¹ Hiro, iko mate suakng pelanggarant-pelanggarant ali dosa-dosa ko, ² se mana ampe waktu situ iko malatn nyirik lalatn denia, nyirik penguasa kerajaan riwut, roh se keletu begawi ba rokakng anak-anak se doho taat. ³ Ba rokakng reo, taapm hirone gawis lou wolupm suakng nafsu kedagingan taapm, memuaskan kenakatn daging ali pikiran taapm, taapm ba dasarne siolah anak-anak durhaka, sama sara meresia lainne. ⁴ Kakant leka, Allah ta ala, se sugih ali belas penuasi ali koe tuasi-Ne se olai Ise metuasi taapm, ⁵ bahkan pas taapm suakng pelanggarant-pelanggarant taapm, Ise membolupmkan taamp sesama ali Kristus koe anugerah iko ukah wa selamatkan, ⁶ dan Ise membangkitkan taapm ali Ise dan menungohkant taamp sesama ali Ise ba penduloi surgawi suakng Yesus Kristus, ⁷ supaya ampe masa se akan awi, Ise bulih menunjukan pesugihan-Ne se doho terukur suakng kemaehan-Ne ampe taapm suakng Yesus Kristus. ⁸ Moko, koe anugerah iko wa selamatkan nyendalo iman ali sina doho na tanjak iko saurangk, tapi karunia Allah ta ala, ⁹ doho hasil usaha ko, supaya doho naatn erai kulunt pun se menyombongkan diri. ¹⁰ Taapm sina ulahan Allah ta ala, wa ciptakan suakng Yesus Kristus agint menggawi gawian maeh se wa persiapkan Allah ta ala sebalupm ne supaya taapm halu wolup ba suakngne. wa persatukan suangk Kristus. ¹¹ Koe situ, sowot ka bahwa iko hiro lahir sebagai ulunt kafir, se wa ontuh, " ulunt doho bersunat", koe reo se ngontuh diri sebagai "ulunt bersunat", se sio sunat se wa gawikan ampe pengompu koe kayangk mersia. ¹² sowot ka saat situ iko wolupm tanpa Kristus, tepisah tanajk kewargaan Israel ali ulunt-ulunt asing agint siretant perjanjian se wa janjikan, doho mili pengarapan ali tanpa Allah ta ala suakng denia sina. ¹³ Namun, keletu, suakng Yesus Kristus, iko se hiro ne oro beta ukah wa oit jadi riet koe raya Kristus. ¹⁴ Moko, Ise saurangk adalah damai sejahtera taapm se ukah ngulah ke rueh belah pihak jadi erai ali ukah ngehancurkant tembok permusuhan se memisahkan, ¹⁵ ali menghaspus permusuhan suakng daging-Ne, se sio Hukum Taurat se berisi perintah-perintah ali ketetapan-ketetapan sehingga ba suakng diri-Ne Ise ngulah ke rueh ne jadi erai mersia wau. sehingga jadi perdamian, ¹⁶ ali mendamaikan ke rueh ne ali Allah ta ala suakng erai pengompu nyendalo salib, sehingga mematekan permusuhan. ¹⁷ Ise awi membritakan damai sejahtera ampeko se oro ali damai sejahtera ampe reo se riet. ¹⁸ Moko, nyendalo Ise, taapm berueh mili lalan sinop ampe Uma suakng erai Roh. ¹⁹ Jari, iko doho mao ulunt-ulunt asing ali pendatang, tapi sesama warga ali ulunt-ulunt berasih ali anggota-anggota keluarga Allah ta ala, ²⁰ se wa bangun ba ombo dasar para rasul ali para nabi, ali Yesus Kristus saurangk sebagai Watu Penjurune. ²¹ Suakng Kristus, seluruh bangunan pentukng wa persatukan sesama ali bertumbu jadi Bait Suci suakng Tuhan. ²² Suakng Ise, iko lou pentung wa bangun sesama jari wadah penduloi Allah ta ala suakng Roh.