¹ Erai untung erai untung ali Uma-uma, rongoi noh pembelaan ku keletu ampe ko". ² Dan, pas reo ngerongoi bahwa Paulus ngitai reo suakng basa Ibrani, reo makitn mandapm, ali Paulus ngontuhkan ³ " Aku situ ulutn Yahudi, lahir ba Tarsus, Kilikia, leka wa kolaikatn ba kota sina, wa didik ba iwe Gamaliel ali ketat sesuai hukum itak alau taapm, ali jari giat agint Allah ta ala, sama hama iko gawis pe ondro sina. ⁴ Aku menganiaya Lalatn sina ampe pe kepatean, mekingat ali menyinopkatn reo, maeh upo-upo maupun wawe, pe suakng penjara, ⁵ hama se lou Imam Olai ali awis majelis penetua halu bersaksi ampe iko. Tanjak reo aku nerima surat-surat agitn erai untung erai untungk ba Damsyik ali tulak agitn nyiret reo se naatn ba denatn pe Yerusalem sebagai tahanan se anta wa hukum. ⁶ Moko, jari ka, sepahandre aku pentukng suakng pengalanan ali sindroi ampe ba Damsyik, kira-kira ba nonga ondro, tiba-tiba suatu cahaya tarakng tabjak langit mentarakng seliungiku. ⁷ Aku tersungkur pe tana ali ngerongoi naitn montuhkatn ampe aku, 'Saulus, Saulus, none moko iko menganiaya Aku? ⁸ Ali, aku njawab, sebone kah Iko, Tuhan ? Lalu, ise ngontuh ampe aku, 'Aku situ Yesus tanjak Nazaret, se pentukng iko aniaya.' ⁹ Ulunt-ulunt se sesama kotau tarakng situ, leka doho ngerti naitn Ulutn se pentukng menyundrokatn ampe aku. ¹⁰ Dan, aku ngontuh, 'Noe se harus aku gawikatn, Tuhan?' Dan, Tuhan njawab aku, 'Sekondrokng ali tulak ka pe Damsyik, ali ba denatn, iko anta wa umi tau gawis se ulah wa tetapkan agitn iko gawikatn. ¹¹ Ali, pas aku doho halu minda koe kemuliaan tarakng situ, aku wa tuntun koe ulutn-ulunt se sesama ku ali sinop pe Damsyik." ¹² Kemdian, naatn ulutn-ulutn benagratn Ananias, ulutn saleh menurut Hukum Taurat, ali wa kenal maeh koe gawis ulutn Yahudi se duloi ba denatn, ¹³ awi ampe aku, ali ukah sekondrokng ba rikaku, ise ngontuh, 'Erai untung Saulus, kotai ka! Lalu, saat situ lou, aku halu kotai mao ali minda ise. ¹⁴ Ali, ise ngontuh, Allah ta ala itak alau taapm menetapkatn agitn ngetau kenakatn-Ne ali kotau Se Olai, serta kerongoi naitn tanjak wowa-Ne, ¹⁵ koe iko anta jari saksi agitn-Ne agint gawis ulutn tentang none se ukah iko pinda ali kerongoi. ¹⁶ Ali, keletu, none iko menunda-nunda? kuat at ali umi ka diri ko wa baptis, serta berasihkan ka dosa-dosa ko sambil ngitai ngaratn-Ne." ¹⁷ Pas aku mulek pe Yerusalem ali pentukng berdoa ba Bait Allah ta ala, aku wa kuasai Roh, ¹⁸ ali aku kotau Ise nyundro ampe ku, 'Bergegas ka ali sinakng pe kual tanjak Yerusalem koe reo doho katn nerima kesaksianko tentang Aku.' ¹⁹ Lalu, aku ngontuh, 'Tuhan, reo saurakng tau bahwa aku ngajarkan ali mekingat reo se persaya ampe-KO tanjak erai snagoge pe se lainne. ²⁰ Kemudian, pas raya saksi-Ko, Stefanus, wa ruakkatn, kau saurakng pentukng ba denatn, nyetujui, ali ngejaga pakian-pakaian ulutn-ulutn se wa butuhkanne. ' ²¹ Pas situ, Yesus ngontuh ampe aku, ' Tulak ka! Moko aku anta mengutus iko oro ampe bangsa-bangsa laitn." ²² Deo ulutn situ ngerongoikatn Paulus ampe pe pengontuhanne sina. Ukah situ, reo gawis ngengkat naitn reo ali ngontuh, 'Enyahkan ulutn hama situ tanjak bumi koe ise doho kerangatn agitn wolupm! ²³ Lalu, sepahandre reo tarus ngesiak, ali ngelembukng jubah reo, ali ngehamburkatn dabu pe riwut, ²⁴ utok pasukatn merintahkatn supaya Paulus wa oit pe markas, sambil menyatkan bahwa Paulus harus wa periksa ali cambukan sehingga ise halu ngahalukatn alasan none reo ngesiak ngelawatn ise hama situ. ²⁵ Namun, pas reo ukah merentangkanne ali tali-tali upak, Paulus ngontuh pe perwira se sekondrokng ba rietne, " none kah sah agitn iko mencambuk seseorang se sio ulutn warga negara Roma ali tanpa wa adlii? ' ²⁶ pas perwira situ kerongoi ne, ise tulak ampe utok pasukatn ali ngumi tau ne, ontuhnem "None se anta iko lakukatn? Moko, ulutn sina poh ulutn warga negara Roma. ²⁷ Moko, utok pasukan situ awi ali montuh ampe Paulus, "ontuh ka ampe aku, none kah iko saurakng warga negara Roma?" Ali, Paulus ngontuh, "Ya", ²⁸ Ampe pasukatn situ ngejawab, "Aku ngahalukatn kewarganegaraan sina ali jumlah olai duit." Ali, Paulus ngontuh, " Namun, aku jari warga negara koe kelahiran." ²⁹ Moko, ulutn-ulutn se anta meriksa Paulus laju ngikeh ne ali utok pasukan jari takut pas ise tau bahwa Paulus sio erikulunt warga negara Roma ali bahwa sie ukah mekingatne. Paulus Nyundro ali Pemimpin Yahudi ³⁰ Kakant leka, ampe ondro berikutne, koe utok pasukatn kakatn ngetau alasan sebujurne none moko Paulus wa tuduh koe ulutn-ulutn Yahudi situ, ise ngelepahkatn Paulus ali merintahkan imam-imam pengutok ali awis Sanhedrin agin bekumpul, gane ise mowit paulus mange ali ngehadapne pe nonga-nonga reo.