro-ondro pembersihan seauai Hukum Musa ukah usai, Maria dan Yusuf moit Yesus pe Yerusalem agin nyerah Ise ampe Tuhan, ²³ Sara se tertulis suakng hukum Tuhan, "Setiap anak upo sulung harus wa kuduskan bagi Allah taala ²⁴ dan agin ngumi persembahan sesuai ali none se wa ontuh suakng hukum Allah taala, sesio sepasang pempulu dara atau rueh kukui pempulu merpati pea." Simeon dan Hana kotau Yesus ²⁵ Naan erai kulutn upo bangaratn Simeon se duloi ba Yerusalem. Ise adalah ulutn se bujur dan saleh, se ngandre penghiburan Allah taala ba ombo Israel, dan roh kasih menyertaine. ²⁶ Roh barasih ngumitau bahwa ise doho akan mate sebalupm kotau Kristus se waurapi Tuhan. ²⁷ Lalu, Sieon awi pe Bait Allah atas tuntunan Roh Kudus,Lau Yusuf dan Maria mioit enja Yesus pe Bait Allah agin melaksana ampe Ise none se ukah watentukan koe hukum taurat. ²⁸ Kemudian Simeon ngedong enja sio dan memuji Allah' ontruhne, ²⁹ "Keletu, Ya Tuhan, kirane iko ngizinkan pelayan -Ko sio tulak suajkngdamai, seuai ali Firman-Ko; ³⁰ Sebab matoku uakah kotau keselamatan-Ko, ³¹ Se ukah Iko sedia bahadapan seluruh bangsa; |v 32 Sesio tarang se nerawa bangsa-bangsa se dohommengenal Tuhan, dan se jarikemulian ampe umat- Ko, Israel." ³³ Yusuf dan ine anak sio jari heran none se wa ontuh Simen Tentang Ise. ³⁴ Kemudian,Simeon memberkati reo dan dan montuh ampe Maria, ine Yesus, "Rongoi anak situ ukah wa tetapkan agin melatu dan membangkit deo ulutn ba Israel, baya tanda se wa tantakng deoulutn. ³⁵ (Dan, erai wila pedang se anta nonjuk ompu ko) supaya atok sengodeo ulutn akan wa nyata .' ³⁶ Ba indo lou naan ulutn nabiah bangaratn Hana, anak Fanuel ante suku Asyer. Ise aut tuo. Ise wolupm baya haraune kekusakng turu taotn se ukah maharau, ³⁷ dan kemudian jari janda ampe usia 84 taotn. Ise doho suah ngikeh Bait Allah, tapi baibadah konro dan malopm ali berpuasa dan berdoa. ³⁸ Ba waKtu sio, awilah hana dan ise mengucap syukur ampe Allah serta ngisah tentang yesus ampe deo ulutn se ngandre penebusan Yerusalem. Yusuf dan Maria mbuli pe Nazaret ³⁹ Ukah Yusuf dan maria gawi sesuai hukum Tubhan, reo mbuli pe galilea, pe kota asal reo, sesio Nazaret. ⁴⁰ Anak sio tumbu semakin olai, kuat, ponuali hikmat, dan Allah memberkati Ise. Yesus ba Bait allah ⁴¹ Setiap taotn, ulutn tuo Yesus tulak pe Yerusalem baondro Raya Paskah. ⁴² Lau Yesus be umur duo belas taotn, reo tulak ampe indo sesuai kebiasaan ondro Raya sio. ⁴³ ukah perayaan sio ukah, reo mbuli. Tapi Yesus tatap duloi ba Yerusalem doho setau ulutn tuo-Ne. ⁴⁴ Ulutn tuo Yesus ngira bahwa Ise naan ba antara rombongan, reo ngelanjut pengalatn ampe erai ondro. Laku reo mulai meti Ise ba antara keluarga dan ulutn-ulutn se reo kenal. ⁴⁵ Kima reo beloh kawokng Yesus, reo mulek pe yerusalem gin meto Ise. ⁴⁶ Ukah tolu ondro, reo kawokng Yesus ba Bait Allah pentukng tungoh ba antara guru=guru agama, sambil ngerongoi dan ngaju pertanyaan ampe reo. ⁴⁷ Ulutn deo se ngerongoi Ise terharatn-heratn akan pengetau dan jawaban-jawaban Ne. ⁴⁸ Lau ulutn tuo-Ne kotau Ise, reo lou heratn. Lalu, Ine-Ne mondrik, "Nak, kenone Iko ngelakukan situ ampe kaitn? Uma-Ko dan aku cemas beta meto-Iko. ⁴⁹ Jaweab yesus ampe reo, "None iko meto Aku? Doho tau eh iko bahwa Aku naan ba lowu Uma-Ku? ⁵⁰ Akan tetapi,reo doho mengerti none se wa ontuh-Ne ampe reo ⁵¹ Lalu, Yesus nbuli baya reo pe Nazaret baya reo. Namun INe-Ne nayu pengonrtuh sio suakng sengone. ⁵² Yesus pun bertumbuh semakin olaidan semakin bijaksana. Ise lou wa sukai Allah danmirisia.