¹ hal sina tejari, desukng Apolos na'ant ba Korintus, Paulus nyendalo daerah pendalaman ali ampe ba Efesus . Ba indo, ise kahalu sesenu murid. ² Paulus montuh ampe reo ," Nyonekah iko nrima Roh Kudus lau iko ukah njari pesaya?" Reo njawab, "Doho bahkan kaint balump suah krongoi bahwana'ant Roh Kudus." ³ Gane, Paulus montuh," ba suakng one, kemudian ,iko wa baptisan Yohanes." ⁴ Paulus montuh," Yohane membaptis ali baptisan pertobatan, sambil ngumitau ulunt-ulunt agint pesaya ampe se eraiulunt se anta awi ukah ise, sesio ampe Yesus." ⁵ Ukah reo krongoi ba hal sina ,reo wabaptis ba suakng ngarant Tuhan Yesus. ⁶ Kemudian, lau Paulus ukah numpakngkan kayakngne ombo reo, Roh Kudus awi pe mundan ro, gane reo muali sundro suakng bebagai basa ali benubuat. ⁷ reo awis bejumlah kira-kira rueh belas ulunt upo. ⁸ Moko, Paulus sinop ba sinagoge ali sundro ali ronu seola tolu ulant, sambil betukar pikiran ali menyakinkan reo tentakng Kerajaan Allah. ⁹ Anta leka, lau sesenu ulunt mengoroikan ate ali menolak pesaya, sambil montuh hal-hal se da'at tentakng lalant sio ba hadapatn ulunt deo, Paulus ngikehkan reo ali ngowit buhan murid tulak, sambil betukar pikiran tiap ondro ba sekolah Tiranus. ¹⁰ Hal sina belangsukng seola rueh taon hingga awis ulunt se duloi ba Asia krongoi firman Tuhan, maeh ulunt-ulunt Yahudi maupun ulut-ulunt Yunani. Anak-Anak Skewa ¹¹ Allah melakukan deo mukjizat se luar biasa nyendalo kanyakng Paulus , ¹² Sehingga sapu kanyakng atau celemek se suah njapai upak Paulus waowit ampe ulunt-ulunt brototn, moko rototn reo wawai ali roh-roh da'at pekual ante reo. ¹³ Namun, sesenu penulak setan Yahudi se malant seliukng berusaha ngontuh ngarant Tuhan Yesus ombo ulunt-ulunt se kerasukan roh-roh da'at sambil montuh, " Aku nyumpah iko suakng ngrant Yesus se Paulus habarkan!" ¹⁴ Turu anak upo Skewa, sala eraikulunt imam olai Yahudi se melakukanne. ¹⁵ Anta leka, roh da'at sio njawab ali montuh ampe reo, " Aku kenal Yesus ali aku tau tentang Paulus , leka isepoh iko?" ¹⁶ Gane , ulunt se kerasukan roh da'at sio melompat pe arah reo,ali bekuasa ombo reo, baya ngalahkan reo awis sehingga reo monsit tanjak lowu sio suakng keadaaan blegeu ali teluka . ¹⁷ Hal sina waketau oleh awis warga Efesus , maeh ulunt-ulunt Yahudi maupun ulunt-ulunt Yunani.Ali reo awis njari takut ali ngarant Yesus semkin wamuliakan. ¹⁸ Deo ante rokakng reo se ukah njari pesaya tatap awi, sambilngakui ali memberitakan gawian-gawian reo. ¹⁹ Gane , deo ante reo se suah ngelakukan sihir, ngumpulkan buku-buku reo ali nyunane ba muka awis ulunt. Ali, reo ngehitung jumant buku-buku sio ali kawokng jumantne mencapai 50.000 keping perak. ²⁰ Jari,firman Tuhan tarus betumbu ali bekuasa. Paulus Merencanakan Pengalantne ²¹ Seukah hal-hal sio ukah, suakng Roh, Paulus bemaksud tulak pe Yerusalem ukah ise nyendalo Makedonia ali Akhaya, ali montuh, " Ukahaku na'nat ba indo,aku lou harus kotau Roma." ²² Ali , ukah ngirim rueh ulunt se melayanine pe Makedonia, sesio Timotius ali Erstus, ise saurang duloi sesenu wayah ba Asia. Demetrius Menimbulkan Kekacauan ba Kota Efesus ²³ Sekitar wayah sio, ba indo tejari kerusuhan se doho idik mengkono lalant sio. ²⁴ Ena, na'ant ulunt bangarant Demetrius eraiulunt pengrajin perak, se ngulah kuil-kuil perak Dewi Artemis , ngumi penghasilan se doho didik bagi tukakng-tukakngne sio ise kumpulkan sesama ali pegawi-pegawi ba bidang sesama ali montuh," Eraiuntukng-eraiuntukng, iko tau bahwa kemakmuran ta'amp tanjak ante perusahaan sina. ²⁶ Gane , iko kotau ali krongoi bahwa , doho ekat ba Efesus melainkan hampir ba awis Asia. Paulus ukah meyakinkan ali ngulah deo ulunt babalikali montuh bahwa Allah se wa ulah ali kanyakng meresia dohokah Allah. ²⁷ Hal sina babahaya doho ekat bahwa usaha ta'amp anta latu pe suakng kehinaan,leka lou kuil Dewi Artemis se agungsi doho anta sedidik pun wa perhitukngkan, ali ise ,se wasembah bagawis Asia ali denia, anta kewawaian keagunganne." ²⁸ Lau reo krongoi hal sina, reo menjari mara beta ali ngesiak-ngesiak," Olailah Artemis, dewi ulunt Efesus!" ²⁹ Gane, kota sio wa ponui ali kekacauan ali reo begegas sesama-sama pegedung kesenian sambil mbair Gayus ali Aristarkhus, ilunt Makedonia se siolah kawant sepengalant Paulus. ³⁰ Namun, lau Paulus kakan tulak sinop ba rokakng ulunt deo sio, buhan murid doho membiarkanne, ³¹ Bahkan, sesenu pemimpin Asia se bakawant aline ngirim eriauwa pesan ampene ali sesenu kali tindu ampene agin doho menyerahkan ompu pe gedung kesenian sio. ³² Moko, sebagian ngesiakkan sesuatu ali sebagian se laintne, koe kumpulan sio na'ant ba suakng kekacauan ali sebagian olai ante reo doho tau nyone alasan reo ukah awi bekumpul. ³³ Sebagian ante ulunt deo sio nyimpulkan Aleksander koe ulunt-ulunt Yahudi ukah numjulne pe muka, ali seukah Alexanderngumi isyarat ali kayankngne, ise bemaksud ngulah pembelaan ba hadapant ulunt deo. ³⁴ Namun,lau reo kenal bahwa Aleksander siolah ulunt Yahudi, seola kira-kira rueh jam, reo awis ngesiak ali erai naint, " Olailah Artemis, dewi ulunt Efesus!" ³⁵ Seukah panitera kota nengkuretkan ulunt deo sio, ise montuh," Hai ulunt-ulunt efesus, isepoh ulunt se doho tau bahwa kota Efesus siolah penjaga kuil Dewi Artemis se agung ali se mange ante langit? ³⁶ Jari , koe hal-hal sio doho kate wabantah, iko seharusne tatap tenang ali doho betindak gegabah. ³⁷ Ena,iko ukah mowit ulunt-ulunt sina pe itu, se doho merampok kuil atau meyumpah dewi ta'amp. ³⁸ Oleh koe sio, jaka Demetrius aline tukakng-tukakng pu'unt keluhan tehadap se eraiulunt pengadilan wabuka ali na'ant prokunsul.Gino'onlah reo mengajukan tuntutan erai tehadap laintne. ³⁹ Namun , jaka iko kenakan sesuatu hal se laint, hal sio kate waselesaikan suakng sidang rakyat menurut hukum. ⁴⁰ Ena, ta'amp na'ant suakng bahaya agin wa ontuh ngulah kerusuhan ondro sio koe doho na'ant alasan one pun se kate ta'amp jelaskan tentang pertemuan se kacau sio." ⁴¹ Seukah ise montuh hal-hal sina, ise mbubarkan kumpulan ulunt sio.