¹ Lau Petrus ali Yohanes sundro ampe ulunt deo, awilah ampe buhan imam,utok penjaga Bait Allah ali ulunt-ulunt Saduki, ² Ali mara beta koe reo ngajar ulunt deo ali ngumitau ba suang Yesus na'an kebangkitan ante rokakng ulunt mate. ³ Gane , reo ngrungkup Petrus ali Yohanes ali mesinopne ampe suakng penjara ampe peondro dilo ne koe ondro ukah malopm. ⁴ Nmaun, deo ante reo se ukah krongoi pengontuh buhan rasul njari pesaya, ali jumlah uo wa rokakng reo njari kira-kira dimo ribu ulunt. ⁵ Ampe ondro dilone pemimpin-pemimpoin tuo-tuo reo bekumpul sasama ba Yerusalem. ⁶ Sasama ali imam olai Hanas, Ali Kayafas,Yohanes , Aleksander , alie gawis ulunt ante keluarga imam olai. ⁷ Lau reo ngandak Petrus ali Yohanes ba nonga-nonga, reo mihirik," Ali kuasa nyone atau ali ngarant isepoh iko ngelakukan hal sina?" ⁸ Gane, Petrus , waponuhi ali Roh Kudus, montuh ampe reo, Buhan pemimpin bangsa ali tuo-tuo, ⁹ Ena kaint wa periksa onro itu koe sesuatu perbuatan maeh se ukah kaint lakukan tehadap ulunt se lome sina, ali sara nyone ukah wa paradu? ¹⁰ Ginounmah hal sio waketahu oleh iko awis ali gawis ulunt Israel bahwa oleh ngarant Kristus Yesus, ulunt Nasaret, se iko salibkan, seukah Allah bangkitkan ante ulunt mate, ulunt sina sekondrongk ba hadapatnko suakng keadaan sehat. ¹¹ Yesus sina siolah; 'Watu se wa tumbuk oleh iko, tukakng-tukakng bangunan, se ukah njari watu Penjuru. ¹² Ali , doho na'ant keselamatan ba suakng isepun lainne koedoho na'an ngarant laint ba iwe langit waumi ba rokakng meresia se oleh ngaratn sio ta'amp kahalu wa selamatkan. ¹³ Lau reo kotau keberanian Petrus ali Yohanes ali paham bahwa reo siolahulunt-ulunt doho tepelajar ali awam, reo njari mehinga ali mulai kenal bahwa ke ruehne suah sasama ali Ysesu. ¹⁴ Ali, ukah kotau ulunt se ukah wa paradu sio sekondrokng ba rika Petrus ali Yohanes. reo doho kate membantahne ¹⁵ Anta leka, lau reo nyuyu Petrus ali Yohanes agin ngikeh Sanhedrin reo berunding erai ali selaint. ¹⁶ ali montuh," Nyone se harus ta'amp lakukan tehadap kerueh ulunt sina? Ena, eraiuwa tanda ajaib se kual biasa ukah tejari nyendalo reo ali semayo nyata bagi gawis ulunt se duloi ba Yerusale, ali ta'amp dohokate menyangkalne. ¹⁷ Leka, agar hal situ doho semakin tesebar ba rokakng ulutn-ulutn, ayu taapm ngancam reo agitn doho gane ngontuh ampe ise poh suakng ngaratn sio." ¹⁸ Kemudian, reo ngitai Petrus ali Yohanes, lalu nyuyu keruehne agitn doho ngontuh atau ngajar none pun suakng ngaratn Yesus. ¹⁹ Leka, Petrus ali Yohanes nuikng ali montuh ampe reo, " Putuskandeh, bone se tu'u suakng se wa kinda Allah, agitn krongoine iko lewi ante pe allah? ²⁰ Moko, kaitn doho kate suali montuh hal-hal se ukah kaitn minda ali krongoi." ²¹ Moko, desukng reo trus ngancam Petrus ali Yohanes, reo ngebiarkan rasul-rasul sio tulak, ukah kawokng cara agitn ngehukupm keruahne koe ulutn deo se memuji Allah ombo none se ukah tenjari. ²² koe, ulutn se ampe ise tanda keraduan sio ukah wa nyatakan, ukah umurne lewi ante opat pulu taotn. Petrus ali Yohanes mulek pe eraiuntukng- erai untukng seiman ²³ Desukng aut wa bebaskan, Petrus ali Yohanes tulak ampe kawatn-kawatnne dederai ali mengisahkan awisne sesuatu se waontuh koe para imam utok ali tuo-tuo ampe reo. ²⁴ Ali, desukng kawatn-kawatnne sio krongoine, reo ngangkat nain reo ampe Allah ali sehati ali montuh, "Ya Tuhan, Ikopmdeh se aut njarikan langit, bumi, laut ali awisne isine, ²⁵ se ngontuh nyendalo Roh kudus, nyendalo wowa hamba-Kopm, Daud, itak moyang taapm: 'Konone bangsa-bangsa laitn ngamuk, ali ulutn- ulutn minda se sia-sia? ²⁶ Raja-raja denia ba siap-siap, ali para penguasa bakumpul sesama, ngelawatn Tuhan ali ngelawan se waurapi-Ne.' ²⁷ Koe , setu'une ba kota situ ukah bekumpul sesama agitn ngelawatn Yesus, Hamba-kopm se kudus, se Ikopm urapi ,maeh Herodes ali Pontius Pilatus, sesama ali bangsa-bngsa laitn, ali ulutn- ulutn Israel, ²⁸ agitn gawi awisne sesuatu se koe kayakng-kopm ali rencana-kopm ukah watentukan sebalupm agitn tenjari. ²⁹ Ali kletu, Tuhan, mindadeh ancaman-ancaman reo karuniakanlah hamba-hamba-Kopm situ agitn ngewarakatn firman-Kopm ali awisne keronuan, ³⁰ sambil Ikopm julurkan kayakng-Kopm agitn ngeradukan ali tanda-tanda serta keajaiban-keajaiban tenjari koe ngaratn hamba-kopm se Kudus, Yesus." ³¹ Ali, ukah reo bedo'a, teguyaknglah wadah reo bekumpul sesama ali reo ulep wponuhi ali Roh kudus, serta trus ngewarakatn firman Allah dengan se ronu. Pengewolupm Ulutn percaya ³² Dan, kumpulan reo se percaya erai ati ali jiwa. beloh naan seulutn pun se montuh bahwa barang kepu'utnne siolah pu'utnne dederai, leka awisne sesuatu siolah pu'utn reo sesama. ³³ Lalu, dengan kuasa se olai para rasul ngumi kesaksian reo tentang kebangkitan Tuhan yesus ali anugrah se olai naatn ombo reo ulep. ³⁴ Beloh naan seulutn pun se kekurangan ba rokakng reo koe ulep ulutn se pu'utn umo atau lowu, njualne, ali ngoit hasil penjualanne, ³⁵ lalu ngandak ba po'o para rasul, ali wa bagi-bagikan ampe masikng-masikng ulutn sesuai ali kebutuanne ³⁶ Semayo lou Yusuf, ulutn Lewi, keturunan siprus, se lou wa itai koe para rasul, Barnabas, se artine 'anak penghiburan', ³⁷ njual umo se wapu'unne ali ngoit duitne, lalu ngandakne ba po'o para rasul.